San Mateo 16:13 - Bible in Tzeltal de Oxchuc y Tenejapa

¹³ Te Jesús c'ot ta bay te q'uinal te Cesarea Filipo. Tey la sjojc'obey yaiy a te jnopojeletic yu'une: —¿Bi ya yalic awaiy te ants-winiquetique? ¿Mach'a ta sc'opic te Nich'anile? —xi'.

Nuevo Testamento Tzeltal de Amatenango

¹³ Te kꞌalal kꞌot ta estado yuꞌun Cesarea Filipo sbiile, te Jesuse la sjojkꞌobey te jnopojeletik yuꞌune: —¿Tut ya yalik ya awaꞌiyik te genteetike? ¿Machꞌa ya skuyik a te Nichꞌanile? —xchi.

Bible in Tzeltal Bachajón

¹³ C'alal c'oht Jesús ta sq'uinal Cesarea yu'un Filipo, la sjoc'obe te jnopojeletic yu'une: ¿Bin ya yalic te ants-winiquetic, mach'a a te Nich'anil ay ta scuenta winic? xchi.

San Mateo 16:13 Referans Kwoze

Daniel 7:13

“Tey yacon ta yilel a te bitic la quil ta ajc'ubale. Ora nax la quil ay mach'a tal ta tocal, pajal soc te Nich'anile, toj bael ta banti ay te Mamale. Te Mamal la yac' noptsajuc bael ta sts'eel.

San Juan 5:27

Soc ac'bot yich' yat'el ta chajbanwanej te Nich'anile.

San Mateo 9:6

Swenta yu'un ya me ana'ic te Nich'anil yich'oj tulan yat'el ta balumilal ta spasel perdón yu'un mulil —xi' te Jesuse. Soc jich la yalbey te winic te chamen xchial yoc-sc'abe: —Ya calbat te ja'ate, jajch'an. Q'uecha bael te acajcante'e. Baan ta ana —la yut.

San Mateo 13:37

Te Jesús la yalbey yaiyic: —Te mach'a la sts'un te lequil awalile, ja' me te Nich'anile.

San Mateo 12:8

Melel te Nich'anile, ja' ajwalil yu'un te sc'aalelal cux-o'tanile —xi' te Jesuse.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

Hechos 7:56

Jich la yal te Estebane: —Ilawilic, jamal ya quil te ch'ulchane. Tey teq'uel ta bay swa'el Dios ya quil te Nich'anile —xi'.

San Juan 12:34

La yal te ants-winiquetique: —Caiyojtic stojol te bit'il ya yal te mandalil cu'untic te stalel cuxul sbajt'el q'uinal te Cristoe. ¿Bit'il ay a te jich la awal te puersa ya xjijp'anot te Nich'anile. ¿Mach'a a te Nich'anil ya awale? —xiic.

San Marcos 10:45

Melel jich uuc te Nich'anile, ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel soc te ya yac' sba ta lajel swenta yu'un jich ya xwejt' scolel tsobol ta jtul te ants-winiquetique —xi' te Jesuse.

San Marcos 8:38

Teme ya xq'uexawex cu'une soc teme ya xq'uexawex yu'un te jc'op ta stojol te mach'atic ayic ta q'uinal ta ora to te ma junuc yo'tanic ta stojol Dios soc te c'aemic ta mulile, ja' nix jich ya me xq'uexaw awu'unic uuc te Nich'anile, te c'alal ya xtal soc yutsilal te State soc te ch'ul abatetic yu'une —xi' te Jesuse.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

San Mateo 15:21

Loc' bael tey a te Jesuse. Bajt' ta sq'uinal lum Tiro soc ta lum Sidón.

San Mateo 13:41

Te Nich'anile, ya me sticun te ch'ul abatetic yu'une. Ya xba stsobic loq'uel te mach'atic ya syaleswanic ta mulile soc te mach'atic ya spasic bayal ta jten muliletique.

San Mateo 12:32

Teme ay mach'a ya scontroc'optay te Nich'anile, ya xju' ya spasbot perdón yu'un. Yan te mach'a ya scontroc'optay te Ch'ul Espiritue, ma xju' ya spasbot perdón yu'un stuquel te jayeb c'aal cuxul ta q'uinal ni ja'uc ta patilal bael ta sbajt'el q'uinal.

San Juan 3:14

Soc jich te bit'il la sjijp'an jti'awal chan ta bay jochol taquin q'uinal te Moisese, ja' nanix jich ya yich' jijp'anel uuc te Nich'anile,

San Juan 1:51

Jesús la yalbey xan: —Jamal ya calbat, ya me awil jamal te ch'ulchane soc ya me awil te ch'ul abatetic yu'un Dios te coel moel ta stojol te Nich'anile —xi' te Jesuse.

San Mateo 12:40

Melel te Jonase ain ta xch'ujt' muc'ul ballena-chay oxeb c'aal soc oxeb ajc'ubal. Ja' nanix jich uuc te Nich'anile ya me x'ain ta muquenal oxeb c'aal soc oxeb ajc'ubal.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

San Mateo 16:28

Jamal ya calbeyex, ay mach'atic li' ayic to te ma ba ya xlajique ja' to teme la yilic ya xtal ta ajwalinel te Nich'anile —xi' te Jesuse.