San Mateo 17:1 - Bible in Tzeltal de Oxchuc y Tenejapa

¹ Waqueb c'aal ta patil te Jesús la yic' bael te Pedro, te Jacobo, soc te yijts'ine ja' te Juane. Stuquelic nax ic'otic moel yu'un Jesús ta bay muc' toyol wits.

Nuevo Testamento Tzeltal de Amatenango

¹ Wakeꞌ kꞌaal ta patil a te Jesuse la yikꞌ bael te jPedro, te Jacoboe sok te yijtsꞌine, jaꞌ te Juane. Parte ikꞌtalanot bael yuꞌun te Jesuse ta jun mukꞌul wits te ben toyole.

Bible in Tzeltal Bachajón

¹ Waqueb c'ahc'al ta patil te Jesús la yic' bahel sjoquin te Pedro, Jacobo soc Juan te yihts'ine, la yic' bahel ta stuquelic ta jun toyol wits.

San Mateo 17:1 Referans Kwoze

San Mateo 26:37

La yic' xan bael te Pedro soc te cheb snich'nab te Zebedeoe. Jajch' ta buen mel-o'tan, soc jajch' ta woclajel.

San Marcos 5:37

Te Jesús ma la sc'an te ay tsobol mach'a ya xts'aclinot bael yu'une. Ja' nax la yic' bael te Pedro, Jacobo soc Juan te yijts'in te Jacoboe.

2 Pedro 1:18

Jo'otic la caiytic stojol ta jchiquintic te c'opoj tel ta ch'ulchane, melel tey joinej jbatic soc a te Cajwaltic ta bay te ch'ul witse.

2 Corintios 13:1

Teme tal quilexe, ja' yoxebal buelta abi. Teme ay c'op ya xchajbaje, ja' to me tulan sc'oplal ya xc'ot a teme ay cha'oxtul testigo yu'une.

San Lucas 8:51

C'alal c'ot ta na te Jesuse, ma'yuc yantic la yic' ochel sjoin, ja' nax te Pedro, soc Jacobo, soc Juan, soc te sme'-stat te ach'ixe.

San Mateo 17:2

C'atp'uj ta sitic tey a te Jesuse. Te sit yelawe xlemet nax jich bit'il te c'aale, soc buen sac c'ot te sc'u'-spaq'ue.

San Marcos 13:3

Jich bajt'ic ta Wits Olivailtic. Tey la snajc'an sba a te Jesús ta bay yelawinej sba soc te temploe. Te Pedro, te Jacobo, te Juan, soc te Andrés stuquelic nax tal sc'oponic.

2 Pedro 1:16

La cac'beyex anopic te bit'il ay yu'el te ya xcha'tal xan te Cajwaltic Jesucristoe. Ma ja'uc la calbeyex awaiyic jowil lo'laywanej c'op te ay lajel ta swentae, melel la quiltic ta jsitic soc smuc'ul yutsilal te Cajwaltique.