San Mateo 18:22 - Bible in Tzeltal de Oxchuc y Tenejapa

²² La yal te Jesuse: —Ma xcalbat te tic' a te juqueb bueltae. Ja' to tic' a teme juqueb buelta ya x'esmaj ta lajuneb xchanwinique (70 x 7).

Nuevo Testamento Tzeltal de Amatenango

²² La sjakꞌ te Jesuse: —Ma xkalbeyat te tey a te jukeb bueltae. Jaꞌ to tey a te setenta ta jmel sietee te ya apasbe perdone.

Bible in Tzeltal Bachajón

²² Halbot yu'un te Jesús: Ma ba ya calbat te ha nax huqueb buelta, ha to huqueb buelta ta lajlajuneb schanwinic (70), xchi.

San Mateo 18:22 Referans Kwoze

Colosenses 3:13

Talel c'axel ts'icbeya abaic, soc pasbeya abaic perdón teme ay ma lecuc te bila ya apasbey abaique. Jich nix te bit'il la spasbeyex perdón te Cristoe, ja' nanix me jich ya sc'an te ya apasbey abaic perdón uuc te ja'exe.

San Marcos 11:25

Te c'alal yacalex ta sc'oponel te Diose, pasbeya perdón neeluc teme ay mach'a ay falta yu'un ta atojole. Jich me ya spasbeyex perdón yu'un amulic uuc te Jtatic te ay ta ch'ulchane. [

Efesios 4:31

Ijq'uitayaic spisil te lab-o'tanile, te c'ajc'ubele, te ilimbae, te utawe, te bol c'ope, soc spisil ta jchajp te ixtajele.

Génesis 4:24

Teme juqueb buelta ya x'esmaj castigo ya yich' te mach'a ya smil te Caine, yan te mach'a ya smilone, te juqueb buelta ya me x'esmaj lajuneb xchanwinic (70) buelta castigo ya yich' —xi' te Lamec.

Romanos 12:21

Ma me xawac' abaic ta tsalel yu'un te bila amene. Tsalaic me te bila amen ta swenta te bila leque.

Miqueas 7:19

Na'botic xan yo'bolil jbatic ta yan buelta; soc ac'a yich' muquel awu'un te bila amen jpasojtique. Ch'ojbotic coel jmultic ta sc'ubulil te mare.

Efesios 4:26

Teme ya x'ilinexe, ma me teyuc ya ata amulic a. Ma me smaleluc c'aal te yaquex ta ilimbae.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

1 Timoteo 2:8

Jich yu'un ya jc'an te ya sc'oponic Dios ta bayuc te winiquetique. Te c'alal ya stoyes sc'abic ta sc'oponel te Diose, ya sc'an ch'ultesbiluc, soc ma me ilinemuc yo'tanic, soc ma me ayuc guerra ta yo'tanic.

San Mateo 18:23

“Jich yu'un, ta banti ay ta ajwalinel te Dios te ay ta ch'ulchane, jich c'oem te bit'il ay jtul muc' ajwalil la sc'an yich'bey ta wenta sbet te abatetic yu'une.