San Mateo 19:19 - Bible in Tzeltal de Oxchuc y Tenejapa

¹⁹ ich'a ta muc' te ame'-atate, soc c'ux me x'awaiy ta awo'tan te apat-axujq'ue jich bit'il c'ux ya awaiy aba atuquel te ja'ate”, te xie —xi' te Jesuse.

Nuevo Testamento Tzeltal de Amatenango

¹⁹ chꞌuunbeya me smantal ameꞌatat, sok kꞌux me xꞌawaꞌi aba sok te ajoy ta genteile, jich tutꞌil kꞌux ya awaꞌi aba atukele, xchi me —xchi te Jesuse.

Bible in Tzeltal Bachajón

¹⁹ ich'a ta muc' te atat soc anan; soc hich me c'ux yac awa'iy te apat-axuhc te bin ut'il c'ux yac awa'iy aba te ha'ate, xchi.

San Mateo 19:19 Referans Kwoze

Levítico 19:18

“Ma me xasujt'esbey spacol, soc ma me xaq'uej ta awo'tan, teme ay bila ya spasbotat yu'un te alumale. C'ux me x'awaiy ta awo'tan te alumale, jichuc me ta awo'tan te bit'il ja'ate. Jo'on Ajwalilon.

San Mateo 22:39

Te xchebal mandalil te pajal soque, ja' in to: “C'ux me x'awaiy ta awo'tan te apat-axujq'ue, jich nix te bit'il c'ux ya awaiy aba atuquel te ja'ate”, te xie.

Deuteronomio 5:16

“Ich'a ta muc' te ame'-atate, jich me xach'uun spasel te bit'il la yalbat apas te Awajwal te Dios awu'une, swenta yu'un najt' me ya xcuxinat, soc jich me buen lec awo'tan ya x'ainat tey ta aq'uinal te ya yac'bat te Awajwal te Dios awu'une.

Éxodo 20:12

“Ich'a ta muc' te ame'-atate, swenta yu'un ya me xnajt'aj acuxlejal ta aq'uinal te ya cac'bat te Ajwalilon te Dioson awu'une.

Santiago 2:8

Ja' to lec ya xc'oex ta stojol Dios teme ya ach'uunic spasel te smandal Dios te cajal sc'oplale, jich te bit'il ts'ibubil ta Sjun Diose: “C'ux me x'awaiy te apat-axujq'ue, jich te bit'il c'ux ya awaiy aba atuquel te ja'ate”, te xie.

Gálatas 5:14

Melel jun nax c'oem sc'oplal spisil te mandalile, ja' bi: “C'ux me x'awaiy ta awo'tan te apat-axujq'ue, jich nix te bit'il c'ux ya awaiy aba atuquel te ja'ate”, te xie.

San Lucas 10:27

La yal te maestro yu'un te mandalile: —Te ts'ibubil jilele, jich ay: “C'ux me x'awaiy ta awo'tan te Cajwaltic Diose soc spisil awo'tan, soc spisil ach'ulel, soc spisil awip, soc spisil ap'ijil. Soc c'ux me x'awaiy te apat-axujq'ue, jich nix te bit'il c'ux ya awaiy aba atuquel te ja'ate”, te xie —xi'.

Proverbios 30:17

Te mach'a ya yilay stat soc te ya slaban sme' te me'elixe, ja' lec te yacuc xloq'uesbot sit yu'un joj, soc te ja'uc ya xti'bot sbaq'uetal yu'un te xuleme.

Levítico 19:3

“Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.

Romanos 13:9

Yu'un te mandalile jich ya yal: “Ma me x'awaiy mulwej, ma me x'awaiy milaw, ma me x'awaiy elec', ma me xawal lotil testigo c'op, soc ma me xbic'taj awo'tan”, te xie. Ja' in mandalil to soc spisil te yantic mandalile, jun nax sc'oplal c'oem ta spisil, jich te bit'il ya yal te: “C'ux me x'awaiy ta awo'tan te apat-axujq'ue, jich bit'il c'ux ya awaiy aba atuquel te ja'ate”, te xie.

San Mateo 5:43

“Soc awaiyojic stojol te jich albil jilel ta nameye: “C'ux me x'awaiy ta awo'tan te mach'a jun awo'tan aba soque. Yan te mach'a ya scontroinate, ilaya me stuquel”, te xie.

San Mateo 19:20

Te jch'iel winic jich la yal: —Spisil in to, cat'elinej spasel ta jqueremil to tel. ¿Bila ya sc'an xan cu'un? —xi'.