San Mateo 18:6 - Bible in Tzeltal de Oxchuc y Tenejapa

⁶ “Mach'auc a te ya yac' yaluc ta mulil jtuluc te mach'atic peq'uel ayic te xch'uunejonique, ja' lec te lajuc yich' chuquel muc'ul cha' ta snuc' te la yich' ch'ojel ochel ta sna'bilal te mare.

Nuevo Testamento Tzeltal de Amatenango

⁶ “Machꞌauk a te ya yakꞌ yaluk ta mulil jtuluk te machꞌatik chꞌin ayik te xchꞌuunejikone, jaꞌ lek te yauk yichꞌ chukel mukꞌul chaꞌton ta snukꞌ te ya xchꞌojot ochel ta stoylejal te mare.

Bible in Tzeltal Bachajón

⁶ Mach'ayuc a te ya yac' yahluc jtuhluc ha'i alaletic ini te sch'uhunejonic, ha lec te yacuc yich' chucbeyel cha' ta snuc' soc ya x'etanot cohel ta sc'ubulil mar.

San Mateo 18:6 Referans Kwoze

San Marcos 9:42

Soc jich la yal xan: —Mach'auc a te ya yac' yaluc ta mulil jtuluc te mach'atic peq'uel ayic te xch'uunejonique, ja' lec yacuc yich' chuquel muc'ul cha' ta snuc', te ya yich' ch'ojel ochel ta mar.

San Mateo 18:10

“Tsajtaya me abaic. Ma me ayuc jtuluc te ma'yuc sc'oplal ta awo'tanic te mach'atic peq'uel ayique. Ya calbeyex te spisil ora ayic ta canantayel yu'un ch'ul abatetic yu'un te Jtat te ay ta ch'ulchane. [

San Mateo 18:14

Ja' nanix jich ma sc'an yo'tan te Jtatic te ay ta ch'ulchan teme ya xch'ay jtuluc in to te mach'a peq'uel ayique.

Salmos 105:15

“Ma me xacontroinic te mach'atic tsabil cu'une, ma me x'awuts'inbonic te j'alwanejetic cu'une”, xi'.

Romanos 14:21

Ja' lec ma x'ati' ti'bal soc ma xawuch' vino soc ma xapas te bila ya xchebaj yo'tan awermano yu'une, te ya xyalesot yu'une, soc te ya xpejc'aj yip yo'tan yu'une.

Zacarías 2:8

Te Cajwaltic te Spisil ya xju' yu'un, la sticunon ta yalel te c'op swenta castigo ta stojolic te nacionetic la spojbeyex abiluquic te ja'exe: —Mach'auc a te ya yuts'inbon te lum cu'une, jo'on xchulel jsit ya yuts'inbon c'oem abi. Ja' yu'un jo'onix ya x'at'ejon ta yaq'uel castigo te nacionetique, ya me cac' te ya yich' pojbeyel sbiluc yu'un te mach'atic smozoineje —xi'. Jich ya yac' ta ilel te yutsilal te Cajwaltic, te Spisil ya xju' yu'une. Jich me ya ana'ic a te ja' te Cajwaltic, te la sticunon tel.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Hechos 9:5

La yal te Sauloe: —¿Mach'aat a, Cajwal? —xi'. Jich la yal te mach'a yac ta c'ope: —Jo'on Jesuson te ya anutsone. Atuquel ya awuts'in aba te ya alombey ta teq'uel sni' te atojtesjibale —xi'.

San Mateo 17:27

Ja'uc me to, swenta yu'un ma me mach'a amen yo'tan ya xc'ot yu'un, baan ta ti'mar. Ch'oja ochel te anzuelo. Nita loq'uel te chay te neel ya stsacbate. Jachbeya ye. Tey me ya ata a te jun estatero-taq'uin te ya awac'bon te cu'une soc uuc te awu'une. Ich'a bael. Baan, ac'a jilel —xi' te Jesuse.

San Mateo 18:5

Soc te mach'a jo'on ta jwenta te ya yic' ta stojol jtul alal jich bit'il in to, jo'on la yic'onix abi.