San Mateo 15:19 - Bible in Tzeltal de Oxchuc y Tenejapa

¹⁹ Melel ta yo'tanic ya xcaj snopic te ants-winiquetic te bila amen ta pasele: Ja' te milawe, soc te mulweje, soc yalel ta mulil, soc elec', soc le-c'op, soc toyba-c'op.

Nuevo Testamento Tzeltal de Amatenango

¹⁹ Porke ta awoꞌtanik ya xlijk anopik te tut ma tsaꞌamuk ta pasele: jaꞌ te milawe, sok te antsiwejele, sok te lokoubele, sok te elekꞌe, sok te le-kꞌope, sok te aꞌabiyanwaneje.

Bible in Tzeltal Bachajón

¹⁹ Como ta o'tanil ya xloc' talel te bin chopol ta nopel, te milaw, antsiwej, chijil-o'tanil, elec', lehaw ta c'op soc te sbohlc'optayel Dios.

San Mateo 15:19 Referans Kwoze

Jeremías 17:9

“Bayal ya xlo'laywan te o'tanile. Nojel ta mulil ta jyalel, ma'yuc yan bila pajal soc. Ma'yuc mach'a ay sp'ijil yu'un sna'el.

Proverbios 4:23

Ja'uc me tulan sc'oplal ta awo'tan te ya acanantay ta balumilal te ajol soc te awo'tane, melel tey me ya xtal a te acuxlejale.

Génesis 6:5

La yil te Cajwaltic te bit'il toyix te bila amen ya spasic te mach'atic ayic ta balumilale, soc la yil te bit'il ma lecuc te bitic ya snopilay ta yo'tanic spisil ora.

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Hechos 8:22

Sujt'esa awo'tan ta stojol Dios yu'un te bila amen ay ta awo'tane. Albeya wocol Dios te yacuc spasbat perdón yu'un te bila anopoj ta awo'tane.

Isaías 59:7

Te yacanique ja' ya xtuun yu'unic te ya x'animajic ta spasel a te bila amene; ja' ya x'animajic bael a ta smalbeyel xch'ich'el te mach'a ma'yuc smule. Te bila snopoj ta yo'tanic, ja' te bila ma lecuque; ja' ayic ta beel yu'un te jinwanej soc te ya xch'aywan ta jc'axele.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

Proverbios 6:14

Puro ixta-o'tanil snopoj te yo'tane, ja' mero snopoj ta yo'tan te ya spas te bila amene, soc ja' baem ta yo'tan sleel bi ya yut ya sjach c'op.

Salmos 119:113

Ya quilay te ants-winiquetic te cheb yo'tanic; pero ja' c'ux ta co'tan te p'ijubtesel awu'une.

Romanos 7:18

Jna'oj stojol te ma'yuc yutsil te jbaq'uetale, ma xnain tey a te bila leque. Melel jich co'tan ya jpas te bila leque, ja'uc me to, ma xju' cu'un spasel.

San Mateo 9:4

Te Jesús la sna' stojol te bila ay ta yo'tanique. Jich la yalbey: —¿Bi yu'un te amen te bila la yaan awo'tanique?

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Proverbios 24:9

Te bila chapal ta yo'tan te mach'a ma sna' q'uinal, ja' te mulile; ma'yuc mach'a ya xcujch' yu'un te sbolil te mach'a ma xq'uexawe.

Proverbios 22:15

Te bol-o'tanil, ja' ay to ta yo'tanic te alaletique; pero ya xjil yu'un te c'alal ya yich' tulan tojtesel ta majel.

Números 22:29

La sjac' te Balaame: —Ya alabanon. Te ayuc ta jc'ab te jpuñale, la jmilatix te jichuque —xi'.

San Mateo 5:28

Ja'uc me to, jo'on ya calbeyex: Spisil mach'a ya xbic'taj sit ta smulanel te antse, la yaiyix mulwej ta yo'tan soc abi.

San Mateo 15:20

Ta spisil in to, ja' amen sc'oplal ya xc'ot ta stojol Dios yu'un. Yan teme ma spoc sc'ab c'alal ya xwe', ma ja'uc amen sc'oplal ya xc'ot yu'un stuquel —xi' te Jesuse.