San Mateo 19:17 - Bible in Tzeltal de Oxchuc y Tenejapa

¹⁷ La yal te Jesuse: —¿Bi yu'un ya awal te lecon ta winiquile? Jtul nax te mach'a leque. Ja' nax lec stuquel te Diose. Ja'uc me to, teme ya ac'an te ya xcuxinate, at'elina spasel te bila ya yal te mandaliletique —xi' te Jesuse.

Nuevo Testamento Tzeltal de Amatenango

¹⁷ La sjakꞌ te Jesuse: —¿Tut yuꞌun te ya awalbon te ben lekone? Jtul nax te machꞌa ben leke, jaꞌ nax te Diose. Pero teme ya akꞌan te ya xkuxuyinate, chꞌuuna me spasel te tut ya yal te mantaliletike —xchi te Jesuse.

Bible in Tzeltal Bachajón

¹⁷ Halbot yu'un te Jesús: ¿Bin yu'un te la awal te lecon ta winiquil? Mayuc mach'a lec, ha nax jtuhl, ha te Diose. Pero teme yac ac'an yac ata acuxlejal, pasa te bin ya yal te mandariletique, xchi.

San Mateo 19:17 Referans Kwoze

Levítico 18:5

“T'unaic me ta pasel te bitic chapal cu'un, soc te mandaliletic cu'une. Te mach'a ya yac' c'otuc ta pasele, ya me xcuxin yu'un. Jo'on Ajwalilon.

Romanos 10:5

Melel te bit'il toj ya x'ilot yu'un Dios te mach'a ya xch'uun spasel te mandalile, jich la sts'ibubey jilel sc'oplal te Moisese: “Te mach'a ya xju' yu'un spasel te bila ya yal te mandalile, jich me ya xcuxin a”, te xie.

1 Samuel 2:2

Ma'yuc mach'a yan jich ch'ul Dios te bit'il ja'at, Cajwal. Ma'yuc mach'a jich ya xcanantaywan te bit'il ja'at, Dios cu'untic. Jtul ma'yuc mach'a jich te bit'il te ja'ate.

1 Juan 4:16

Jich jna'ojtic stojol, soc xch'uunej co'tantic te c'uxotic ta yo'tan te Diose. Ja' Jc'uxul-o'tanil te Diose. Jich yu'un te mach'a jc'axel ay ta bay te xc'uxul yo'tane, ja' jc'axel ainemix ta yo'tan te Diose, soc jc'axel ainemix ta yo'tan uuc.

Ezequiel 20:21

‘Pero te yal-snich'nabique, ja' nix jich la stoy sbaic ta jtojol. Ma ba la xch'uunbonic te mandaliletic cu'une, te ya yac'bey xcuxlejal te mach'a ya spas baele. La sboltesbey te sc'aalelal cux-o'tan cu'une. La jnop ta co'tan te ya jt'omes bael ta stojolic te quilimba, yu'un c'an jlajin ta jc'axel ta jochol taquin q'uinal, swenta yu'un jich ya xlamaj a te sc'ajc'al co'tane.

Nehemías 9:29

La atac'uy, la awalbey te yacuc spasic xan te bila ya yal te mandaliletic awu'une. Pero la yich' sbaic ta muc' stuquelic, ma ba la yich'ic ta wenta te mandaliletic awu'une. La xc'axintaybat te bitic la awal ta stojolique, te ya yac'bey xcuxlejal te mach'atic ya spasique. Ma ba la yich'ic ta muc', mero tulan la yac' sbaic, ma'yuc sc'oplal c'ot ta yo'tanic.

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

Salmos 52:1

¿Bistuc ya atoy aba soc te abolile, ja'at te bayal awipe? Te xc'uxul yo'tan Dios, stalel ay.

Salmos 119:68

Mero lecat atuquel, soc atuquel nax te lec bila ya apase; p'ijubtesawon a te mandaliletic awu'une.