San Mateo 16:12 - Bible in Tzeltal de Oxchuc y Tenejapa

¹² Jich c'ot ta yo'tanic te jnopojeletic te ma ja'uc la yal te ya stsajtay sbaic ta swenta te levadura yu'un te waje. Ja' la yal te ya sc'an ya stsajtay sbaic yu'un te bila ya yac' ta nopel te fariseoetic soc te saduceoetique.

Nuevo Testamento Tzeltal de Amatenango

¹² Jich a snaꞌik te jnopojeletik te ma jaꞌuk a yal te ya yil sbaik yuꞌun te levadura yuꞌun te pane. Jaꞌ a yal te ya skꞌan ya skanantay sbaik yuꞌun te tut ya yakꞌ ta nopel te fariseoetik sok te saduseoetike.

Bible in Tzeltal Bachajón

¹² Hich la sna'ic te ma ha'uc halbotic te ya stsahtay sbahic yu'un te levadura yu'un te pan, pero ha te nohptesel yu'un te fariseohetic soc te saduceohetique.

San Mateo 16:12 Referans Kwoze

San Mateo 5:20

Jich yu'un ya me calbeyex te ja'exe, teme ma c'axemuc to xan toj awat'el te bit'il ya spasic te jts'ibojometic soc te fariseoetique, ma xju' ya x'ochex tey a ta banti ay ta ajwalinel te Dios ta ch'ulchane.

Hechos 23:8

Yu'un te saduceoetic ya yalic te ma'yuc cha'cuxel, soc te ma'yuc ch'ul abatetic, soc ma'yuc ch'ulelaletic ta sc'opic. Yan te fariseoetique, ya yalic te spisil aye.

San Mateo 3:7

Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?

San Mateo 16:11

¿Bit'il ay a te ma c'ot ta awo'tanic te ma ja'uc waj te la calbeyex sc'oplale? Ja' la calbeyex te ya atsajtay abaic ta swenta te levadura yu'un te fariseoetic soc te saduceoetique —xi' te Jesuse.

1 Corintios 5:6

Na'aic me te ma lecuc te toybaile. ¿Yu'un bal ma ba ana'ojic te bit'il: “Jteb nax levadura ya spajubtes ta sc'olol te wots'bil harinae”, te xie?