San Mateo 15:6 - Bible in Tzeltal de Oxchuc y Tenejapa

⁶ ma yejt'aluc ya xc'uxtayix te sme'-state”, te xaexe. Jich ta swenta te costumbre awu'unique ma'yuquix sc'oplal ya xc'ot ta ch'uunel awu'unic a te bila yaloj ta mandal te Diose.

Nuevo Testamento Tzeltal de Amatenango

⁶ te machꞌa jich ya yale ma puersauk ya skꞌuxtayix te smeꞌ-state”, te xchaexe. Jich ta skuenta te kostumbre awuꞌunike maꞌyukix skꞌoplal ya xkꞌot ta chꞌuunel a te tut yaloj ta smantal te Diose.

Bible in Tzeltal Bachajón

⁶ ma fuersahuc ya yich'ix ta muc' a te stat o te snane. Hich yac alajimbeyic sc'oblal te smandar Dios ta scuenta te costumbre awu'unique.

San Mateo 15:6 Referans Kwoze

1 Timoteo 5:8

Te mach'a ma xyac'bey te bila ya xtuun yu'un te mach'a ay yu'une, soc c'axem to xan te mach'a ay ta snae, tojol ya yal te ay xch'uunjel yo'tane. C'ax jich smul c'oem a te bit'il te mach'a ma xch'uunejuc te Diose.

Jeremías 8:8

¿Bit'il ya xju' awu'unic yalel: ‘P'ijotic, melel ay ta jwentatic te mandaliletic yu'un te Cajwaltique’, te xaexe? Te bila ya sts'ibuyic soc te splumae; mero jpaslot; tojol nax ya sts'ibuyic.

San Marcos 7:13

Jich ta swenta te costumbreetic te bebe jilel ta atojolique, ma'yuquix sc'oplal ya xc'ot ta ch'uunel awu'unic te bila yaloj ta mandal te Diose. Soc bayal to xan te bila ya apasic te pajal soque —xi' te Jesuse.

Salmos 119:126

Cajwal, yorailix te ayuc bila ya apas jtebuc, melel xc'axintayejic te p'ijubtesel awu'une.

1 Timoteo 5:16

Te mach'a xch'uunej te Diose, chican teme winic o teme antse, teme ay sjoinejic te me'ba antse, ac'a me scoltayic, swenta yu'un ma me ja'uc ya xc'ot ta swenta scoltayel te jch'uunjeletique. Jich me ya xju' ta coltayel yu'un te jch'uunjeletic te me'ba antsetic te ma'yuc mach'a ay yu'unic ta melele.

Romanos 3:31

¿Yu'un bal ya jlajinbeytic sc'oplal xch'uunel te mandalil ta swenta xch'uunel te Jesucristoe? Ma jichuc. Ja' c'axem to xan ay sc'oplal ya xc'ot cu'untic te mandalile.

Oseas 4:6

Te lum cu'un ma'yuc bi sna'oj, ja' swentail te la yich'ix jinele. Sacerdote, ja'at la ach'oj bael te bila ay ta na'ele, jich yu'un te jo'on ya jch'ojat loq'uel ta sacerdoteil. Melel ya xch'ay ta awo'tan te p'ijubtesel yu'un te Dios awu'une; jich me ya xch'ay ta co'tan te ats'umbale.

Salmos 119:139

Ya xlajon ya caiy yu'un te bayal sc'oplal ta co'tan te ac'ope; yan te jcontrotac la xch'ayix ta yo'tanic.

San Mateo 15:5

Yan te ja'exe jich ya awalic: “Teme ay jtul winic te jich ya yalbey te sme'-state: ‘La cac'beyix smajt'anin Dios spisil te bila ay cu'une, jich ma xju' te ya jc'uxtayexe’, te ya yute,

San Mateo 15:7

Cha'lam awo'tanic te ja'exe. Jich nix la yalbeyex ac'oplalic te namey q'uinal j'alwanej yu'un Dios te Isaiase: