San Mateo 18:14 - Bible in Tzeltal de Oxchuc y Tenejapa

¹⁴ Ja' nanix jich ma sc'an yo'tan te Jtatic te ay ta ch'ulchan teme ya xch'ay jtuluc in to te mach'a peq'uel ayique.

Nuevo Testamento Tzeltal de Amatenango

¹⁴ Jich euk te aTatik te ay ta chꞌulchane ma skꞌan teme ya xchꞌay jtuluk te machꞌa chꞌin ayike.

Bible in Tzeltal Bachajón

¹⁴ Ha nix hich te Atatic ay ta ch'ulchan ma sc'an te ya xch'ay jtuhluc ha'i alaletic ini.

San Mateo 18:14 Referans Kwoze

2 Pedro 3:9

Ma yu'unuc jal c'aal xan ma xc'ot sc'op yaloj te Cajwaltique, jich bit'il ay mach'atic te jich scuyojique. Scaj nax yu'un te ya smaliyotique, melel ma sc'an teme ay mach'a ch'ayel ya xbajt'e. Ja' ya sc'an te yacuc sujt'es yo'tanic ta stojol te Diose.

San Juan 17:12

Te c'alal joinej to ta balumilal a, la jcanantay ta swenta awu'el te mach'atic la awac'bon ta jwentae. Spisil la jcanantay, jtul ma ch'ay cu'un. Ja' nax ch'ay stuquel te mach'a ay nanix ta swenta te ch'ayele, swenta yu'un jich ya xc'ot ta pasel te bila ts'ibubil jilele.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Isaías 40:11

Jich me ya xtal te bit'il jtul jcanan-chij te ya scanantay te xchije; te ya stsac jajch'el ta sc'ab te alal chijetic yu'une, ya spet bael ta stan, ya me yat'elin scanantayel te mero alaletic toe.

San Juan 21:15

Te c'alal lajix yo'tanic ta we'ele, te Jesús caj yalbey te Simón Pedroe: —Simón, te snich'anat Jonase, ¿c'ax bal jich c'uxon ta awo'tan a te bit'il in yantic to? —xi'. La yal te Pedroe: —C'ux, Cajwal. Ana'oj stojol te c'uxat ta co'tane —xi'. La yal te Jesuse: —Mac'linbon te alal chijetic cu'un jiche —xi'.

Hebreos 12:13

Leaic me te toj bee. Jich me ya xlecub a te awacan te coxobene, soc jich me ya sta xan yip a.

2 Timoteo 2:10

Jich yu'un spisil me ya sts'ijc' cu'un ta scaj te mach'atic tsabilic yu'un te Diose, swenta yu'un jich me ya staic scolelic soc te yutsilal sbajt'el q'uinal ta swenta te Cristo Jesuse.

San Lucas 12:32

“Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.

San Mateo 6:32

Melel te mach'atic ma sna'beyic sba te Diose, ja' nax baem ta yo'tanic sleel stuquel. Yan te ja'exe ay Atatic ta ch'ulchan te sna'oj spisil te bila ya xtuun awu'unique.

San Mateo 6:9

Jich yu'un te ja'exe jich me xac'oponic te Diose: “Jtatic Dios te ayat ta ch'ulchane, ac'a ich'otuc ta muc' te ach'ulbiile.

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

San Mateo 18:13

Teme la sta tel ta leele, jamal ya calbeyex, bin nax me yo'tan yu'un. C'ax jich bin nax yo'tan yu'un a te bit'il balunlajuneb yo'winic (99) ta cojt' te ma ba jowejique.

San Mateo 18:15

“Soc teme ay bila amen la spasbat te awermanoe, baan, chapa soc. Ac'beya sna' te bila amen spasoje. Teme la yaiybat stojol te ac'ope, jich lec ayatix soc awermano abi.