San Mateo 18:25 - Bible in Tzeltal de Oxchuc y Tenejapa

²⁵ Te bit'il ma ju' yu'un stojel te sbete, la yal mandal te muc' ajwalile te ya yich' chonel bael soc yinam snich'nab soc spisil te bila ay yu'une, swenta yu'un jich me ya xtojob a te sbete.

Nuevo Testamento Tzeltal de Amatenango

²⁵ Te tutꞌil maꞌyuk tut ya stoj a te sbete, la yakꞌ mantal te ajwalile te ya xchonot bael ta mosoile sok yinam sok xnichꞌnab, y spisil te tutik ay yuꞌune, jich me ya xtoj a te sbete.

Bible in Tzeltal Bachajón

²⁵ Te bin ut'il ma ba hu' yu'un stojel te sbete, la yal mandar te yajwal te ya yich' chonel soc yihnam soc yal-snich'nab soc spisil bintic ay yu'un scuenta stojel te sbete.

San Mateo 18:25 Referans Kwoze

Nehemías 5:5

—Te jo'otique pajal israelotic soc te jlumalique. Te cal-jnich'antique, pajal yilelic soc te yal-snich'anique. Pero te jo'otique puersa ya cac'tic ta mozoil te queremetic soc te ach'ixetic cu'untique. Ay baemiquix ta criadail te cantsil-nich'nabtique. Ma'yuc bi ya xju' ya jcoltaytic a, melel te jq'uinaltique soc te jts'usubiltique yan mach'atic yich'ojiquix —xiic.

2 Reyes 4:1

Ay jtul ants te la yinamin jtul j'alwanej yu'un Dios, bajt' ta stojol Eliseo, jich c'o yal: —Te jmamlale lajix. Ana'oj te la yich' ta muc' te Cajwaltique. Yo'tic talix ta jtojol te jc'an-betile, ya sc'an ya yic'bon bael smozoin te cheb calataque —xi'.

San Lucas 7:42

Patil ma ju' yu'unic stojel. Jich yu'un te yajwal taq'uine ma la yac'bey sjeltay ta xchebalic. Ala caiytic: ¿Mach'a ta xchebalic te bayal c'ux ya yaiy ta yo'tan te mach'a ch'aybot sbet yu'une? —xi' te Jesuse.

Levítico 25:39

“Teme ay och ta me'bail te mach'a jun alumal soque, soc teme ya xchon sba ta atojol, ma me jichuc xawac' ta at'el te bit'il manbil abat.

Nehemías 5:8

Jich la calbey: —Te jo'otic, te bay c'alal ju'em cu'untic la cac'tiquix ta libre yu'un sbetic te jlumaltic judioetic, te chonbilic ta stojol yantic lumetic te ma ba xch'uunejic te cuxul Diose. ¿Yo'tic ja'ex bal ya awaq'uic ta mozoinel xan, swenta yu'un ya jcha'cac' xan ta libre jiche? —la cut. Lamajic bael yu'un, melel ma wejt' te bila la yalic yu'un te jc'ope.

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Éxodo 21:2

“Teme ya aman jtul hebreo ya awabatin, waqueb nax me ja'wil ya x'at'ej awu'un. Ta sjuquebal ja'wil ya me xjil ta libre.

Éxodo 22:3

Yan teme c'aaleltic, ya me smulin te bit'il milawane. “Te mach'a ya x'elc'aje, ts'acal me ya yac'bey stojol te bila yelc'aneje. O teme ma'yuc staq'uine, ja' me ya yich' chonel, jich me ya stoj a te yeleq'ue.

San Mateo 18:24

C'alal jajch' yich'bey ta wenta sbet te juju-jtule, ic'ot ochel tel ta stojol jtul winic te ay lajunmil talento te sbete.