San Mateo 19:16 - Bible in Tzeltal de Oxchuc y Tenejapa

¹⁶ Ay jtul jch'iel winic tal sc'opon te Jesuse. —Maestro te lecat atuquel. ¿Bila lec ya sc'an te ya jpase, swenta yu'un ya xcuxinon sbajt'el q'uinal? —xi'.

Nuevo Testamento Tzeltal de Amatenango

¹⁶ Ay jtul soltero kerem ba yil te Jesuse y la sjojkꞌobe: —Maestro, te ben lekate, ¿Tut lek ya skꞌan ya jpas yuꞌun ya xkuxuyinon sbajtel kꞌinale? —xchi.

Bible in Tzeltal Bachajón

¹⁶ Ay mach'a tal sjoc'obe: Lequil maestrohat, ¿bin lec ya jpas scuenta yu'un ya jta jcuxlejal scuenta sbahtel q'uinal? xchi.

San Mateo 19:16 Referans Kwoze

Judas 1:21

Jc'axel ac'a abaic ta bay xc'uxul yo'tan te Diose. Soc maliyaic te bi c'aalil ya xc'uxtayotic te ya yac'botic jcuxlejaltic sbajt'el q'uinal ta jpisiltic te Cajwaltic Jesucristoe.

San Juan 3:15

swenta yu'un spisil te mach'a ya xch'uune, ma xch'ay. Ya xcuxin sbajt'el q'uinal —xi' te Jesuse.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

1 Juan 1:2

Ac'ot ta ilel te cuxinele. Te jo'on soc te jo'taque la quiltic. Ja' testigo c'oemon yu'un soc te jo'taque. Ja' ya calbeyex awaiyic sc'oplal te cuxinel sbajt'el q'uinale, te sjoinej sba soc te Tatil te chicnajix ta jtojoltique.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

Tito 3:7

swenta yu'un lec ya yilotic te Diose ta swenta nax te yutsil yo'tane. Jich me ay ta jwentatic te ya quich'tic jcuxlejaltic sbajt'el q'uinal, jich bit'il te maliybil cu'untique.

1 Juan 2:25

Soc yalojix te Jesucristo te ya yac' cuxinucotic sbajt'el q'uinale.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

1 Timoteo 6:19

Jich ya stsob sc'ulejalic te ya xtuun yu'unic ta patile. Jich me ya staic xcuxlejalic sbajt'el q'uinal.

1 Timoteo 6:12

Aiya me lequil tsalaw ta swenta te xch'uunjel awo'tane, swenta yu'un jich ya xcuxinat sbajt'el q'uinal. Melel ja' swentail te ic'bilatix yu'un te Diose, soc te la awalix ta jamal ta stojol tsobol testigoetic te bit'il ach'uunej te Diose.

Hechos 16:30

Soc la yic' loq'uel ta chucjibal. Jich la yalbey: —Tatiquetic, ¿bi ya sc'an ya jpas te ya xju' ya xcolone? —xi'.

Romanos 5:21

Jich bit'il ay yu'el ta yaq'uel lajel te mulile, ja' nanix jich te yutsil yo'tan te Diose ay yu'el ta yaq'uel ta libre yu'un mulil soc ta yaq'uel cuxinel sbajt'el q'uinal ta swenta te Cajwaltic Jesucristoe.

Romanos 2:7

Ya me yac'bey xcuxlejal sbajt'el q'uinal ta stojol te mach'a ya yat'elin spasel spisil ora te bila lec ta pasele, soc te ya sle yutsilal te ma xlaje.

San Juan 12:25

Ja' te mach'a ya xc'uxtay sbae, ya me xch'ay soc xcuxlejal. Yan te mach'a ma xc'uxtay sba te bit'il cuxul ta balumilale, sbajt'el q'uinal ya xcuxin stuquel.

San Juan 10:28

Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

San Juan 6:68

Te Simón Pedro la yal: —Cajwal, ¿mach'a yan ya xbootic ta stojol? Melel ja'at nax atuquel te ay cuxinel sbajt'el q'uinal ta swenta te ac'ope.

San Juan 6:47

Jamal ya calbeyex, te mach'atic ya xch'uunonique ya me xcuxinic sbajt'el q'uinal.

San Juan 5:39

Ya anopilayic ta sp'alap'al te bila ts'ibubil jilel ta Sjune, yu'un ya awalic te tey la ataiquix a te bit'il ya xcuxinex sbajt'el q'uinale, soc ja' ya yalbon jc'oplal,

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

San Mateo 19:29

Spisil mach'a ay bi ya yijq'uitay jilel ta jwenta, chican teme sna, sbanquiltac, xwixitac, yijts'inab, sme'-stat, yinam, snich'nab, o ja' te sq'uinale, jo'winic buelta ya x'esmaj sjelol te ya x'ac'bote, soc ya me x'ac'ot cuxinuc sbajt'el q'uinal.

Daniel 12:2

Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

1 Timoteo 1:16

Ja'uc me to, la xc'uxtayon te Diose, swenta yu'un jich me ya yac' ta ilel ta jwenta te bit'il bayal perdón ay ta yo'tan te Jesucristoe. Ja' ejemplo ya yilic a te mach'atic patil ya xch'uunic te Jesucristoe, swenta yu'un jich me ya staic xcuxlejalic sbajt'el q'uinal yu'un.

San Mateo 19:26

Te Jesús la yilbey sitic, soc jich la yalbey xan yaiyic: —Te ants-winiquetique ma xju' yu'unic spasel in to. Yan te Diose spisil ya xju' yu'un spasel stuquel —xi'.

San Mateo 19:15

Te Jesús la scajanbey sc'ab ta sjol te alaletique. Patil loc' bael tey a.