San Mateo 18:16 - Bible in Tzeltal de Oxchuc y Tenejapa

¹⁶ Ja'uc me to, teme ma la yaiybat te ac'ope, ic'a bael jtul chebuc testigo, swenta yu'un ay me cha'oxtul testigoetic yu'un spisil te bila ya awalic tey ae.

Nuevo Testamento Tzeltal de Amatenango

¹⁶ Pero teme maꞌ yaꞌibeyat sluwar te akꞌope, ikꞌa xan bael jtul o chebuk yuꞌun ay me chaꞌoxtul testigoetik ya xkꞌopoj awuꞌunik spisil te tut la awalik teꞌae.

Bible in Tzeltal Bachajón

¹⁶ Pero teme ma ba ya ya'iybat te ac'ope, ic'a bahel cha'oxtuhl yantic scuenta yu'un ha testigo ya xc'ohtic yu'un te jayp'ahl c'op yac awalbe abahic.

San Mateo 18:16 Referans Kwoze

Deuteronomio 19:15

“Teme jtul nax te mach'a ya yalbey smul te mach'a spasoj te bila mero mulile, o te bila falta, ma me tic'uc a. Ja' to me ay ta wenta a teme ay cheb oxeb testigoetic yu'une.

2 Corintios 13:1

Teme tal quilexe, ja' yoxebal buelta abi. Teme ay c'op ya xchajbaje, ja' to me tulan sc'oplal ya xc'ot a teme ay cha'oxtul testigo yu'une.

1 Timoteo 5:19

Soc ma me xach'uun ta ora teme ya xlebot smul te jtul ancianoe, teme ma'yuc cha'oxtuluc testigo yu'une.

San Juan 8:17

Ts'ibubil jilel ta bay te mandalil awu'unique te ya sc'an ya yich' ch'uunel awu'unic ta puersa teme ay cheb testigoetic te pajal sc'opique.

Hebreos 10:28

Teme ay mach'a ya xc'axintay te mandalil yu'un te Moisese soc teme ay cheb o oxeb testigoetic yu'un te bila amen spasoje, jich ya x'ac'ot ta lajel yu'un soc ma'yuc mach'a ya xcoltayot yu'un.

Deuteronomio 17:6

“Te mach'a ya x'ac'ot ta lajel ta milel, ja' to me teme ay cheb oxeb testigoetic te ya xc'opojic ta yalel ta jamal te smule. Teme jtul nax te testigo ya xc'opoj ta yalel, ma me ayuc mach'a ya xju' ya yich' milel.

Números 35:30

Soc jich la yal te Cajwaltique: —Ja' nax ta swenta cha'oxtul testigoetic te ya xju' ya yil swocol ta milel te jmilawale. Teme jtul nax testigo, ma'yuc mach'a ya yil swocol ta milel yu'un.

1 Reyes 21:13

C'ot cheb lotil testigoetic, la slebeyic smul te Nabot ta stojol te lume. La yalic ta jamal ta lot te la yixtac'optay Dios soc te la yixtac'optay te muc' ajwalil te Nabot. Jich la sloq'uesic bael ta ti'lum, tey c'o smilic ta ch'ojel ta ton a.

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.