San Mateo 19:21 - Bible in Tzeltal de Oxchuc y Tenejapa

²¹ Te Jesús jich la yalbey: —Teme ya ac'an te jc'axel lec ya xc'oate, baan, chona spisil te bila ay awu'une. Q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi' te Jesuse.

Nuevo Testamento Tzeltal de Amatenango

²¹ La sjakꞌ te Jesuse: —Teme ya akꞌan te lek ya xkꞌoate, baan, chona spisil te tutik ay awuꞌune. Kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Y laꞌ me, tsꞌakliyaon tsꞌiin —xchi te Jesuse.

Bible in Tzeltal Bachajón

²¹ Halbot yu'un te Jesús: Teme yac ac'an te mayuc bin ya spasat falta, bahan, chona hilel te bintic ay awu'un, q'uebembeya hilel te pobrehetic, hich me ay ac'uhlejal ta ch'ulchan; soc la', t'unawon, xchi.

San Mateo 19:21 Referans Kwoze

San Marcos 10:21

Te Jesús la sc'abubey sit. C'ux la yaiy ta yo'tan, soc la yalbey: —Ay to yan xan te bila ya sc'an awu'une. Baan, chona spisil te bila ay awu'une, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon —xi'.

San Lucas 18:22

Te c'alal la yaiy stojol te Jesuse, la yalbey te winique: —Ay to jchajp xan te bila ya sc'an ya apase. Chona spisil bila ay awu'un, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi'.

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

San Lucas 14:33

Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.

Hechos 2:45

Jich ay la xchon sq'uinalic soc ay la xchon sbiluquic, jich la spucbey sbaic spisilic te stojole, chican te bit'il ya xtuun yu'unic juju-jtule.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Lucas 9:23

Soc la yalbey yaiyic ta spisilic: —Teme ay mach'a ya sc'an ya sts'aclinone, ac'a me sloq'ues sba ta yo'tan. Ac'a me xcuch scruz jujun c'aal. Ac'a st'unon.

San Juan 10:27

Te chijetic cu'une ya sna'bonic sba te jc'ope, soc ya jna'bey sbaic uuc. Jich ya sts'aclinonic.

San Mateo 5:48

Jich yu'un te ja'exe ya sc'an te tojuc awo'tanic jich te bit'il toj yo'tan stuquel te Jtatic te ay ta ch'ulchane.

San Lucas 16:9

“Jo'on ya calbeyex: Leaic te mach'atic ya ac'uxtay aba soc a te ac'ulejal swenta in balumilal to, swenta yu'un jich me ya x'ic'otat ochel tey a ta bay ya x'ainat sbajt'el q'uinal te c'alal ya xlaj te ac'ulejale.

San Mateo 19:28

Te Jesús jich la yalbey yaiyic: —Jamal ya calbeyex, te bi ora ya yich' pasel ta yach'il spisil te bitic aye, te c'alal ya snajc'an sba ta bay yutsil smuc'ul nactijib te Nich'anile, ja'ex uuc te ajoinejique ya me x'ac'botex anactijibinic lajchayeb muc'ul nactijibaletic, yu'un ya me awaiyic chajbanwanej ta stojol te lajchaychajp israeletique.

San Mateo 16:24

La yalbey ts'iin te jnopojeletic yu'une: —Te mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch scruz. Ac'a st'unon.

San Lucas 6:40

Soc ni jtuluc jnopojel te cajal ay yu'un te yajmaestroe. Ja' to pajal ya xc'ot soc teme ju' yu'un snopel ta lec te p'ijubtesele.

San Lucas 5:27

Patil loc' bael te Jesuse. La yil jtul jc'an-patan te Leví sbiile, nacal ta banti ya yich' tojel spatanul te biluque. Jich la yalbey: —La' ts'aclinawon —la yut.

San Marcos 8:34

Te Jesús la yic' tel te tsobol ants-winiquetic soc uuc te jnopojeletic yu'une. Jich la yalbey yaiyic: —Teme ay mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch cruz. Ac'a st'unon.

San Mateo 9:9

Loc' bael Jesús tey a ta bay te lume. Tey la yil jtul winic te Mateo sbiile, nacal ta banti ya yich' tojel spatanul te biluque. Te Jesús la sc'opon: —La', ts'aclinawon —la yut. Jich a jajch' te Mateoe. La sts'aclin bael.

Hebreos 10:34

Soc bayal xc'uxul la awaiy ta awo'tanic te mach'atic la yich'ic chuquele. Soc bayal sbujts' awo'tanic yu'un te bajt' ta pojel te bila ay awu'unique, yu'un ja' la ana'ic te bila ay awu'unic ta ch'ulchan te c'axem to xan ay yutsilal soc te sbajt'el q'uinal ay stuquele.

San Marcos 2:14

Te c'alal yac ta beel c'axel, la yil te Leví te snich'an Alfeo, nacal ta bay ya yich' tojel spatanul te biluque. Jich la yalbey: —La', ts'aclinawon —la yut. Jich te Leví la stejc'an sba. La sts'aclin bael te Jesuse.

San Mateo 8:22

Jich la yalbey te Jesuse: —Te ja'ate ts'aclinawon bael. Ja' ac'a smuquic te anima te mach'atic pajal anima soque —la yut.

San Mateo 4:19

Te Jesús la yalbey yaiyic: —La', ts'aclinawonic. Ta ora to ja' awat'elix ya xc'ot te ya atsobic tel ants-winiquetic ta jtojol —xi'.

Salmos 37:37

Ja' me x'awil te mach'a lec sc'oplal soc te lec yat'el, melel te bila ya xc'ot ta swenta, ja' te lamal q'uinale.

Job 1:1

Ta sq'uinal Uz nain jtul winic, Job sbiil. Buen toj yo'tan ain ta stojol Dios, ma'yuc bila amen spasoj stuquel. Soc mero jun yo'tan la yac' sba ta abatinel yu'un te Diose; mero la stsajtay sba ta lec, soc ma'yuc bila amen la spasbey ta stojol yantic.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 6:9

Ja' sc'oplal te Noé. Toj yo'tan te Noé, spisil ora la xch'uunbey smandal te Diose. Ta spisil mach'atic ayic ta q'uinal, ja' nax lec yo'tan stuquel; ya spasbey sc'anjel yo'tan Dios ta spisil ora.

San Mateo 19:20

Te jch'iel winic jich la yal: —Spisil in to, cat'elinej spasel ta jqueremil to tel. ¿Bila ya sc'an xan cu'un? —xi'.

San Mateo 19:22

Te c'alal la yaiy stojol te jch'iel winique, bayal la smel bael yo'tan yu'un, melel bayal te sc'ulejale.