San Mateo 16:21 - Bible in Tzeltal de Oxchuc y Tenejapa

²¹ Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

Nuevo Testamento Tzeltal de Amatenango

²¹ Jaꞌ yorail a te Jesuse lijk yalbe te jnopojeletik yuꞌune te ya xbajt ta Jerusalene, y te moletik sok te statal-saserdoteetik sok te maestroetik yuꞌun te mantaliletike ya me yaꞌbeyik xkꞌax bayal swokol. Sok la yal te tutꞌil ya xba mileke, pero ta yoxebal kꞌaal ya xchaꞌkusesot tal.

Bible in Tzeltal Bachajón

²¹ Ha nix ta yorahil a hahch yalbe ya'iyic te jnopojeletic yu'un te ya me xbaht ta Jerusalén soc te ya xc'ax swocol yu'un te mamaletic soc te principal sacerdotehetic soc te escribanohetic, ya me yich' milel, soc ya xcha'cuxaj ta yoxebal c'ahc'al.

San Mateo 16:21 Referans Kwoze

San Mateo 17:12

Ja'uc me to, ya calbeyex te xtaluquix te Eliase. Ma la sna'beyic sba. Jich c'ax swocol yu'unic. Chican te bila la sc'an la spasbeyique. Jich nix te Nich'anile, ya me xc'ax swocol ta sc'abic uuc —xi' te Jesuse.

San Mateo 27:63

Jich la yalbeyic: —Ajwalil, ya jna'tic te la yal te lo'laywanej te c'alal cuxul toe: “Ta patil ya xcha'cuxon tel ta yoxebal c'aal”, te xie.

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

San Lucas 17:25

Ja'uc me to, neel ya xc'ax bayal swocol, soc xujt' ma'yuc sc'oplal ya xc'ot ta yo'tanic te ants-winic te cuxulic ta q'uinal ta ora to.

San Lucas 24:46

Jich la yalbey yaiyic: —Jich ts'ibubil jilel te puersa ya xc'ax swocol te Cristoe, soc te ya xcha'cux tel ta yoxebal c'aal ta bay te animaetique.

San Marcos 8:31

Te Jesús jajch' yac'bey sna'ic stojol te jnopojeletic yu'un te puersa ya xc'ax bayal swocol: —Te Nich'anile xujt' ma'yuc sc'oplal ya xc'ot ta yo'tanic te principaletique soc te jwolwanej-sacerdoteetic soc te jts'ibojometique. Ya me x'ac'ot ta lajel yu'unic, soc ya xcha'cux tel ta yoxebal c'aal —xi'.

San Lucas 9:31

Joytaybilic ta xojobil yutsilal Dios. Yacalic ta yaanel ta yoxebalic te bit'il ya xc'ax swocol ta lajel ta bay Jerusalén te Jesuse.

San Mateo 26:47

Yac to ta c'op a te Jesús te tal te Judase, te jtul ta slajchaytulul te jnopojeletic yu'un te Jesuse. Sjoinej tel tsobol ta jtul te yich'ojic tel spuñalic soc ste'ic. Ja' ticunbilic tel yu'un te jwolwanej-sacerdoteetic soc te principaletic yu'un te lume.

San Mateo 26:2

—Ana'ojic stojol te cheb xanix c'aal sc'an te q'uin Pascuae. Te Nich'anile tey ya x'ac'ot ta c'abal a, yu'un ya me smilic ta cruz —xi'.

San Mateo 27:12

Ja'uc me to, te c'alal yacalic ta yalel te bila smulinej ta sc'opic te jwolwanej-sacerdoteetic soc te principaletique, jp'al ma la sjac' te Jesuse.

San Mateo 16:28

Jamal ya calbeyex, ay mach'atic li' ayic to te ma ba ya xlajique ja' to teme la yilic ya xtal ta ajwalinel te Nich'anile —xi' te Jesuse.

Nehemías 12:7

Salú, Amoc, Hilcías soc Jedaías. Ja'ic te jwolwanej yu'un te sacerdoteetic in to, soc xchapomalic, ta yorail te Josué.

San Mateo 12:40

Melel te Jonase ain ta xch'ujt' muc'ul ballena-chay oxeb c'aal soc oxeb ajc'ubal. Ja' nanix jich uuc te Nich'anile ya me x'ain ta muquenal oxeb c'aal soc oxeb ajc'ubal.

San Mateo 16:22

Jich te Pedroe la yic' bael ta q'uejel te Jesuse, soc la yalbey: —Cajwal, ma me jichuc ya sc'an te Diose. Ma me jichuc ya xc'ot ta pasel ta awenta —la yut.

San Mateo 17:9

Te c'alal yacaliquix coel tel ta wits a, te Jesús la spas ta mandal te jnopojeletic yu'une: —Ma me mach'a xawalbey yaiyic te bila ac'botat awil ta asitique ja' to teme cha'cux tel ta bay animaetic te Nich'anile —xi'.

San Mateo 28:6

Ma ba li' ayix to, melel cha'cuxix jich te bit'il la yale. La', ilawilic te banti la yac'beyic te sbaq'uetale.

San Marcos 9:12

La yal te Jesuse: —Melel nix a te neel ya xtal te Eliase. Soc te melel ya xchajban spisile. Soc jich ts'ibubilix jilel sc'oplal ta Sjun Dios te Nich'anile te bit'il ya xc'ax bayal swocol soc te ma'yuc sc'oplal ya xc'ot ta o'tanile.