San Mateo 19:23 - Bible in Tzeltal de Oxchuc y Tenejapa

²³ Te Jesús caj yalbey te jnopojeletic yu'une: —Jamal ya calbeyex, te jc'uleje wocol ya yajwalin te Dios te ay ta ch'ulchane.

Nuevo Testamento Tzeltal de Amatenango

²³ Te Jesuse lijk yalbe te jnopojeletik yuꞌune: —Jamal ya kalbeyex: Te jkꞌulejetike lom wokol ya yajwalinik te Diose.

Bible in Tzeltal Bachajón

²³ Ha yu'un te Jesús hich la yalbe te jnopojeletic yu'une: Jamal ya calbeyex, mero wocol ya x'och tey ta banti ay te cuentahinel yu'un te ch'ulchan te mach'a jc'uhlej.

San Mateo 19:23 Referans Kwoze

San Mateo 13:22

In te awalil te c'ot ta ch'ixtiquil, ja' sc'oplal te mach'a ya yaiy stojol te Sc'op Diose, ja'uc me to, ya xlo'layot yu'un te c'ulejalile soc biq'uit nax yo'tan yu'un te bila swenta te balumilale. Jich jc'axel tenbil ya xc'ot ta yo'tan te Sc'op Diose. Jich ma ba ya sitin ta yo'tan.

San Marcos 10:23

Te Jesús la sc'abubey sit te jnopojeletique. Jich la yalbey yaiyic: —Te jc'ulejetique wocol ya yajwalinic te Diose —xi'.

San Lucas 18:24

Te Jesús la yil te bit'il ay ta mel-o'tan te winique. Jich yu'un la yal: —Te jc'ulejetique wocol ya yajwalinic te Diose.

1 Corintios 1:26

Quermanotac, ya me sc'an ya ana'ic te Dios la yiq'uexix ta stojol manchuc teme ma ba tsobolex te ay ap'ijilic ta swenta te balumilale, soc ma tsoboluquex te muc' c'oemexe, soc ma tsoboluquex te ich'bilex ta muq'ue.

San Juan 3:3

Te Jesús jich la yalbey: —Jamal ya calbat, ja' te mach'a ma xcha'ayin xan, ma xju' ya yil te bit'il ay ta ajwalinel te Diose —xi'.

Proverbios 11:28

Te mach'a ja' smuc'ulinej yo'tan te sc'ulejale, jich ya xch'ay te bit'il ya xlubaj coel yabenal te'; yan te mach'a toj yo'tane, jich ya xyaxub te bit'il sc'ab te'.

Santiago 2:6

Yan te ja'exe ya awilayic te me'bae. ¿Ma bal ja'uc ya yac'beyex awocolic te jc'ulejetique? ¿Ma bal ja'uc nix te ya yiq'uex bael ta stojol te jchajbanwanejetique?

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

San Juan 3:5

Te Jesús jich la yal: —Jamal ya calbat, ja' te mach'a ma x'ayin ta swenta ja' soc ta swenta Espíritu, ma xju' ya x'och tey a ta banti ay ta ajwalinel te Diose.

San Mateo 18:3

—Jamal ya calbeyex, teme ma xyanaj te acuxlejale soc teme ma pajaluc awo'tanic ya xc'ot soc te alaletique, ma xju' awu'unic te ya awajwalinic te Dios te ay ta ch'ulchane.

San Mateo 5:20

Jich yu'un ya me calbeyex te ja'exe, teme ma c'axemuc to xan toj awat'el te bit'il ya spasic te jts'ibojometic soc te fariseoetique, ma xju' ya x'ochex tey a ta banti ay ta ajwalinel te Dios ta ch'ulchane.

San Mateo 21:31

¿Mach'a ta xchebalic awaiy te la spasbey te bila la sc'an yo'tan te state? —xi' te Jesuse. La yalic: —Ja' te sbabiale —xiic. Te Jesús jich la yal: —Jamal ya calbeyex, te jc'an-patanetic soc te jmulawil-antsetique, ya me xneelajic ochel awu'unic tey a ta banti ay ta ajwalinel te Diose.

San Mateo 19:22

Te c'alal la yaiy stojol te jch'iel winique, bayal la smel bael yo'tan yu'un, melel bayal te sc'ulejale.