San Mateo 18:10 - Bible in Tzeltal de Oxchuc y Tenejapa

¹⁰ “Tsajtaya me abaic. Ma me ayuc jtuluc te ma'yuc sc'oplal ta awo'tanic te mach'atic peq'uel ayique. Ya calbeyex te spisil ora ayic ta canantayel yu'un ch'ul abatetic yu'un te Jtat te ay ta ch'ulchane. [

Nuevo Testamento Tzeltal de Amatenango

¹⁰ “Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

Bible in Tzeltal Bachajón

¹⁰ Tsahtaya me abahic te ma ba yac ap'ajic jtuhluc ha'i alaletic ini; como ya calbeyex, te ch'ul a'batetic yu'unic ta ch'ulchan spisil ora yac yilbelic sit te Jtat ay ta ch'ulchan;

San Mateo 18:10 Referans Kwoze

Salmos 91:11

Melel te Cajwaltic ya sticun tel ch'ul abatetic yu'un, ya scanantayat bayuc ya xbaat.

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.

Salmos 34:7

Te ch'ul abat yu'un Cajwaltic ya scanantay soc ya scoltay te mach'atic ya yich'ic ta muc' te Cajwaltique.

San Lucas 16:22

“Ja'uc me to, laj te winic te ay yo'bolil sbae. La yich' iq'uel bael yu'un ch'ul abatetic te ba yac'bey sjoin sba soc te Abrahame. Soc laj uuc te jc'ulej-winique. La yich' muquel te sbaq'uetale.

San Mateo 24:31

Te c'alal ya x'oc' tulan te oq'uese, ya me sticun bael te ch'ul abatetic yu'une. Ya me xba stsobic tel ta xchanjejch'elul q'uinal ta spamal balumilal te mach'atic tsabilic yu'une.

San Lucas 1:19

La yal te ch'ul abate: —Jo'on Gabrielon te ayon ta abatinel yu'un te Diose. La sticunon tel ta atojol, yu'un tal calbat awaiy in lec yach'il c'op to.

San Mateo 18:14

Ja' nanix jich ma sc'an yo'tan te Jtatic te ay ta ch'ulchan teme ya xch'ay jtuluc in to te mach'a peq'uel ayique.

San Mateo 18:6

“Mach'auc a te ya yac' yaluc ta mulil jtuluc te mach'atic peq'uel ayic te xch'uunejonique, ja' lec te lajuc yich' chuquel muc'ul cha' ta snuc' te la yich' ch'ojel ochel ta sna'bilal te mare.

San Mateo 2:19

Te c'alal lajix a te Herodese, ay jtul ch'ul abat yu'un te Cajwaltique chicnaj la yil ta swaich te José te c'alal ay to ta sq'uinal Egipto. Jich la yalbey:

San Mateo 2:13

Te c'alal sujt'iquix bael a te p'ijil winiquetique, te José chicnaj la yil ta swaich jtul ch'ul abat yu'un te Cajwaltique. Jich albot yu'un: —Jajch'an, ic'a bael te alale soc te sme'e. Anan bael ta sq'uinal Egipto. Tey me ya x'ainat a ja' to teme ya calbat xane, yu'un te Herodese ya xtal sle smil te alale —xi' te ch'ul abate.

San Mateo 1:20

Te c'alal jich snopojix a te jich c'an spase, ta swaich chicnaj la yil jtul ch'ul abat yu'un te Cajwaltique. Jich albot yu'un: —José, te sts'umbalat Davide, ma x'axi' te ya awic' awinamin te Mariae, melel te bit'il ay yale, ja' ta swenta te Ch'ul Espiritue.

1 Tesalonicenses 4:8

Jich yu'un te mach'a ma'yuc sc'oplal ya xc'ot ta yo'tan in mandal to, ma ja'uc smandal ants-winic te la xch'aybeyixe, ja' la xch'aybey smandal te Diose te yac'ojbotic te Ch'ul Espiritue.

1 Corintios 11:22

¿Yu'un bal ma'yuc anaic te banti ya xju' ya xwe'ex-uch'ajexe? ¿Yu'un bal ma'yuc sc'oplal ta awo'tanic te jch'uunjeletic yu'un Dios te bit'il ya awaq'uic ta q'uexlal te mach'atic ma'yuc bi ay yu'unique? ¿Bila ya sc'an ya calbeyex yu'un? ¿Ya bal calbeyex te mero lec te bila ya apasique? Ma jichuc ya calbeyex yu'un.

1 Corintios 16:11

Jich yu'un ayuc me sc'oplal ta awo'tanic te Timoteoe. Ja' ya sc'an te ya acoltayic a te bila ya xtuun yu'un te bit'il ya xbeene, swenta yu'un jun yo'tan ya me xtal yilon, melel yacon ta smaliyel soc te quermanotactique.

Romanos 14:10

Jich yu'un te ja'ate, ¿Bi yu'un te ya alebey smul te awermanoe? Soc te ja'ate, ¿Bi yu'un te ya ap'aj te awermanoe? Melel ta jpisiltic ya me xc'o jtejc'an jbajtic ta muc'ul chajbajibal yu'un te Cristoe.

Hechos 27:23

Melel te Diose te yu'uninejone soc te ayon ta abatinel yu'une, ta ajc'ubal la stejc'anbon ta jtojol jtul ch'ul abat yu'un.

Hechos 12:23

Ta ora nax tal jtul ch'ul abat yu'un te Cajwaltique, la yejch'entes te Herodese, scaj te ma ja'uc la yac' ta ich'el ta muc' te Diose. Jich laj ta ti'el yu'un yalja. Jc'axel laj yu'un.

Hechos 12:15

La yalbeyic te ach'ixe: —Soquem ajol —la yutic. Ja'uc me to, la yac' puersa ta yalel te bit'il melele. Soc la yal ta spisilic: —Ma ja'uc. Ja'ix te ch'ul abat canantaybil yu'une —xiic.

Hechos 10:3

Ay ac'bot yil ta stelemal yilel jtul ch'ul abat yu'un te Diose. Ay niwan oxeb ora c'aal a te la yil tal ta stojole soc te c'oponot yu'une: —Cornelio —xi' la yaiy.

Hechos 5:19

Ta ajc'ubal tal jtul ch'ul abat yu'un te Cajwaltique. La sjambey sti' te chucjibale, soc la yic' loq'uel te jpuc-c'opetique. Jich la yalbey yaiyic:

Salmos 17:15

Yan te jo'one jamal ya cal ta melel: tic' a te bit'il ya quilbey jba jsitic, te ya quilat te c'alal ya xwijc' te jsite.

Salmos 15:4

ja' te mach'a ya yilay te mach'a ay bila amen spasoje; ja' te ya yich' ta muc' te mach'a yich'oj ta muc' te Cajwaltique; ja' te mach'a ya xc'ot ta pasel yu'un te bila yaloj manchuc me ya sta swocol yu'un;

1 Reyes 22:19

La yal xan te Micaías: —Ja' yu'un te bi la awalixe, aiya me awaiy te sc'op Cajwaltic: La quil te Cajwaltic nacal ta smuc'ul nactijib, soc la quilbey spisil te ch'ul abatetic ta ch'ulchan, tec'ajtic ta sts'eel ta swa'el soc ta xq'uexen.

1 Timoteo 4:12

Ma me ayuc mach'a ya sp'ajat yu'un te bit'il jch'iel winicat toe. Ac'beya me yilic te bila lec ta pasel te mach'atic xch'uunejic te Diose. Ja' bi, lecuc me te ac'ope soc te awat'ele, soc ayuc me xc'uxul awo'tan soc yutsil awo'tan soc xch'uunjel awo'tan, soc ma me ayuc mulil ta awo'tan.

1 Corintios 9:22

Teme ay te mach'atic ma'yuc yip yo'tanique, jich ya cac' jba uuc, swenta yu'un jich ya jpas ta ganar a. Jich la cac' jba ta stojolic, swenta yu'un ya xju' ya jcoltay ta xch'uunel a te Cristoe.

Romanos 15:1

Te jo'otic te ayix quiptic ta swenta xch'uunjel co'tantique, ya sc'an ya jna'beytic yo'bolil sbaic uuc te mach'atic ma to ayuc yipique. Ma me ja'uc nax ya jle jtuqueltic te bila ya jmulantique.

Romanos 14:21

Ja' lec ma x'ati' ti'bal soc ma xawuch' vino soc ma xapas te bila ya xchebaj yo'tan awermano yu'une, te ya xyalesot yu'une, soc te ya xpejc'aj yip yo'tan yu'une.

Apocalipsis 8:2

La quil ay juctul ch'ul abatetic tec'ajtic ta stojol te Diose. Ac'botic juqueb oq'uesetic.

Gálatas 6:1

Quermanotac, teme ay mach'a la awilic te la staix smule, te ja'ex te wentainbil awo'tanic yu'un te Espiritue, lamaluc me awo'tan ya acoltay ta sujt'esel yo'tan ta stojol Dios. Soc tsajtaya me aba uuc, ma me ja'uc te ya xlajat ta sujel ta mulil uuc te ja'ate.

2 Corintios 10:10

Ay ya awalic te c'ux soc tulan te cartaetic cu'une. Yan te c'alal ayon ta atojolique: “Ma'yuc yip yo'tan”, xaex, soc ya alabanbonic te jc'ope.

2 Corintios 10:1

Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

San Lucas 10:16

“Te mach'atic ya yaiybeyex stojol te ac'opique, jo'on la yaiybonic stojol jc'op abi. Te mach'atic ya sp'ajexe, jo'on la sp'ajonic abi. Teme ya sp'ajonic te jo'one, ja' ya sp'ajic uuc te Mach'a sticunejon tele —xi' te Jesuse.

San Mateo 12:20

Ma ba ya slajin sc'asel ta jyalel te jalal te c'asemixe; soc ma ba jc'axel ya stup'bey sc'aal te smechail c'ajc' te c'un nax yac' ta tilele. Ma xlaj yo'tan ta ora ja' to teme ya yaiy tsalaw ta stojil chajbanele.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Zacarías 4:10

Ja' te mach'atic ma ba la yich'ic ta wenta te xch'in jajch'ibal te yat'ele, yo'tic bin nax me yo'tanic yu'un te ya yilic te Zorobabel te ya sju'tes te at'ele —xi'. Ta patil te ch'ul abat jich la yal xan: —Te juqueb yawil c'ajq'ue, ja' seña te sit te Cajwaltic, te yacal ta yilel ta spamal a te balumilale —xi'.

Ester 1:14

Ja' te mach'atic te ay sp'ijil yo'tanic te ay ta sts'eel spisil ora te muc' ajwalil, ja'ic te Carsena, Setar, Admata, Tarsis, Meres, Marsena soc Memucán, juquebic te ich'bilic ta muc' te yich'oj tulan yat'elic ta Persia soc Media. Sjoinej sbaic soc te muc' ajwalil ta xchajbanel spisil te yat'ele, melel yich'oj tulan yat'elic ta ajwalil ta stojol te nacione.

2 Samuel 14:28

C'ax cheb ja'wil te Absalón ay ta Jerusalén, te ma ba ac'bot permiso te la stejc'an sba ta sit te muc' ajwalile.

Hebreos 9:24

Melel te Cristoe, ma teyuc och bael a ta bay te templo pasbil ta sc'ab ants-winiquetic te ja' seña to nax te mero temploe. Tey och bael stuquel ta bay te ch'ulchane, tey yac'oj sba ta ilel ta stojol Dios cu'untic ta ora to.