San Mateo 18:13 - Bible in Tzeltal de Oxchuc y Tenejapa

¹³ Teme la sta tel ta leele, jamal ya calbeyex, bin nax me yo'tan yu'un. C'ax jich bin nax yo'tan yu'un a te bit'il balunlajuneb yo'winic (99) ta cojt' te ma ba jowejique.

Nuevo Testamento Tzeltal de Amatenango

¹³ Teme la staj tal ta leele, jamal ya kalbeyex, mas ya skꞌupin yoꞌtan yuꞌun te jkojte yuꞌun te noventa y noeve ta jkojt te maꞌ jowibale.

Bible in Tzeltal Bachajón

¹³ Teme la stahe, ya calbeyex te c'ax hich yutsil yo'tan yu'un a te bin ut'il yutsil yo'tan yu'un te balunlajuneb yo'winic (99) ta coht te ma ba ch'ayic stuquelic.

San Mateo 18:13 Referans Kwoze

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Sofonías 3:17

Te Cajwaltic te Dios awu'une, ay me ta awolilic; ay yu'el stuquel soc ya scoltayat. Te Cajwaltic bin nax me yo'tan awu'un. Ta swenta xc'uxul yo'tan ya yac'bat yach'il acuxlejal; ya me xbujts'naj awo'tan ta c'ayoj

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Isaías 62:5

Melel jich bit'il jtul querem te ya xnujbin soc te ach'ixe, ja' ni me jich te Diose, ya me yic' yinaminat c'oem. Ya me xcha'yutstesat ta pasel; jich me bin nax awo'tan soc, jich bit'il bin nax yo'tan soc yinam te winique.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Salmos 147:11

ja' ya smulan te ya x'ich'ot ta muc' yu'un te ants-winiquetique, ja' me te mach'atic smuc'ulinej yo'tanic te xc'uxul yo'tane.

Ezequiel 34:4

Te ja'exe ma ba ya acoltayic te chijetic ma'yuc yipique, soc ma x'apoxtayic te ayic ta chamele, soc ma ba ya apotsbeyic te banti c'asem te yacane, soc ma ba ya xba atsobic sujt'el tel teme ay ya xjowejic ta be, ni ma ba ya aleic te jayeb ya xch'ayique. Pero lom tulan ya ac'oponic, soc sc'ajc'al awo'tanic ya awuts'inic.

San Mateo 18:12

“¿Ma bal jichuc ay ta pasel? Teme ay jtul winic te ay jo'winic ta cojt' te xchije, teme ch'ay jilel ta be cojt'uc, ¿ma bal yacuc yijq'uitay jilel ta wits te balunlajuneb yo'winic (99) ta jcojt'e, yu'un ya xba sle tel te cojt' xchij te ch'ayeme?

San Mateo 18:14

Ja' nanix jich ma sc'an yo'tan te Jtatic te ay ta ch'ulchan teme ya xch'ay jtuluc in to te mach'a peq'uel ayique.

1 Corintios 13:6

Ma smulan te bila ma stojiluc te bila ay ta pasele, ja' ay sbujts' yo'tan yu'un te bila melele.