San Mateo 15:26 - Bible in Tzeltal de Oxchuc y Tenejapa

²⁶ Jesús la yalbey: —Ma lecuc teme ya jpojbeytic swaj te alnich'anetic te ya cac'beytic swe'ic te alal ts'i'etique —xi'.

Nuevo Testamento Tzeltal de Amatenango

²⁶ La sjakꞌ te Jesuse: —Ma lek te ya jpojbetik yot te untike te ya kaꞌbeyik sweꞌ te tsꞌiꞌetike —xchi.

Bible in Tzeltal Bachajón

²⁶ La sjac' te Jesús: Ma lecuc te ya yich' pojbeyel te pan yu'un te al-nich'aniletic yu'un ha ya yich' a'beyel swe'ic te bic'tal ts'i'etique xchi.

San Mateo 15:26 Referans Kwoze

San Mateo 7:6

“Te bila ch'ultesbile, ma me xawac'bey te ts'i'etique. Patil ya me sujt'ic tel, ya me stujt'anex ta ti'el uuc. Ma me xawac'bey yixlan perlaetic te chitametique. Patil ya me spech'anic ta teq'uel.

Filipenses 3:2

Tsajtaya me abaic yu'un te mach'atic ts'i'etique, tsajtaya me abaic yu'un te j'at'eletic te amenique, soc tsajtaya me abaic yu'un te mach'atic yat'elinejic sbojel te baq'uete.

Efesios 2:12

Ta neelal to, ma'yuquex ta swenta te Cristoe. Ma junuc ayex soc te lum Israele, soc ma'yuc ta awentaic te bila yaloj ta tratoetic te Diose. Jich nax cuxulex ta q'uinal. Ma'yuc smuc'ul awo'tanic soc ma'yuc Dios ta awo'tanic ta balumilal.

Gálatas 2:15

Te jo'otique, judiootic ta cayinabtic to, ma ba jmulawilotic jich bit'il te jyanlumetique.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Romanos 9:4

Ja'ic te israeletic te ochic ta yal-snich'an te Diose. Ac'botic yilic te yutsilale, te la xchap trato soque, la yac'bey te mandalile. Ac'botic sna'ic te bit'il ay ta ich'el ta muc' te Diose, soc te bila yaloj te Diose.

San Mateo 15:25

Ja'uc me to, te antse tal squejan sba ta stojol. Jich la yal: —Cajwal, coltayawon —xi'.

San Mateo 15:27

La yal te antse: —Jich nix a, Cajwal. Ja'uc me to, te alal ts'i'etique ya swe'ic te sts'ubil swaj ya xch'ay coel ta yanil smesa te yajwale —xi'.