San Mateo 17:9 - Bible in Tzeltal de Oxchuc y Tenejapa

⁹ Te c'alal yacaliquix coel tel ta wits a, te Jesús la spas ta mandal te jnopojeletic yu'une: —Ma me mach'a xawalbey yaiyic te bila ac'botat awil ta asitique ja' to teme cha'cux tel ta bay animaetic te Nich'anile —xi'.

Nuevo Testamento Tzeltal de Amatenango

⁹ Te kꞌalal yipalik tal ta koel te ba witse te Jesuse la stsitstalan te jnopojeletik yuꞌune. Jich a yal: —Ma me machꞌa xꞌawalbeyik te tuti akꞌot awilike jaꞌ to teme chaꞌkux tal Nichꞌanile —xchi.

Bible in Tzeltal Bachajón

⁹ C'alal cohic talel ta wits, hich halbotic yu'un te Jesús: Ma me ayuc mach'a xawalbeyic te bin chicnaj la awilic, ha to te c'alal ya xcha'cuxaj tal te Nich'anil ay ta scuenta winic, xchi.

San Mateo 17:9 Referans Kwoze

San Marcos 8:30

Te Jesuse la scom ta spisilic te ma me mach'a ya yalbeyic yaiy jtuluque.

San Lucas 8:56

Te sme'-state jchajp nax la yilic a. Te Jesús la yalbey mandal te ma me ayuc mach'a ya yalbeyic yaiy te bila c'otix ta pasele.

San Mateo 17:23

Ya me yaq'uic ta lajel, ja'uc me to, ta yoxebal c'aal ya me yich' cha'cuxesel —xi'. Te jnopojeletique bayal la smel yo'tanic yu'un te bila la yale.

San Mateo 17:12

Ja'uc me to, ya calbeyex te xtaluquix te Eliase. Ma la sna'beyic sba. Jich c'ax swocol yu'unic. Chican te bila la sc'an la spasbeyique. Jich nix te Nich'anile, ya me xc'ax swocol ta sc'abic uuc —xi' te Jesuse.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

San Mateo 8:4

Jesús la yalbey te winique: —Ya calbat, ma me mach'a xawalbey yaiy. Ja' nax baan, ac'a aba ta ilel ta stojol te sacerdotee. Soc ac'beya smajt'an te Diose, jich te bit'il yaloj mandal te Moisese. Jich me ya sna'ic stojol te bit'il ch'ayemix te achamele —la yut bael.

San Mateo 12:16

Soc la yalbey mandal te ants-winiquetic te ma ba ya spucbeyic sc'oplale.

San Mateo 17:8

Te c'alal la stoy te sitique, ma'yuc mach'a la yiliquix tey a. Stuquel xanix te Jesuse.

San Mateo 17:20

La yal te Jesuse: —Yu'un ma'yuc xch'uunjel awo'tanic ta lec. Jamal ya calbeyex, te ayuc jich xch'uunjel awo'tanic jtebuc te bit'il sbac' mostaza te biq'uit naxe, ya me xju' ya awalbey in wits to: “Loc'an bael li'to, baan ta yan q'uinal”, teme ya awute, jich nix ya xc'ot ta pasel awu'unic. Ma'yuc bila ma xju' awu'unic spasel te jichuque. [

San Mateo 17:22

Te c'alal la sjoin xan sbaic ta beel ta sq'uinal Galilea, te Jesús jich la yalbey yaiyic te jnopojeletique: —Te Nich'anile ya me x'ac'ot ta sc'ab te ants-winiquetique.

San Lucas 9:36

Te c'alal laj yo'tan ta c'ope, la yilic te stuquel xanix tey a te Jesuse. Jich te jnopojeletique ma'yuc mach'a la yalbey yaiy jtuluc ta ora te bila la yilique.