San Mateo 17:22 - Bible in Tzeltal de Oxchuc y Tenejapa

²² Te c'alal la sjoin xan sbaic ta beel ta sq'uinal Galilea, te Jesús jich la yalbey yaiyic te jnopojeletique: —Te Nich'anile ya me x'ac'ot ta sc'ab te ants-winiquetique.

Nuevo Testamento Tzeltal de Amatenango

²² Te kꞌalal soyinej sbaik kꞌael ta beel ta estado yuꞌun Galilea, te Jesuse jich a yalbe te jnopojeletike: —Te Nichꞌanile ya me xꞌakꞌot ta skꞌab te winketike.

Bible in Tzeltal Bachajón

²² C'alal c'ohtic ta Galilea, hich halbotic yu'un te Jesús: Te Nich'anil ay ta scuenta winic ya me x'ac'ot ta sc'ab winiquetic

San Mateo 17:22 Referans Kwoze

San Mateo 16:21

Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

San Marcos 8:31

Te Jesús jajch' yac'bey sna'ic stojol te jnopojeletic yu'un te puersa ya xc'ax bayal swocol: —Te Nich'anile xujt' ma'yuc sc'oplal ya xc'ot ta yo'tanic te principaletique soc te jwolwanej-sacerdoteetic soc te jts'ibojometique. Ya me x'ac'ot ta lajel yu'unic, soc ya xcha'cux tel ta yoxebal c'aal —xi'.

San Mateo 17:23

Ya me yaq'uic ta lajel, ja'uc me to, ta yoxebal c'aal ya me yich' cha'cuxesel —xi'. Te jnopojeletique bayal la smel yo'tanic yu'un te bila la yale.

San Lucas 24:46

Jich la yalbey yaiyic: —Jich ts'ibubil jilel te puersa ya xc'ax swocol te Cristoe, soc te ya xcha'cux tel ta yoxebal c'aal ta bay te animaetique.

San Lucas 24:26

¿Ma bal jichuc la sc'an te puersa ya xc'ax swocol neeluc te Cristo te ma to x'och ta bay te utsilale? —xi'.

San Lucas 9:22

Soc la yal: —Te Nich'anile puersa ya xc'ax bayal swocol soc xujt' ma'yuc sc'oplal ya xc'ot ta yo'tanic te principaletique soc te jwolwanej-sacerdoteetique soc te jts'ibojometique. Ya me x'ac'ot ta lajel yu'unic, soc ya me xcha'cux tel ta yoxebal c'aal —xi'.

Hechos 7:52

¿Ay bal jtuluc j'alwanej yu'un Dios te ma la scontroinique? La smilic te mach'atic la yalbeyic sc'oplal te ya xtal te Mach'a toj yo'tane. Ja'uc me to, te c'alal tale, ja'ex la awaq'uic ta c'abal soc la amilic.

San Mateo 26:46

Jajch'anic, ya xbootiquix. Talix te mach'a ya yac'on ta c'abale —xi' te Jesuse.

San Mateo 24:10

Ay me tsobol ta jtul ya xchebaj yo'tanic. Soc ya me xjajch' yilay sbaic soc ya me xjajch' yac' sbaic ta c'abal.

San Mateo 16:28

Jamal ya calbeyex, ay mach'atic li' ayic to te ma ba ya xlajique ja' to teme la yilic ya xtal ta ajwalinel te Nich'anile —xi' te Jesuse.

1 Corintios 11:23

Yu'un te jo'one, la cac'beyex anopic te bila la yalbon te Cajwaltique. Ja' bi, ja'ix ta ajc'ubal a te ya x'ac'ot ta c'abal te Cajwaltic Jesuse, la stsac ta sc'ab te waje.

San Mateo 26:16

Ora caj snop te Judas te bi ya yut ya yac' ta c'abal te Jesuse.

San Mateo 17:9

Te c'alal yacaliquix coel tel ta wits a, te Jesús la spas ta mandal te jnopojeletic yu'une: —Ma me mach'a xawalbey yaiyic te bila ac'botat awil ta asitique ja' to teme cha'cux tel ta bay animaetic te Nich'anile —xi'.

San Mateo 17:12

Ja'uc me to, ya calbeyex te xtaluquix te Eliase. Ma la sna'beyic sba. Jich c'ax swocol yu'unic. Chican te bila la sc'an la spasbeyique. Jich nix te Nich'anile, ya me xc'ax swocol ta sc'abic uuc —xi' te Jesuse.

San Lucas 9:43

Spisilic yan nax q'uinal la yaiyic yu'un te la yilbeyic yutsilal yu'el te Diose. Te c'alal ch'ayem nax yo'tanic yu'un te bila la spas te Jesuse, jich la yalbey te jnopojeletic yu'une: