San Mateo 16:24 - Bible in Tzeltal de Oxchuc y Tenejapa

²⁴ La yalbey ts'iin te jnopojeletic yu'une: —Te mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch scruz. Ac'a st'unon.

Nuevo Testamento Tzeltal de Amatenango

²⁴ Te Jesuse jich a yalbe te jnopojeletik yuꞌune: —Te machꞌa ya skꞌan yakꞌ sba ta jnopojel kuꞌune, aꞌ me skoltay sba ta yoꞌtan. Aꞌ me xkuch skrus kꞌoem. Aꞌ me stsꞌakliyon.

Bible in Tzeltal Bachajón

²⁴ Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

San Mateo 16:24 Referans Kwoze

San Mateo 10:38

Soc te mach'a ma sc'an ya xcuch scruz te ya st'unone, ma snujp'in te ja' cu'un ya xc'ote.

San Lucas 14:27

Te mach'a ma sc'an ya xcuch scruz te ya sts'aclinone, ma xju' te jnopojel ya xc'ot cu'une.

San Marcos 10:21

Te Jesús la sc'abubey sit. C'ux la yaiy ta yo'tan, soc la yalbey: —Ay to yan xan te bila ya sc'an awu'une. Baan, chona spisil te bila ay awu'une, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon —xi'.

2 Timoteo 3:12

Ja' nanix jich ya me xc'ax swocolic ta uts'inel spisil te mach'atic yat'elinejic xch'uunel te Cristo Jesuse.

San Marcos 8:34

Te Jesús la yic' tel te tsobol ants-winiquetic soc uuc te jnopojeletic yu'une. Jich la yalbey yaiyic: —Teme ay mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch cruz. Ac'a st'unon.

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

Colosenses 1:24

Ta ora to ay sbujts' co'tan yu'un te bit'il yac ta c'axel jwocol ta awentaique. Yu'un jich me ya jts'actes xan ta jbaq'uetal ta bay ay to sc'an te ya xc'ax swocol Cristo yu'un te jch'uunjeletic, te ja' sbaq'uetale.

San Juan 19:17

Te Jesús la xcuch bael te scruz. Bajt' ta bay Yawil Baqueljolol sbiil te q'uinale, te Gólgota sbiil ta hebreo-c'op.

1 Tesalonicenses 3:3

Yu'un jich ma xchebaj awo'tanic yu'un te bit'il ayex ta uts'inele. Melel ana'ojic stojol te puersa ya xc'ax jwocoltic ta controinel ta jpisiltic.

San Mateo 27:32

C'alal yacalic to nax ta loq'uel bael ta lum a, la sta sbaic soc jtul winic te Simón sbiil te Cirene sbiil te slumale. Sujot yu'un te soldadoetic ta xcuchel bael scruz te Jesuse.

San Marcos 15:21

Ay jtul winic te talem ta Cirene, Simón sbiil te ja' stat te Alejandro soc te Rufoe, te xc'otuc ta c'alc'altique. La sujic ta xcuchel bael scruz te Jesuse.

San Lucas 23:26

C'alal la yiq'uic bael te Jesuse, la stsaquic jtul Cirene-winic te xc'otuc ta c'alc'altic te Simón sbiile. Ja' la yac'beyic xcuch bael te scruz. Neel ay bael te Jesuse.

San Juan 21:19

Te bit'il jich la yalbey te Jesuse, ja' la yac'bey sna' stojol a te bila lajel ya xc'ot ta swenta te Pedro te jich ya yac' ta ich'el ta muc' a te Diose. Te c'alal laj yo'tan ta yalbele, jich la yal xan: —La' me, joinawon bael —la yut.

San Juan 21:22

La yal te Jesuse: —Teme ya sc'an co'tan te cuxul to te c'alal ya xcha'talone, ma awentauc te ja'ate. La' me, joinawon —la yut.

1 Pedro 2:21

Ja' la yiq'uex Dios yu'un te jun awo'tan ya ats'ic awocolique. Melel te c'alal c'ax swocol ta jwentatic te Cristoe, tey la yac'botic quiltic te bit'il ya sc'an te ya xc'ax jwocoltic uuc te jo'otique.