San Mateo 16:23 - Bible in Tzeltal de Oxchuc y Tenejapa

²³ Te Jesús la sujt'es sba sc'opon te Pedroe: —¡Q'ueja aba ta jtojol, Satanás! Ja'at jcojch'inwanejat. Ma'yuc ta awo'tan te bila ya sc'an yo'tan te Diose. Ja' nax ay ta awo'tan te bila ya sc'an yo'tan te ants-winiquetique —la yut.

Nuevo Testamento Tzeltal de Amatenango

²³ Te Jesuse la sujtes sba, la yalbe te Pedroe: —Kꞌeja aba ta jtojol, Satanas. Ma me xꞌamakon. Maꞌyuk ta awoꞌtan te tut ya skꞌan yoꞌtan te Diose. Jaꞌ nax ay ta awoꞌtan te tut ya skꞌan yoꞌtan te genteetike —xyut.

Bible in Tzeltal Bachajón

²³ Pero la sut sba te Jesús, hich la yalbe te Pedro: ¡Loc'an ta jtojol, Satanás! Ha'at c'ohchinojibalat cu'un, como ma ha'uc ya xbaht ta awo'tan te bintic scuenta Dios, ha nax te bintic scuenta winiquetic, xchi sc'oblal.

San Mateo 16:23 Referans Kwoze

Filipenses 3:19

Te c'alal ya xlajique, ch'ayel me ya xbajt'ic. Melel ja' dios yu'unic te sbaal xch'ujt'ique, soc ja' yutsilal ya yaiyic te bila swenta q'uexlale, soc ja' baem ta yo'tanic te bitic swenta nax te balumilale.

Colosenses 3:2

Ja' me xawil spisil ora te bitic swenta te ch'ulchane, ma me ja'uc te bitic swenta te balumilale.

San Marcos 8:33

Ja'uc me to, te Jesús la sujt'es sba ta yilel te jnopojeletic yu'une, soc la scom te Pedro. Jich la yalbey: —¡Q'ueja aba ta jtojol, Satanás! Ma'yuc ta awo'tan te bila ya sc'an yo'tan te Diose. Ja' ay ta awo'tan te bila ya sc'an yo'tan te ants-winiquetique —la yut.

San Mateo 4:10

Jesús la yalbey: —Baan, q'ueja aba, Satanás. Melel jich ts'ibubil ta Sjun Dios: “Ja' nax me x'awich' ta muc' te Cajwaltic te Diose, soc ja' nax me ya awac' aba ta abatinel ta stojol stuquel”, te xie —xi'.

San Juan 6:70

Jesús la yal: —Jo'on la jtsaex te lajchaytulexe, ja'uc me to, ta alajchaytululic ay jtul pucuj tey a —xi'.

San Lucas 4:8

Te Jesús jich la yalbey: —Loc'an ta jtojol, Satanás, melel jich ya yal te Sc'op Dios ts'ibubil jilele: “Ja' nax me ya aquejan aba ta stojol te Cajwaltic Diose, soc ja' nax me ya awac' aba ta abatinel ta stojol stuquel”, te xie —xi'.

Génesis 3:17

Yan te winique, jich albot yu'un te Cajwaltique: —Te bit'il la ach'uunbey sc'op te awinam te la alo'bey sit te te' te la calbate: “Ma me xalo'bey sit”, te la cutate, bolob me sc'oplal te lumq'uinal ta awenta, ay awocol ya xwe'at te jayeb c'aal ya xc'axat ta q'uinale.

Romanos 14:13

Jich yu'un, ma me jech jlebey jba jmultic. Ja' lec ac'a jletic te bila ma xpejc'aj yo'tan yu'un te quermanotique soc te ma xyalesot ta mulil yu'une.

1 Crónicas 21:1

Te Satanás jajch' ta scontroinel te israeletic, la stijbey yo'tan te David te ya yac' ta censo te Israel.

2 Samuel 19:22

La sjac' te David: —Ma awentauc, yalatac Sarvia. ¿Bi yu'un ya atoy abaic ta jtojol? Yo'tic ya jna' ta lec te jo'on te muc' ajwalilon yu'un te Israele. Ja' yu'un ma'yuc mach'a ya xju' ya xlaj ta Israel ja' in c'aal to —xi'.

Isaías 8:14

Jich me c'oem ta atojolic te bit'il pejts'e; jich c'oem ta atojolic te bit'il ton ya ac'ojch'in abaic a, ja' me ya yac' xyalic a te cha'chajp muc' ajwaliletic yu'un Israel; jich me c'oem te bit'il pejts' ta bay ya xyalic te yajwal Jerusalén.

Romanos 14:21

Ja' lec ma x'ati' ti'bal soc ma xawuch' vino soc ma xapas te bila ya xchebaj yo'tan awermano yu'une, te ya xyalesot yu'une, soc te ya xpejc'aj yip yo'tan yu'une.

San Mateo 18:7

¡Ya me yil swocolic te mach'atic ayic ta balumilal ta scaj te ay yalesel ta mulile! Puersa ay mach'atic ya syaleswan ta mulil, ja'uc me to, ya me yil swocol te mach'a jich ya spase.

San Mateo 16:22

Jich te Pedroe la yic' bael ta q'uejel te Jesuse, soc la yalbey: —Cajwal, ma me jichuc ya sc'an te Diose. Ma me jichuc ya xc'ot ta pasel ta awenta —la yut.