San Mateo 17:12 - Bible in Tzeltal de Oxchuc y Tenejapa

¹² Ja'uc me to, ya calbeyex te xtaluquix te Eliase. Ma la sna'beyic sba. Jich c'ax swocol yu'unic. Chican te bila la sc'an la spasbeyique. Jich nix te Nich'anile, ya me xc'ax swocol ta sc'abic uuc —xi' te Jesuse.

Nuevo Testamento Tzeltal de Amatenango

¹² Pero ya kalbeyex te xtalukix te jꞌEliase. Maꞌ snaꞌbeyik sba te genteetike. Jicha kꞌax swokol yuꞌunik chikan te tuti skꞌan a spasbeyike. Jich euk te Nichꞌanile ya me xkꞌax swokol ta skꞌabik euk —xchi te Jesuse.

Bible in Tzeltal Bachajón

¹² Pero ya calbeyex, xtaluquix te Elías, pero ma la sna'beyic sba, la spasbeyic spisil bintic la sc'an yo'tanic. Ha nix hich te Nich'anil ay ta scuenta winic ya me xc'ax swocol yu'unic, xchi.

San Mateo 17:12 Referans Kwoze

San Mateo 16:21

Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

Hechos 4:10

jamal me ya calbeyex ta atojolic, swenta yu'un ya me ana'ic stojol soc spisil te jlumaltic israeletique. Melel ja' nax ta swenta sbiil te Jesucristo te Nazarete, te ja'ex nix la ac'anbeyic slajel ta cruz, soc te Dios cha'cuxesotix tel yu'un ta bay te animaetique, ja' coltayotix yu'un te winic colemix ya awilique.

Hechos 7:52

¿Ay bal jtuluc j'alwanej yu'un Dios te ma la scontroinique? La smilic te mach'atic la yalbeyic sc'oplal te ya xtal te Mach'a toj yo'tane. Ja'uc me to, te c'alal tale, ja'ex la awaq'uic ta c'abal soc la amilic.

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

San Juan 1:11

Tal sjoin te mach'atic ay yu'une, ja'uc me to, ma ba ich'ot ta muc' yu'un te mach'atic slumal sba soque.

San Lucas 7:33

Melel te c'alal tal te Juan J'ac'-ich'ja'e, ma ba we' ta lec soc ma la yuch' vino. “Ay pucuj ta yo'tan”, xaex yu'un.

San Mateo 21:32

Melel tal te Juane. La yac'beyex at'unic sbelal te bila toj ta pasele, ja'uc me to, ma la ach'uunic te bi la yalbeyexe. Yan te jc'an-patanetique soc te jmulawil-antsetique la xch'uunic stuquelic. Yan te ja'exe manchuc teme la awilic te jich yac ta c'oel ta pasele, ma ba la asujt'es awo'tanic soc ma ba la ach'uunic.

San Mateo 11:2

Te bit'il ayix ta chucjibal te Juane, la yaiy stojol te bila yac ta spasel te Cristoe. Jich la sticun bael cheb jnopojeletic yu'un.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

San Mateo 17:9

Te c'alal yacaliquix coel tel ta wits a, te Jesús la spas ta mandal te jnopojeletic yu'une: —Ma me mach'a xawalbey yaiyic te bila ac'botat awil ta asitique ja' to teme cha'cux tel ta bay animaetic te Nich'anile —xi'.

San Mateo 17:11

La yal te Jesuse: —Melel nix a te ja' neel ya xtal te Eliase, soc melel xaal te ya xchajban spisil.

San Mateo 17:13

Jich c'ot ta yo'tanic te jnopojeletique te ja' la yalbey sc'oplal te Juan J'ac'-ich'ja'e.

San Mateo 17:22

Te c'alal la sjoin xan sbaic ta beel ta sq'uinal Galilea, te Jesús jich la yalbey yaiyic te jnopojeletique: —Te Nich'anile ya me x'ac'ot ta sc'ab te ants-winiquetique.