San Mateo 15:9 - Bible in Tzeltal de Oxchuc y Tenejapa

⁹ Tojol te ya xtal slajin sbaic ta jtojole, melel sc'op nax ants-winic te mandal ya yaq'uic ta nopele”, te xie —xi' te Jesuse.

Nuevo Testamento Tzeltal de Amatenango

⁹ Jowil nax te ya yal te ya xchꞌuunikone. Te tut ya yakꞌ ta nopele smantal nax winik stukel”, xchi me —xchi te Jesuse.

Bible in Tzeltal Bachajón

⁹ tojol ya sch'uhuntayonic, sc'op nax winiquetic te ya yaq'uic ta nopel, te xchihe, xchi.

San Mateo 15:9 Referans Kwoze

Isaías 29:13

Te Cajwaltic la yalbon: —Te lume ya yac' sba ta abatinel ta jtojol ta sc'op; ta ye nax ya yich'on ta muc', pero ma'yucon ta yo'tan ta jyalel. Te ya yalbonic wocol ta sc'opique, ja' te bitic wejt'em yu'unic te snopojic nax ta sjolique.

San Marcos 7:7

Tojol te ya xtal slajin sbaic ta jtojole, melel sc'op nax winiquetic te mandal ya yaq'uic ta nopele”, te xie.

1 Timoteo 1:4

Soc te manchuc ja'uc ya xbajt' ta yo'tanic te bila jontol c'op aiyejetic naxe, soc te bila sc'oplal nax te namey q'uinal me'il-tatiletic te ma xlaj ta alele. Ja' in to, ja' nax ya xjach tsaltomba c'op, ma ja'uc ya yac'botic xch'uunjel co'tantic ta spasel te bila chapal yu'un te Diose.

Tito 1:14

soc jich ma xch'uunic jontol aiyejetic te jowil nopbil nax yu'un te judioetique, soc jich ma xch'uunic te bila smandal nax ants-winiquetic te ma ba yich'ojic ta muc' te smelelil c'ope.

Hebreos 13:9

Ma me xawac' abaic ta lo'layel ta yaiyel stojol yantic nopjibaletic te ma ja'uc yaloj te Diose. Ja' lec te ja'uc ya yich' stulanil awo'tanic yu'un te bit'il ay yutsil yo'tan ta atojolic te Diose. Ma ta swentauc we'lil te lec ya xc'oex yu'une. Melel ma'yuc bi la staic a te mach'atic la xch'uunic spasele.

Santiago 2:20

P'ijanic me soc na'aic me te xujt' ma'yuc swentail te xch'uunjel awo'tan teme ma chicanuc ta swenta te awat'ele.

1 Samuel 25:21

Te David yac ta yalel tel ta yo'tan te tojol la scanantaybey te biluc yu'un Nabal ta jochol taquin q'uinal, te bit'il ma'yuc la yich' pojel te bitic ay yu'une, melel ma lecuc sujt'ib ac'bot te bila lec la spasbey ta stojole.

Deuteronomio 12:32

“Pasaic me bael spisil ora ta spisil te bitic la calbeyex apasique. Ma me xawac'beyic xan sjoy, soc ma me xach'ayic ni junuc.

Éxodo 20:7

“Ma me xatojoltabon ta alel jbiil te Ajwalilon te Dioson awu'une, melel te mach'a ya stojoltabon ta alel jbiil te Diosone, ya me cac'bey castigo yu'un.

Salmos 73:13

Tojol nax te pocbil co'tan soc jc'ab, te ma ba ya jpas muliletic ae;

Salmos 39:6

Spisil ants-winiquetic ya xch'ay c'axel jichuc axinal. Tojol ya yac' swocolic ta stsobel sc'ulejalic, ma ba sna'ojic mach'a ya yich' jilel.

Levítico 26:20

Tojol me ya alajin awipic ta ts'unbajel, melel te lumq'uinal ma'yuc bila ya xju' ya yac'beyex sit, soc ni ja'uc ya yac' sitic awu'unic te te'etic ta aq'uinalique.

Levítico 26:16

Ja' yu'un te jo'one jich me ya jpasbeyex ta atojolic: Ya jticunbeyex ta atojolic buen tulan xiwel, tulan chamel swenta lajinwanej, c'ajc'al chamel, chamel ta asitic, soc ya xlaj yip te abaq'uetalic. Tojol me ya awac' awocolic ta ts'unbajel, melel ja' me ya swe'ic te acontroic te sit ya xloq'ue.

Apocalipsis 22:18

Tulan sc'oplal ya calbey ta jamal spisil te mach'atic ya yaiyic stojol te sc'op Dios ts'ibubil li' ta bay in jun to: Teme ay mach'a ya yac'bey sjoy in c'op to, ya me x'ac'bot yich' te jaycum castigo yu'un Dios te ts'ibubil sc'oplal ta bay in jun to.

Malaquías 3:14

Te awalojique: “Te abatinel ta stojol Dios ma'yuc swentail. ¿Bila ya xloc' cu'untic a te ya jpastic te bila ya yal ta mandal, soc te ya yich' lapel c'u'il swenta mel-o'tan ta stojol te Cajwaltic te Spisil ya xju' yu'une?

1 Corintios 15:2

Ta swenta in lec yach'il c'op to, ja' me ya xcolex yu'un teme jc'axel ya awac' ta awo'tanique, jich te bit'il la calbeyexe. Yu'un teme ma jichuque, tojol nax te la ach'uunique.

San Mateo 15:10

Te Jesús la yic' tel ta stojol te ants-winiquetique. Jich la yalbey yaiyic: —Aiya awaiyic stojol, soc ac'a c'otuc ta awo'tanic: