San Mateo 15:1 - Bible in Tzeltal de Oxchuc y Tenejapa

¹ Ay fariseoetic soc jts'ibojometic te talic c'alal lum Jerusalén te jul sc'oponic te Jesuse. La sjojc'obeyic:

Nuevo Testamento Tzeltal de Amatenango

¹ Ay fariseoetik sok maestroetik yuꞌun te mantaliletike te talemik ta Jerusalen jul skꞌoponik te Jesuse. La sjojkꞌobeyik:

Bible in Tzeltal Bachajón

¹ Ay talic ta stojol Jesús escribanohetic soc fariseohetic te talemic ta Jerusalén, hich hul yalbeyic:

San Mateo 15:1 Referans Kwoze

Hechos 23:9

Jich xch'inch'onic nax ta c'op ta spisilic. Ay la stejc'an sbaic ta c'op te jts'ibojometique soc uuc te fariseoetique, tulan c'opojic: —Ja' in winic to, ma'yuc bila amen spasoj. Ma jna'tic teme ay c'oponotix yu'un ch'ulelal o teme ch'ul abate. Ma me teyuc ya jcontrointic a te Diose —xi' sc'oplal yu'unic.

San Lucas 5:30

Jich yu'un te fariseoetique soc te jts'ibojometique jajch' ayanbeyic sc'oplal te jnopojeletic yu'un te Jesuse. Jich ba yalbeyic: —¿Bistuc ya ajoinic ta we'el-uch'ajel te jc'an-patanetic soc te jmulawiletique? —xiic.

San Lucas 5:21

Jich te jts'ibojometique soc te fariseoetique jajch' yal ta yo'tanic: “¿Mach'a winiquil in to te yac ta stoybac'optayel te Diose, melel ja' nax stuquel te Dios te ya xju' yu'un xch'ayel te mulile”, xiic.

San Lucas 5:17

Jun c'aal te c'alal yac ta p'ijubteswanej te Jesuse, ay fariseoetic soc jts'ibojometic te nacalic tey a te talemic ta lumlumtic ta sq'uinal Galilea soc ta sq'uinal Judea soc ta lum Jerusalén. Chican ta ilel te bit'il ta swenta yu'el Dios te yac ta slamantesel jchameletic te Jesuse.

San Marcos 3:22

Talic ta Jerusalén uuc te jts'ibojometique. Jich la yalic: —Ja' in winic to, ay Beelzebú ta yo'tan, ja' te mero ajwalil yu'un te pucujetique. Ja' ta swenta te ya sloq'ues te pucujetique —xiic.

San Mateo 23:2

—Te jts'ibojometic soc te fariseoetique sjelolinejic Moisés ta yaq'uel ta nopel te mandalil ts'ibubil jilel yu'une.

San Mateo 5:20

Jich yu'un ya me calbeyex te ja'exe, teme ma c'axemuc to xan toj awat'el te bit'il ya spasic te jts'ibojometic soc te fariseoetique, ma xju' ya x'ochex tey a ta banti ay ta ajwalinel te Dios ta ch'ulchane.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

Hechos 25:7

C'alal och tel te Pabloe, te judioetic te talic ta Jerusalén la sjoytayic. Jich jajch' yalic spisil te bila muc' sc'oplal smulinej ta sc'opique. Ja'uc me to, ma ba ju' yu'unic yaq'uel ta ilel teme melel te ay smule.