San Mateo 15:11 - Bible in Tzeltal de Oxchuc y Tenejapa

¹¹ Ma ja'uc amen sc'oplal ya xc'ot ta stojol Dios te winic yu'un te bila ya yotses ta yee. Ja' amen sc'oplal ya xc'ot ta stojol Dios yu'un te bila ya xloc' tel ta yee —xi' te Jesuse.

Nuevo Testamento Tzeltal de Amatenango

¹¹ Te tut ya xꞌoch ta stiꞌ te winike ma jaꞌuk ma tsaꞌamuk ya xkꞌot ta stojol Dios yuꞌun. Jaꞌ ma tsaꞌamuk ya xkꞌoex ta stojol Dios yuꞌun te tut ya xlokꞌ ta atiꞌike —xchi te Jesuse.

Bible in Tzeltal Bachajón

¹¹ Ma ba ya xjihnot te winic yu'un te bin ya x'och ta ye, ha ya xjihnot yu'un te bintic ya xloc' tal ta ye, xchi.

San Mateo 15:11 Referans Kwoze

San Marcos 7:15

Ma ja'uc amen sc'oplal ya xc'ot ta stojol Dios te winique yu'un te bila ya yotses ta ye. Ja' amen sc'oplal ya xc'ot ta stojol Dios yu'un te bila ya xloc' tel ta yo'tane.

Romanos 14:17

Melel te bit'il ay ta ajwalinel te Diose, ma ja'uc ta swenta jwe'el-cuch'eltic. Ja' nax ta swenta te bila toje, te lamal q'uinale soc te ay sbujts' co'tantic ta swenta te Ch'ul Espiritue.

Salmos 12:2

Ya spas sbaic ta lot; lec sc'opic yaiyel, ja'uc me to, ma jichuc te yo'tanique.

Salmos 10:7

Ja'uc me to, nojel ta ye bol c'opetic, lotetic soc lo'laywanej; muquen ay ta yo'tan te uts'inwanej soc te bitic amene.

Romanos 14:20

Ma me xajinbey yat'el Dios ta swenta te we'elile. Melel spisil ta jchajp te we'elile, lec sc'oplal. Ja'uc me to, ja' ma lecuc teme ya ayales ta mulil yantic ta swenta te bit'il ya xwe'e.

Hebreos 13:9

Ma me xawac' abaic ta lo'layel ta yaiyel stojol yantic nopjibaletic te ma ja'uc yaloj te Diose. Ja' lec te ja'uc ya yich' stulanil awo'tanic yu'un te bit'il ay yutsil yo'tan ta atojolic te Diose. Ma ta swentauc we'lil te lec ya xc'oex yu'une. Melel ma'yuc bi la staic a te mach'atic la xch'uunic spasele.

Romanos 14:14

Te jo'one, jna'oj stojol ta swenta Cajwaltic Jesús, te ma'yuc we'elil te ya xju' ya xbolob jc'oplaltic ta stojol Dios yu'une. Yan teme ay mach'a jich c'oem ta yo'tan te ya xbolob sc'oplal yu'un te we'elile, yu'un nanix amen teme ya stuuntese.

Isaías 37:23

¿Mach'a la abolc'optay soc te la awixtac'optaye? ¿Mach'a a te toy ac'op ta stojole, soc te la atoy asit yu'un te toyolat la awaiy yu'une? Ja' la apas ta stojol te Ch'ul Dios yu'un Israel.

2 Pedro 2:18

Melel puro toyba c'op sti'inejic te ma'yuc stuul xujt'uque. Ja' ya xlo'laywanic a te sbic'tal yo'tanique soc te bila ya smulan spasel te sbaq'uetalique. Jich ya xchijtesbeyic yo'tanic te mach'atic colelic to loq'uel tey a ta yolil te mach'atic jowejemic ta q'uinale.

Tito 1:15

Te mach'atic utstesbil yo'tanique, yu'un nanix lec sc'oplal yu'unic spisil te bitic aye. Yan te mach'atic ma lecuc te yo'tanique, ma'yuc xch'uunjel yo'tanic, xujt' ma'yuc bi lec sc'oplal yu'unic, melel xujt' ma'yuc swentail te bila snopoj ta yo'tanique.

San Mateo 15:10

Te Jesús la yic' tel ta stojol te ants-winiquetique. Jich la yalbey yaiyic: —Aiya awaiyic stojol, soc ac'a c'otuc ta awo'tanic:

San Mateo 15:12

Te jnopojeletic yu'un te Jesuse, noptsajic tel ta stojol. Jich la yalbeyic: —¿La bal awil te ilinic yu'un te fariseoetic te bila la awale? —xiic.

1 Timoteo 4:3

Ya scomotic ta nujbinel, soc ay we'elil ya scomotic ta stuuntesel. Ja'uc me to, Dios la spas spisil te we'elile, swenta yu'un ya me yich' albeyel wocol Dios te c'alal ya stuuntesic te we'elil te jch'uunjeletic te xch'uunejic te smelelil c'ope.