San Mateo 16:4 - Bible in Tzeltal de Oxchuc y Tenejapa

⁴ In te mach'a cuxulic ta q'uinal ta ora to, amen yo'tanic soc jmulwejetic, ya sc'an seña yilic, ja'uc me to, ma x'ac'botic. Ja' seña ta stojolic te Jonás te namey q'uinal j'alwanej yu'un te Diose —xi'. Jich la yijq'uitay jilel. Q'uejel a bajt'.

Nuevo Testamento Tzeltal de Amatenango

⁴ Te genteetik to te ma tsaꞌamuk yoꞌtanik sok te ma junuk yoꞌtanik ta stojol te Diose, ya skꞌan yilik seña. Pero ma xꞌaꞌbot yilik. Jaꞌ seña ta stojolik kꞌoem te Jonas te antibo jꞌalwanej yuꞌun te Diose —xchi. Te Jesus la sjileslan y bajt.

Bible in Tzeltal Bachajón

⁴ Te jcaj ts'umbalil te chopol soc te ha j'antsiwej ha ya sc'an ya yilic seña, pero mayuc seña ya x'a'bot yilic, ha nax seña ya xc'oht te jalwanej Jonás, xchi sc'oblalic. Tey tec'ajtic hilel a, baht te Jesús.

San Mateo 16:4 Referans Kwoze

Jonás 1:17

Pero te Cajwaltic ay xchajbanejix jcojt' muc'ul chay te ya xbic'ot yu'un te Jonás. Oxeb c'aal soc oxeb ajc'ubal ay ta xch'ujt' te chaye.

San Marcos 8:38

Teme ya xq'uexawex cu'une soc teme ya xq'uexawex yu'un te jc'op ta stojol te mach'atic ayic ta q'uinal ta ora to te ma junuc yo'tanic ta stojol Dios soc te c'aemic ta mulile, ja' nix jich ya me xq'uexaw awu'unic uuc te Nich'anile, te c'alal ya xtal soc yutsilal te State soc te ch'ul abatetic yu'une —xi' te Jesuse.

San Marcos 8:12

Te Jesús la sjic' yo'tan yu'un. Jich la yal: —¿Bi yu'un te ants-winiquetic to te ya sc'an ya x'ac'bot yilic señae? Jamal ya cal te ma'yuc seña ya x'ac'bot yilic te mach'atic cuxulic ta q'uinal ta ora to —xi' te Jesuse.

San Mateo 15:14

Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

Génesis 6:3

La yal te Cajwaltique: “Ma xcac' te ya xcuxinic sbajt'el q'uinal te ants-winiquetique, te melel baq'uet nax, wacwinic (120) ya'wilal ya xc'ot yorail juju-jtul”, xi' sc'oplalic yu'un.

Hechos 18:6

Ja'uc me to, te judioetic jajch' scontroinic te Pabloe soc la stoybac'optayic. Te Pablo jich la yal ta slilanel te sc'u'e: —Ay ta awenta atuquelic teme ch'ayel ya xbaexe. Te jo'one, ma jwentauc ya xc'ot. Ta ora to, ja' ya xba calbey yaiy lec yach'il c'op te jyanlumetique —la yut jilel.

Oseas 9:12

Teme ay nix ju' yu'unic xch'ijtesel te snich'nabique, ya me jpojbey, ma ba ya quijq'uitaybey ni jtuluc. Obol sbaic te ants-winiquetic te c'alal q'uejel ya cac' jba ta stojole.

Oseas 4:17

Te Efraín yac'oj sba ta xch'uunel te yajcanane. Spisilic jich yalic te bit'il tsobol jyacubeletique. Ta jujun buelta te ya spasic mulwej, ja' lec ya yaiyic te q'uexlale, ma ja'uc lec ya yaiyic te bila lec ta pasele.

Hechos 2:40

Te Pedro la to yalbey xan yaiyic ta lec te sc'op Diose, soc la stac'uy. Jich la yalbey yaiyic: —Ac'a abaic ta coltayel. Ma me xbaex ta ch'ayel soc te mach'atic cuxulic ta q'uinal ta ora to te amen yo'tanique —xi'.

Isaías 57:3

Te Cajwaltic ya yal: —Noptsajanic tel, ja'ex te snich'nabex te jpic-c'abal, te ayinemex yu'un jtul mulawil winic soc mulawil ants.

Jonás 1:1

Te Jonás snich'an Amitai c'oponot yu'un te Cajwaltique, jich albot:

San Mateo 16:5

Te c'alal c'axic bael ta jejch' mar, ma la sna' yich'ic bael swajic te jnopojeletique.