San Mateo 18:15 - Bible in Tzeltal de Oxchuc y Tenejapa

¹⁵ “Soc teme ay bila amen la spasbat te awermanoe, baan, chapa soc. Ac'beya sna' te bila amen spasoje. Teme la yaiybat stojol te ac'ope, jich lec ayatix soc awermano abi.

Nuevo Testamento Tzeltal de Amatenango

¹⁵ “Sok teme ay tut ma tsaꞌamuk a spasbeyat te awermanoe, baan kꞌopona aba sok ta stukel nax. Aꞌbeya snaꞌ te tut ma tsaꞌamuk spasoje. Teme la yaꞌibe sluwar te akꞌope, lek ayatix sok a te awermano abi.

Bible in Tzeltal Bachajón

¹⁵ Ha yu'un teme ay la sta smul ta atojol te awermano, bahan, a'beya sna' te smul ta stuquel. Teme lec la ya'iybat te ac'ope, lec ayat soc a te awermanohe.

San Mateo 18:15 Referans Kwoze

Levítico 19:17

“Ma me xcupetuc slab awo'tan ta stojol awermano. “Tojtesa me te alumal teme tojtesel ya sc'ane, ma me xamulinbey smul, ma me xapaj awo'tan soc.

Colosenses 3:13

Talel c'axel ts'icbeya abaic, soc pasbeya abaic perdón teme ay ma lecuc te bila ya apasbey abaique. Jich nix te bit'il la spasbeyex perdón te Cristoe, ja' nanix me jich ya sc'an te ya apasbey abaic perdón uuc te ja'exe.

Gálatas 6:1

Quermanotac, teme ay mach'a la awilic te la staix smule, te ja'ex te wentainbil awo'tanic yu'un te Espiritue, lamaluc me awo'tan ya acoltay ta sujt'esel yo'tan ta stojol Dios. Soc tsajtaya me aba uuc, ma me ja'uc te ya xlajat ta sujel ta mulil uuc te ja'ate.

2 Tesalonicenses 3:15

Ja'uc me to, ma me yu'unuc contro ya awilic. Tac'uyaic ta sbelal te bit'il awermano aba soque.

San Mateo 18:35

“Ja' nanix jich uuc te Jtat te ay ta ch'ulchane. Jich me ya spasbeyex teme ma ba ya apasbey abaic perdón juju-jtul soc te awermanoe —xi' te Jesuse.

Salmos 141:5

Te castigo ya yac'bon te mach'a toj yo'tan, swenta me jc'uxtayel ya xc'ot te tojtesel ta jtojole, pajal soc t'ujbil perfume. Ma'yuc bi ora ya jc'an ich'el ta muc' yu'unic, pero ya me cac' puersa ta sc'oponel te Diose.

Romanos 12:21

Ma me xawac' abaic ta tsalel yu'un te bila amene. Tsalaic me te bila amen ta swenta te bila leque.

1 Pedro 3:1

Ja' nanix jichex uuc antsetic, junuc me awo'tanic ch'uunbeyaic smandal te amamlalique, swenta yu'un teme ay ma ba xch'uunejic sc'op Dios te amamlalique, tic' ya xch'uunic a teme ya yilic te bit'il lec spisil te bila ya apasique.

1 Corintios 8:12

Te bit'il ya awac' ejch'enajuc yo'tanic te quermanotactic te ma'yuc yip yo'tanic ta xch'uunel te Diose, jich la ataix amulic ta stojol a te Cristoe.

Proverbios 11:30

Te toj-o'tanil ya yac' cuxlejal; yan te mach'a jach-c'ope, ya xpojbot xcuxlejal.

2 Corintios 7:12

Jich te c'alal la jts'ibubeyex te cartae, ma ja'uc nax ay ta co'tan te mach'a jajch'esej-c'ope soc te mach'a c'ax swocol yu'une. Ja' ay ta co'tan te yacuc xchicnaj xan awilic ta stojol Dios te ay bayal jc'oplal ta awo'tanique.

1 Tesalonicenses 4:6

Ma me ayuc mach'a ya yac'bey swocol yantic soc ma me ayuc ya slo'lay yermano, melel ya me x'ac'bot tulan castigo yu'un te Cajwaltic teme jich ya spasique, jich bit'il tulan sc'oplal la calbeyex awaiyic ta neelal to.

San Mateo 18:14

Ja' nanix jich ma sc'an yo'tan te Jtatic te ay ta ch'ulchan teme ya xch'ay jtuluc in to te mach'a peq'uel ayique.

San Mateo 18:21

Te Pedroe noptsaj tel soc jich la yal: —Cajwal, ¿jayeb buelta ya sc'an te ya jpasbey perdón te quermano teme ya sta smul ta jtojole? ¿Tic' bal a te juqueb bueltae? —xi'.

Tito 3:10

Soc teme ay mach'a ya xcaj yac' xat sbaic te jch'uunjeletique, coma jun chebuc buelta. Teme ma xch'uun comele, loq'uesa bael.