San Mateo 18:4 - Bible in Tzeltal de Oxchuc y Tenejapa

⁴ Jich yu'un te mach'a peq'uel ya yac' sba jich bit'il in alal to, ja' me muc' ya xc'ot tey a ta banti ay ta ajwalinel te Dios te ay ta ch'ulchane.

Nuevo Testamento Tzeltal de Amatenango

⁴ Jaꞌ yuꞌun te machꞌa chꞌin ya yakꞌ sbae jich tutꞌil te chꞌin untik to, jaꞌ me mukꞌ ya xkꞌot te ba ay ta mantal te Diose.

Bible in Tzeltal Bachajón

⁴ Ha yu'un mach'ayuc a te peq'uel ya yac' sba hich te bin ut'il te alal ini, ha muc' sc'oblal ya xc'oht yu'un spisil yantic ta banti ay te cuentahinel yu'un te ch'ulchane.

San Mateo 18:4 Referans Kwoze

Santiago 4:10

Bic'tajanic me ta stojol te Cajwaltique, jich me ya stoyesbeyex ac'oplalic stuquel.

San Lucas 14:11

Melel te mach'a ya yac' sba ta ich'el ta muq'ue, ma'yuc sc'oplal ya xc'ot. Yan te mach'a peq'uel ya yac' sbae, ja' me ya x'ich'ot ta muc' stuquel —xi' te Jesuse.

San Marcos 10:43

Yan te ja'exe ma me jichuc xapasic. Teme ya ac'anic te muc' ya xc'oexe, ac'a me abaic ta abatinel.

San Lucas 9:48

Jich la yal: —Te mach'a jo'on ta jwenta te ya yic' ta stojol jtuluc alal jich bit'il in to, jo'on la yic'onix abi. In te mach'a ya yic'on ta stojole, ja' la yiq'uix uuc te mach'a la sticunon tele. Jich yu'un te mach'a peq'uel ay ta awolilique, ja' me muc' stuquel —xi' te Jesuse.

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

San Mateo 18:1

Jich yorail te noptsajic tel ta stojol Jesús te jnopojeletique. La sjojc'obey yaiyic: —¿Mach'a a te muc' sc'oplal ya xc'ot ta banti ay ta ajwalinel te Dios te ay ta ch'ulchane? —xiic.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

San Mateo 18:3

—Jamal ya calbeyex, teme ma xyanaj te acuxlejale soc teme ma pajaluc awo'tanic ya xc'ot soc te alaletique, ma xju' awu'unic te ya awajwalinic te Dios te ay ta ch'ulchane.

San Mateo 18:5

Soc te mach'a jo'on ta jwenta te ya yic' ta stojol jtul alal jich bit'il in to, jo'on la yic'onix abi.

San Marcos 9:34

Ja'uc me to, ma'yuc mach'a la sjac' jtuluc, yu'un ja' la yaanic tel ta be te mach'a muc' sc'oplal yu'unic ta spisilique.