San Mateo 15:16 - Bible in Tzeltal de Oxchuc y Tenejapa

¹⁶ La yal te Jesuse: —¿Yu'un bal ma to xc'ot ta awo'tanic uuc te ja'exe?

Nuevo Testamento Tzeltal de Amatenango

¹⁶ La yal te Jesuse: —¿Me yuꞌun wan ma to xkꞌot ta awoꞌtanik euk te jaꞌexe?

Bible in Tzeltal Bachajón

¹⁶ La yal te Jesús: ¿Ha ni bal hichex te ma xana'beyic scuentahil?

San Mateo 15:16 Referans Kwoze

San Mateo 16:9

Yu'un ma to c'oemuc ta awo'tanic jiche. ¿Yu'un bal ch'ayix ta awo'tanic te jo'pejch' waj we'ic a te jo'mil (5,000) ta jtule, soc ch'ay balix ta awo'tanic te jayeb moch noj a te sobraile?

San Marcos 9:32

Ja'uc me to, te jnopojeletique ma la sna'ic stojol te bila la yale, soc la xi'ic te ya sjojc'obeyic xane.

San Marcos 7:18

La yal te Jesuse: —¿Yu'un bal ma c'ot ta awo'tanic uuc te ja'exe? ¿Yu'un bal ma xc'ot ta awo'tanic te ma ja'uc amen ya xc'oex ta stojol Dios yu'un te bila ya awotsesic ta aweique?

San Lucas 9:45

Te jnopojeletique ma c'ot ta yo'tanic te bila la yale, Dios ma ba ac'bot sna'ic stojol yu'un. Soc la xi'ic te ya sjojc'obeyic xan te Jesuse.

San Mateo 15:10

Te Jesús la yic' tel ta stojol te ants-winiquetique. Jich la yalbey yaiyic: —Aiya awaiyic stojol, soc ac'a c'otuc ta awo'tanic:

Hebreos 5:12

Te bit'il bayalix c'aal ach'uunejic te Cristoe, ya sc'an te ja'ex ayex ta p'ijubteswanej te jichuque. Ja'uc me to, ya to sc'an ya awich'ic xan p'ijubtesel a te bila xjajch'ibal ay ta xch'uunel te sc'op Diose, melel pejc'ajemix awipic. Ja' ya xtuunix awu'unic yan buelta te leche, ma xju' awu'unic stuuntesel te tulan we'elile.

San Lucas 24:45

Soc la sjambey yo'tanic yu'un sna'el stojol te bila ts'ibubil ta Sjun te Diose.

San Lucas 18:34

Ja'uc me to, xujt' ma la sna'ic stojol te bila la yale, yu'un ma chicanuc la yaiyic te bit'il c'oem swentaile. Jich ma ba c'ot ta yo'tanic.

San Marcos 6:52

Yu'un ma ba c'oem ta yo'tanic te bit'il ay sc'oplal te waj la yesmantes te Jesuse, melel tulan te yo'tanique.

San Mateo 16:11

¿Bit'il ay a te ma c'ot ta awo'tanic te ma ja'uc waj te la calbeyex sc'oplale? Ja' la calbeyex te ya atsajtay abaic ta swenta te levadura yu'un te fariseoetic soc te saduceoetique —xi' te Jesuse.

San Mateo 13:51

Te Jesús la sjojc'obey: —¿C'ot bal ta awo'tanic spisil te bila la calixe? —xi'. La yalic: —C'ot, Cajwal —xiic.

San Mateo 15:15

La sjac' te Pedroe: —Cholbotic caiytic bit'il ay in seña-c'op to —xi'.

San Mateo 15:17

¿Ma bal yacuc ana'ic stojol te bit'il ya xc'ot ta ach'ujt'ic spisil te bila ya x'och ta awe'ique? Patil ya xba ach'ayic jilel ta letrina.