San Mateo 15:14 - Bible in Tzeltal de Oxchuc y Tenejapa

¹⁴ Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

Nuevo Testamento Tzeltal de Amatenango

¹⁴ Teꞌ yil sbaik a, te ya stojutesik ta be te choketike, pero pajal chok kꞌoem sok. Teme jtul chok ya stojutes ta be te jtul xan choke, pajal me ya xchꞌay sok koel ta chꞌen —xchi te Jesuse.

Bible in Tzeltal Bachajón

¹⁴ Ac'a yil sbahic; ha'ic ts'o'sitetic te yac stojobtesbelic ts'o'sitetic; teme ts'o'sit nix te ya stojobtes ts'o'sit, pajal me ya xch'ayic cohel ta ch'en soc, xchi.

San Mateo 15:14 Referans Kwoze

San Lucas 6:39

Te Jesús la yalbey yaiyic in sloc'ombail-c'op to: —¿Ya bal xju' yu'un awaiy te ya snit ta beel ma'sit te mach'a pajal ma'sit soque? Ma xju'. Teme jiche, pajal me ya xch'ayic coel ta bay joc'bil coel te lume.

Isaías 56:10

Melel te jcananetic yu'un te lum cu'une ma'situbenic, mero ma sna'ic stojol ta jyalel. Spisilic ja'ic uma' ts'i'etic, te ma xju' yu'unic wojwonel; puro metslej ay ta yo'tanic soc swayelic, ja' bin nax yo'tanic yu'un te wayele.

Malaquías 2:8

“Yan te ja'ex sacerdoteetic, la awijq'uitayiquix jilel te lequil be. Ay bila yaquex ta yaq'uel ta nopel te bayal yaliquix yu'une. Jich la ach'ayboniquix sc'oplal te trato cu'un soc Leví.

Isaías 9:16

Te jtsobwanejetic, ja' la sjowtesic te lume; te mach'atic la xch'uunbey sc'opic, ch'ayic ta jc'axel.

2 Pedro 2:1

Ja'uc me to, namey q'uinal ay lotil j'alwanejetic ta yolil te lum Israele. Ja' nanix jich ya me xchicnaj lotil maestroetic ta awolilic uuc. Muquen me ya yaq'uic ta nopel yan c'op te ya xjinawane. Ma ja'uc ya yaq'uic ta ich'el ta muc' te Cajwaltic te la stojbey scolelique. Jich me ora ya yich'ic jinel stuquelic.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Isaías 42:19

Ma'yuc mach'a c'ax to xan ma'sit a, ni c'ax to xan cojc' a te bit'il cabat, ja' te mach'a jticuneje. Ma'yuc mach'a c'ax to xan ma'sit a, ni c'ax to xan cojc' a te bit'il te j'alwanej, te yabat te Cajwaltique.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

2 Pedro 2:17

Melel te lotil maestroetique jich c'oemic te bit'il pozo te ma'yuc ya'lel. Soc jich c'oemic te bit'il tocal te ya x'eanot bael yu'un te iq'ue. Chapal sc'oplalic te ya xc'o ainuquic sbajt'el q'uinal ta bay mero ijc' te q'uinale.

1 Timoteo 6:5

Soc ya yut sbaic yu'un te bit'il boloben yo'tanique, yu'un ch'ayix ta yo'tanic te smelelil c'ope. Ja' nax ya sc'an ya sta sc'ulejalic a te bila xch'uunejique. Ma me xajoin aba soc te mach'atic jich yo'tanique.

Oseas 4:17

Te Efraín yac'oj sba ta xch'uunel te yajcanane. Spisilic jich yalic te bit'il tsobol jyacubeletique. Ta jujun buelta te ya spasic mulwej, ja' lec ya yaiyic te q'uexlale, ma ja'uc lec ya yaiyic te bila lec ta pasele.

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Isaías 31:3

Te mach'atic ay ta Egipto, winiquetic nax, ma ba diosetic; te scaballoique baq'uet nax, ma'yuc yu'el stuquelic. Te Cajwaltic ya stoy sc'ab ta swenta yaq'uel castigo, ya xlajic yu'un te mach'atic ya xcoltaywanic soc nix te mach'atic ya yich'ic coltayele; spisilic ya xch'ayic ta jc'axel.

San Juan 9:39

La yal te Jesuse: —Talemonix li' ta balumilal to swenta yu'un ya xchicnaj te mach'a leque soc te mach'a amene. Jich yu'un te mach'atic ma xyilic q'uinale, ya me xjam sitic. Yan te mach'atic ya yilic q'uinal ta sc'opique, ya me xc'atp'ujic ta ma'sit —xi'.