San Mateo 19:14 - Bible in Tzeltal de Oxchuc y Tenejapa

¹⁴ La yal te Jesuse: —Ma me x'acomic. Ac'a taluc ta jtojol te alaletique, melel te mach'atic jich yo'tanic te bit'il in alaletic to, ja' me ya x'ochic ta banti ay ta ajwalinel te Dios te ay ta ch'ulchane —xi'.

Nuevo Testamento Tzeltal de Amatenango

¹⁴ La yal te Jesuse: —Ma me xꞌakomik. Aꞌ taluk ta jtojol te untike. Te machꞌatik jachik yoꞌtanik tutꞌil untik to jaꞌ me ya xꞌoch te ba ay ta mantal te Diose —xchi.

Bible in Tzeltal Bachajón

¹⁴ Ha yu'un hich halbotic yu'un te Jesús: Ac'a taluc ta jtojol te alaletic, ma me xacomic, como ha yu'unic te cuentahinel yu'un te ch'ulchane, xchi.

San Mateo 19:14 Referans Kwoze

San Mateo 18:3

—Jamal ya calbeyex, teme ma xyanaj te acuxlejale soc teme ma pajaluc awo'tanic ya xc'ot soc te alaletique, ma xju' awu'unic te ya awajwalinic te Dios te ay ta ch'ulchane.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

San Marcos 10:14

C'alal la yil te Jesuse, ma lecuc la yaiy. Jich la yal: —Ac'a taluc ta jtojol te alaletique. Ma me x'acomic, melel te mach'a jich yo'tanic te bit'il in alaletic to, ja' me ya xju' ya yajwalinic te Diose.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

1 Samuel 1:11

Ay bi la yal ya spas ta stojol, jich la yal: —Cajwaltic te Spisil ya xju' awu'une, ayuc bit'il ya ana'bon yo'bolil jba yu'un te jwocol jo'on te abaton awu'une. Yacuc ana'on, yacuc awac'bon tel jtuluc cal, yu'un jc'axel ya cac'bat awabatin te jayeb c'aal ya xcuxin ta balumilal. Te bit'il ya cac'bat awabatin ta jc'axele, ja' me seña ya xc'ot te ma ba ya jset'bey te stsotsil sjole —xi' te Ana.

Jueces 13:7

Ja' nax ya jna' te bi la yalbone, te ya jta jch'in querem-al. Ta c'alal ora yo'tic ma ba ya cuch' vino ni yantic bitic tulan uch'balil, soc te ma ba ya jwe'elin te bila ma lecuc sc'oplale. Melel te alal, yu'un laj Dios ya xc'ot, stalel laj nazareo te c'alal ma to x'ayin a ja' to c'alal ya xlaj —xi'.

1 Samuel 2:18

Pero te ch'in querem Samuel jun yo'tan yac'oj sba ta abatinel yu'un te Cajwaltic, sc'u'inej efod pasbil ta lino-pac'.

1 Samuel 1:24

Te c'alal la yijq'uitay te xchu'e, manchuc me alal to a, pero la yic' bael ta templo yu'un Cajwaltic ta Silo. Soc la yic' bael oxeb toroetic, cheb xcha'winic (22) litro trigo, soc jpojc' nujc'ul pulbil ta vino.

Génesis 21:4

Swaxaquebal c'aal yayinel a te Isaac te la yac'bey circuncisión te Abraham, jich bit'il albot mandal yu'un te Diose.

1 Samuel 1:22

pero te Ana ma ba bajt' stuquel, yu'un jich la yalbey te smamlale: —Te jo'one ma to xboon. Ja' to ya xboon a teme jil xchu' te alale, ja' to me ya quic' bael a, swenta yu'un ya me cac'bey ta sc'ab te Cajwaltic, soc tey me ya xjilix ta jc'axel a —la yut.

San Mateo 5:3

—Bin nax me yutsil te mach'atic me'ba ya yaiy sba ta yo'tanic, te melel ja' me ya x'ochic ta banti ay ta ajwalinel te Diose.

San Mateo 5:10

“Bin nax me yutsil te mach'atic ya xc'ax swocolic ta uts'inel ta scaj te yat'elinejic spasel te bila toj ta pasele, te melel ja' me ya x'ochic ta banti ay ta ajwalinel te Dios ta ch'ulchane.

San Mateo 19:15

Te Jesús la scajanbey sc'ab ta sjol te alaletique. Patil loc' bael tey a.

San Marcos 10:15

Jamal ya calbeyex, te mach'a ma xch'uun yajwalinel te Diose, jich bit'il te alale, ma xju' ya yajwalin te Diose —xi' te Jesuse.