San Mateo 15:17 - Bible in Tzeltal de Oxchuc y Tenejapa

¹⁷ ¿Ma bal yacuc ana'ic stojol te bit'il ya xc'ot ta ach'ujt'ic spisil te bila ya x'och ta awe'ique? Patil ya xba ach'ayic jilel ta letrina.

Nuevo Testamento Tzeltal de Amatenango

¹⁷ ¿Meꞌn ma xꞌanaꞌbeyik sluwar te tut ya xꞌoch ta atiꞌike te ya xkꞌot ta achꞌujtike? Patil ya xba awakꞌik jilel ta letrina.

Bible in Tzeltal Bachajón

¹⁷ ¿Ma bal yacuc ana'ic te spisil bintic ya x'och ta ehal ya xc'oht ta ch'uhtul, patil ya xloc' ta tsa'tayel?

San Mateo 15:17 Referans Kwoze

San Lucas 6:45

Te mach'a lec te yo'tane, lec te bila ya yal loq'uel ta yee, yu'un nojel ta yo'tan te bila leque. Yan te mach'a amen te yo'tane, ma lecuc te bila ya yal loq'uel ta yee, yu'un nojel ta yo'tan te bila amene. Melel ta jc'optic ya xchicnaj te bila nojel ta co'tantique.

1 Corintios 6:13

Jich nix ay xan ta alel: “Te we'elile, ja' ta swenta te jch'ujt'ique; in te jch'ujt'ique, ja' swenta te we'elile”, xi'. Ja'uc me to, ya me slajinbey sc'oplal ta xchebal te Diose. Yan te jbaq'uetaltique ma swentauc yalel ta mulil; melel te jbaq'uetaltique, ja' yu'un te Cajwaltique.

Santiago 3:6

Te cac'tique jich bit'il c'ajc'. Ja' jun yawil te nojel ta mulil te ay ta jbaq'uetaltique te ya sboltes spisil te jbaq'uetaltique. Ja' nix ya xtilesbot jach'el yu'un spisil te jcuxlejaltic soc te c'ajc' te tilem tel ta bay infierno.

2 Reyes 10:27

Soc la sjinic te scajtijib ta chiq'uel smajt'an soc te templo yu'une. La sc'atp'unic ta tsa'anjibal, c'alal ora yo'tic.

San Mateo 15:16

La yal te Jesuse: —¿Yu'un bal ma to xc'ot ta awo'tanic uuc te ja'exe?

San Mateo 15:18

Yan te bila ya xloc' tel ta awe'ique, ta awo'tanic ya xjajch' tel stuquel. Ja' amen ac'oplal ya xc'oex ta stojol Dios yu'un.

San Marcos 7:19

Melel ma ta awo'tanicuc ya x'och bael. Ta ach'ujt'ic nax ya x'och coel. Patil ya xba ach'ayic jilel ta letrina —xi' te Jesuse. Jich la yac' ta na'el stojol te lec sc'oplal yu'un Dios spisil ta jchajp te we'eliletique.