San Mateo 17:3 - Bible in Tzeltal de Oxchuc y Tenejapa

³ Soc chicnaj tey a te Moisés soc Elías, yacalic ta c'op soc te Jesuse.

Nuevo Testamento Tzeltal de Amatenango

³ Teꞌ chiknaj a te jMoisese sok te jꞌEliase yipalik ta kꞌop sok te Jesuse.

Bible in Tzeltal Bachajón

³ Tey chicnaj la yilic a te Moisés soc Elías, yacalic ta c'op soc te Jesús.

San Mateo 17:3 Referans Kwoze

San Lucas 24:44

La yalbey yaiyic ts'iin: —Te bila c'ot ta pasel ta jwentae, ja' te la calbeyex awaiyic te c'alal joinejex to a. Puersa jich c'ot ta pasel spisil te bila ts'ibubil jilel jc'oplal ta mandalile yu'un te Moisés soc ta sjun te namey q'uinal j'alwanejetic yu'un te Diose soc ta salmoetic —xi'.

San Marcos 9:4

Soc chicnaj tey a te Elías soc te Moisese. Yacalic ta c'op soc te Jesuse.

Malaquías 4:5

“Aiya awaiyic, ya jticunbeyex te j'alwanej Elías te c'alal ma to xc'ot sc'aalelal te Cajwaltic, te mero muc' sc'aalelal te xiweltic sbae.

San Lucas 24:27

Jich jajch' xcholbey spisil te bila ts'ibubil jilel ta Sjun Dios te bit'il ay sc'oplal te Cristoe. Tey jajch' ta Moisés ja' to c'alal ta slajibal te namey q'uinal j'alwanejetic yu'un te Diose.

San Lucas 16:16

“Te mandalil soc te bila la yalic jilel te j'alwanejetique, ay ta ch'uunel ja' to c'alal tal te Juane. Tey jajch' ta cholel a te lec yach'il c'op te bit'il ay ta ajwalinel te Diose. Spisil ants-winiquetic ya sten sbaic ochel tey a.

San Lucas 9:33

Te c'alal yacaliquix ta bael a te cheb winiquetique, te Pedro la yal: —Maestro bin nax yutsil te li' ayotic to. Ja' lec jpastic oxwol nailwamal. Jun awu'un te ja'ate, jun yu'un te Moisese, soc jun yu'un te Eliase —xi' te Pedroe. Yu'un ma la sna' te bila ya yal yu'une.

San Lucas 1:17

Ya me xneelaj ta yalel sc'oplal te Cajwaltique. Ja' me ya spajbey yo'tan soc yip yat'el te j'alwanej Eliase, swenta yu'un ya yac' junajuc yo'tanic te sme'-static ta stojol te alnich'anetique, soc swenta yu'un ya me yac'bey snopic xch'uunel mandal te jc'axintayej-c'opetique. Jich me chapalix yo'tanic ta lec a te lume te ya yic' ta stojolic te Cajwaltique c'alal ya xtale —xi' te ch'ul abate.

1 Reyes 17:1

Te j'alwanej yu'un Dios Elías, te talem ta Tisbe te ay ta sq'uinal Galaad, jich la yalbey te Acab: —¡Ya calbat ta jamal ta stojol Cajwaltic Dios yu'un Israel, te yacon ta abatinel yu'une, te ma ba ya xtal ja'al che'oxeb ja'wil baele, soc ni yacuc xyal tel ts'ujul, ja' to teme jo'on ya cale! —la yut.

Deuteronomio 34:10

Pero ma'yuquix yan jich j'alwanej yu'un Dios chicnaj ta Israel te bit'il Moisés, te mero ta ye nix c'opoj soc te Cajwaltique,

Deuteronomio 18:18

Jo'on me ya cac' chicnajuc ta yolilic j'alwanej yu'unic, jich bit'il te ja'ate. Te ya cac' chicnajuque, ja' ni me jtul te slumalique. Ya me x'albotic yu'un te bila ya calbey. Ja' me ya sc'asesbey yaiyic te bila ya calbeye.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Mateo 17:2

C'atp'uj ta sitic tey a te Jesuse. Te sit yelawe xlemet nax jich bit'il te c'aale, soc buen sac c'ot te sc'u'-spaq'ue.

San Mateo 17:4

Jich te Pedroe la yalbey te Jesuse: —Cajwal, ¡buen lec te li' ayotic to! Teme ya ac'ane, ya jpastic oxwol nailwamal. Jun awu'un te ja'ate, jun yu'un te Moisese, soc jun yu'un te Eliase —xi'.