San Mateo 19:27 - Bible in Tzeltal de Oxchuc y Tenejapa

²⁷ La yal te Pedroe: —Cajwal, te jo'otique jilemix cu'untic spisil te bitic ay cu'untique, melel jts'aclinejticatix. ¿Bila ya quich'tic yu'un? —xi'.

Nuevo Testamento Tzeltal de Amatenango

²⁷ La yal te jPedroe: —Kajwal, te joꞌotike jilemix kuꞌuntik spisil te tutik ay kuꞌuntike y tsꞌakliyejtikatix. ¿Tut ya kichꞌtik yuꞌun? —xchi.

Bible in Tzeltal Bachajón

²⁷ La sjac' te Pedro: Te ho'otcotic quihquitayejcotic hilel spisil soc jt'unojatcotic; ¿bin ya jtahcotic a? xchi.

San Mateo 19:27 Referans Kwoze

Filipenses 3:8

Soc spisil te bitic ay ta q'uinale, mero ma'yuquix sc'oplal ta co'tan, ja' nax ay sc'oplal te ya jna'beyix sba ta lec te Cajwal Cristo Jesuse. Ja' ta swenta Cristo te la jch'ay jilel ta spisil. Jich c'oemix ta co'tan te bit'il c'a'pal, swenta yu'un ja' me ay sc'oplal cu'un ya xc'ot stuquel te Cristoe,

San Lucas 5:11

C'alal loq'uic tel ta ti'ja' soc te sbarcoique, la yijq'uitayic jilel spisil te bila ay yu'unique. La sts'aclinic bael te Jesuse.

San Lucas 18:28

Te Pedro la yal: —Cajwal, te jo'otique jilemix cu'untic te bitic ay cu'untique, melel jts'aclinejticatix —xi'.

San Lucas 15:29

Te banquilale la yalbey te state: “Ayix bayal ja'wil te jch'uunejbat amandale. Ma'yuc bay jch'ayojbat amandal ni junuc buelta. Ja'uc me to, ma'yuc bay la awac'bon ni cojt'uc tentsun te ya jpas q'uin soc te jo'taque.

San Marcos 10:28

Te Pedro la yal: —Cajwal, te jo'otique jilemix cu'untic spisil te bitic ay cu'untique, melel joinejticatix —xi'.

San Marcos 2:14

Te c'alal yac ta beel c'axel, la yil te Leví te snich'an Alfeo, nacal ta bay ya yich' tojel spatanul te biluque. Jich la yalbey: —La', ts'aclinawon —la yut. Jich te Leví la stejc'an sba. La sts'aclin bael te Jesuse.

Deuteronomio 33:9

Ja' te jich la yalbey sc'oplal te sme'-statique: “Jc'axel ma'yuc xquil”, xi', soc la yalbey sc'oplal te yermanotaque: “Ma xquil mach'a a”, xi', soc la yalbey sc'oplal te yal-snich'nabique: “Ma jna'bey sbaic”, xi'. Ja'ic ya xch'uunic spasel te bila ya yal te ac'ope, jc'axel yac'oj ta yo'tanic te trato chapal awu'une, ts'acal yac'oj ta yo'tanic.

San Lucas 14:33

Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.

San Mateo 9:9

Loc' bael Jesús tey a ta bay te lume. Tey la yil jtul winic te Mateo sbiile, nacal ta banti ya yich' tojel spatanul te biluque. Te Jesús la sc'opon: —La', ts'aclinawon —la yut. Jich a jajch' te Mateoe. La sts'aclin bael.

1 Corintios 4:7

¿Mach'a la yalbat te cajalat yu'un te yantique? ¿Ay bal bila ay awu'un te ma ac'bilucate? Soc teme ja' yac'ojbat spisil te Diose, ¿bistuc te toyol nax q'uinal ya awaiy yu'une? Melel ma atuqueluc te la awejt'ese.

1 Corintios 1:29

swenta yu'un jtul ma'yuc mach'a ya stoy sba ta stojol a te Diose.

San Mateo 19:26

Te Jesús la yilbey sitic, soc jich la yalbey xan yaiyic: —Te ants-winiquetique ma xju' yu'unic spasel in to. Yan te Diose spisil ya xju' yu'un spasel stuquel —xi'.

San Mateo 19:28

Te Jesús jich la yalbey yaiyic: —Jamal ya calbeyex, te bi ora ya yich' pasel ta yach'il spisil te bitic aye, te c'alal ya snajc'an sba ta bay yutsil smuc'ul nactijib te Nich'anile, ja'ex uuc te ajoinejique ya me x'ac'botex anactijibinic lajchayeb muc'ul nactijibaletic, yu'un ya me awaiyic chajbanwanej ta stojol te lajchaychajp israeletique.