San Mateo 15:2 - Bible in Tzeltal de Oxchuc y Tenejapa

² —¿Bi yu'un te jnopojeletic awu'une te ya xc'axintaybeyic te costumbre yu'un te principaletique? ¿Bi yu'un ma ba ya spoc sc'abic neeluc te c'alal ya xwe'ique? —xiic.

Nuevo Testamento Tzeltal de Amatenango

² —¿Tuꞌun te jnopojeletik awuꞌune te ya xkꞌaxintaybeyik te skostumbre antibo meꞌil-tatiletike? Yuꞌun te kꞌalal ya xweꞌike makꞌ spok skꞌabik nailuk ya kil, jich tutꞌil albil skꞌoplale —xchiik.

Bible in Tzeltal Bachajón

² ¿Bin yu'un te jnopojeletic awu'un yac xc'axuntaybelic te costumbre yu'un te mamaletique? ¿Bin yu'un ma ba nahil ya spoc sc'abic te c'alal ya xwe'ic? xchihic.

San Mateo 15:2 Referans Kwoze

San Lucas 11:38

Te fariseoe bayal ayan yo'tan yu'un te bit'il ma neeluc la spoc sc'ab jich te bit'il ay te costumbre yu'unique.

San Marcos 7:2

La yilic te bit'il ma lecuc sc'oplal sc'abic te ochic ta we'el cha'oxtul te jnopojeletic yu'un te Jesuse, melel ma jichuc la spoc sc'abic te bit'il albil sc'oplale. Jich jajch' slebeyic smul yu'un.

Colosenses 2:8

Tsajtaya me abaic jiche, ma me xawac' slo'layex ta swenta sp'ijil sc'op nax ants-winiquetic soc te bila tojol c'op aiyejetic naxe. Ja' nax yich'ojic ta muc' te costumbre yu'un te ants-winiquetique soc te bila jowil nax snopojic ta balumilale, te ma ja'uc ta swenta te Cristoe.

1 Pedro 1:18

Yu'un Dios la scoltayex loq'uel tey a ta bay te bila la yac'beyex anopic spasel te me'il-tatiletic awu'unique. Soc ana'ojic stojol ta lec te ma ja'uc tojbil jcoleltic a te bila ya xlaje, jich bit'il te oroe soc te platae.

San Marcos 7:5

Ja' swentail te la sjojc'oyic ta stojol Jesús te fariseoetic soc te jts'ibojometique: —¿Bit'il ay te jnopojeletic awu'un te ma xch'uunic te costumbreetic yu'un te principaletique tele? Melel bit'il ma lecuc sc'oplal sc'abic ya xwe'ic ya quil —xiic.

Génesis 1:14

La yal te Diose: “Ac'a chicnajuc bitic xlemlajanic ta xyaxal te ch'ulchane, swenta yu'un ya xchicnaj q'uinal ta balumilal yu'un, parte ya xc'ot te c'aaleltique, soc parte ya xc'ot te ajc'ubale swenta yu'un ya yich' ajtayel a te jujun c'aal, te jujun u, soc te jujun ja'wile”, xi'. Jich pastaj yu'un.

San Mateo 15:3

La yal te Jesuse: —¿Bi yu'un uuc te ja'exe, te ya ac'axintaybeyic smandal Dios a te costumbre awu'unique?

Gálatas 1:14

Ju'em cu'un xch'uunel te bila xch'uunejic te judioetique, c'ax jichon a te mach'atic pajal jch'iel soc ta bay te jlumale. C'axem to xan ma xcac' yanajuc te costumbre yu'un te me'il-tatiletique.

Ester 3:3

Te sjo'tac ta at'el te muc' ajwalil la sjojc'obeyic te Mardoqueo te bi yu'un te ma ba ya xch'uunbey smandal te muc' ajwalile.