San Mateo 18:8 - Bible in Tzeltal de Oxchuc y Tenejapa

⁸ “Jich yu'un teme ja' ya syalesat ta mulil te ac'abe, o ja' te awacane, boja loq'uel. Ch'oja bael, yu'un ja' lec te yacuc x'ochat ta cuxinel, manchuc me coxoat soc c'ojc'ol-c'abat. Ja' wocol teme xchebal ac'ab soc xchebal awacan te ya xch'ojotat ochel ta c'ajc' te ma xtup' sbajt'el q'uinale.

Nuevo Testamento Tzeltal de Amatenango

⁸ “Jaꞌ yuꞌun teme jaꞌ ya syalesat ta mulil te akꞌabe o jaꞌ te awoke, boja lokꞌel sok chꞌoja bael. Jaꞌ lek te yauk xꞌochat ta kuxlejal manchuk me koxoat manchuk me mokol akꞌab. Jaꞌ ma lekuk teme xchebal akꞌab sok teme xchebal awok te ya xchꞌojelat ochel ta kꞌakꞌ te ma xtup sbajtel kꞌinale.

Bible in Tzeltal Bachajón

⁸ Ha yu'un teme ha ya ya'bat ale amul te ac'ab o te awoc, boja loq'uel, ch'aya bahel: ha lec xan a te nol-oc o nolc'ab a yac awich' acuxlejal te bin ut'il teme schebal ac'ab o schebal awoc a ya xch'ojotat ochel ta c'ahc' te sbahtel q'uinal ay.

San Mateo 18:8 Referans Kwoze

Romanos 13:12

Te ajc'ubale nopol xc'axix bael. Ja' nopol ya sacubix tel te q'uinale. Jich yu'un, ya sc'an ya quijq'uitaytic jilel ta pasel te bila swenta te ijc' q'uinale. Ya sc'an te ya c'u'intiquix te cat'ejibtic ta swenta te saquil q'uinale.

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

Apocalipsis 14:10

ya me x'ac'bot yuch'ic te vino, ja' te yilimba Dios te xujt' ma'yuc scape, te nojel yu'un a te vasoe. Ya me x'ac'bot c'axuc bayal swocolic ta c'ajc' te yac ta tilel ta azufre ta sitic te ch'ul abatetic yu'un te Diose soc ta sit te Alalchije.

Ezequiel 18:31

Ijq'uitayaic jilel ta jc'axel ta spisil te bitic amen ya apasic ta jtojole. Pasa ta yach'il awo'tanic, pasa ta yach'il acuxlejalic. ¿Bi yu'un ya xlajat, lum Israel?

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

San Lucas 14:33

Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

Isaías 33:14

Ta lum Sión ya me xiw te jmulawiletique; te mach'atic ma tojuc yo'tanic, ya me xnoj xiwel ta yo'tanic. Soc jich me ya yalic: “¿Mach'a ya xju' ya xcuxin tey a te jo'otique ta bay c'ajc' te jinawanej, te yac ta tilel sbajt'el q'uinale?” xiic me.

San Lucas 16:24

Jich jajch' yawtay: “Tatic Abraham, c'uxtayawon. Ticunbon tel te Lázaroe. Ac'a yajch'es tel jch'ixuc sni'il sbic'tal sc'ab ta ja', yu'un ya xtal sictesbon cac' a. Melel bayal ayon ta woclajel ta c'ajc' li'to”, xi' ta aw.

Isaías 30:22

Soc ya me awilay te loc'ombaetic te apasoj ta plata, soc te apotsoj ta oro, jichuc me ya xc'ot ta asitic te bila mero c'ax bolobene. Ya me ach'oj bael, bolobuc sc'oplal awu'un, jich me ya xc'ot ta awo'tan te bila amene.

San Mateo 17:27

Ja'uc me to, swenta yu'un ma me mach'a amen yo'tan ya xc'ot yu'un, baan ta ti'mar. Ch'oja ochel te anzuelo. Nita loq'uel te chay te neel ya stsacbate. Jachbeya ye. Tey me ya ata a te jun estatero-taq'uin te ya awac'bon te cu'une soc uuc te awu'une. Ich'a bael. Baan, ac'a jilel —xi' te Jesuse.