San Mateo 14:3 - Bible in Tzeltal de Oxchuc y Tenejapa

³ Jich caj yal yu'un melel ayix c'aal te la sticun ta tsaquel te Juane, te la yac' ta chuquel ta bay chucjibal ta scaj te Herodías te yinam Felipe, te ja' nix te yijts'ine.

Nuevo Testamento Tzeltal de Amatenango

³ Jich a yal, yuꞌun ayix kꞌaal te la stikon ta tsakel te Juane sok la yakꞌ ta chukel te prexo ta skaj te xHerodias, te yinam Felipe te jaꞌ yijtsꞌine.

Bible in Tzeltal Bachajón

³ Como te Herodes stsacojix te Juan, la schuc ta cadena soc la yotses ta cárcel, ta scaj te Herodías te yihnam Felipe te yihts'in te Herodes,

San Mateo 14:3 Referans Kwoze

San Marcos 6:17

Melel te Herodese la sticun ta tsaquel ta neelal to te Juane, te la yac' ta chuquel ta cadena ta bay chucjibal. Jich la spas ta scaj te Herodiase te yinam yijts'ine te Felipe sbiile. Melel te ajwalil Herodese, ja' yic'oj yinamin te yinam yijts'ine.

San Mateo 4:12

Te c'alal la yaiy stojol Jesús te chuculix te Juane, sujt' bael ta sq'uinal Galilea.

San Marcos 6:22

Te yantsil-al te Herodiase, och ta ajc'ot tey a ta bay yacalic ta we'el-uch'ajel. Te Herodes soc te mach'atic yac ta we'el soque la smulanic te bit'il ajc'otaj te ach'ixe. Te Herodese jich la yalbey te ach'ixe: —C'anbon te bila ya sc'an awo'tane. Ya cac'bat —xi'.

San Marcos 6:19

Jich te Herodiase ilin yo'tan yu'un. Yo'tan c'an smil ta ora te Juane, ja'uc me to, ma ju' yu'un.

San Mateo 11:2

Te bit'il ayix ta chucjibal te Juane, la yaiy stojol te bila yac ta spasel te Cristoe. Jich la sticun bael cheb jnopojeletic yu'un.

San Lucas 13:1

Jich ora ay mach'atic ba yalbeyic yaiy te Jesuse te bit'il ay galileaetic te ticunotic ta milel yu'un te Pilatoe, soc tey mero malbot xch'ich'elic a te banti yacalic smilbel smajt'an te Diose.

San Mateo 14:6

Te c'alal la sta sc'aalelal te loc' ja'wil ya'wilal te Herodese, la spas q'uin a. Te yantsil-al te Herodiase tal yaiy ajc'ot ta stojol te mach'a ic'bilic ta we'el-uch'ajele. Te Herodese bayal la smulan te bit'il ajc'otaj te ach'ixe.

San Marcos 6:14

Te ajwalil Herodes la yaiy stojol spisil te bila yac ta spasel te Jesuse, yu'un pujq'uem sc'oplal ta spamal te q'uinale. Te Herodese jich la yal yu'un: —Ja' niwan te Juan J'ac'-ich'ja'e. Cha'cuxemix tel ta bay te animaetique. Ja' swentail te ayix yu'el ta spasel spisil in to —xi'.

San Marcos 8:15

Te Jesús la spas ta mandal: —Na'aic me q'uinal ta lec, tsajtaya me abaic ta swenta te levadura yu'un te fariseoetic soc uuc te levadura yu'un te Herodese —la yut.

San Lucas 3:1

Yo'lajunebalix ja'wil yochel ta muc' ajwalil a te Tiberio Cesare, ja' ay ta Gobernador ta bay sq'uinal Judea te Poncio Pilatoe. Te Herodese ja' ay ta ajwalil ta bay sq'uinal Galilea. Soc ay ta ajwalil ta sq'uinal Iturea soc ta sq'uinal Traconite te Felipe te yijts'in te Herodese. Soc ja' ay ta ajwalil ta sq'uinal Abilinia te Lisaniase.

San Lucas 8:3

soc te Juana te ja' smamlal te Chuza te mayordomo yu'un te Herodese, soc te Susana, soc tsobol yantic antsetic. Te bila ay yu'unic te antsetique, la yac'beyic te bila tuun yu'un te Jesús soc te jpuc-c'opetic yu'une.

San Lucas 13:31

Ja' nix sc'aalelal a te ay fariseoetic talic ta stojol. Jich la yalic: —Anan loq'uel li'to, yu'un ya sc'an smilat te Herodese —xiic.

San Lucas 23:7

Te c'alal la yaiy stojol, la sticun bael ta stojol Herodes te ja' ay ta ajwalil ta sq'uinal Galilea, yu'un talem ta Jerusalén a.

San Lucas 23:11

Te Herodes soc te soldadoetic yu'une, la stse'layic te Jesuse soc la slabanic. La yac'beyic slap t'ujbil c'u'ul swenta muc' ajwalil. Jich te Herodese la sticun sujt'el ta stojol te Pilatoe.

Hechos 4:27

“Jich nix la spas a te Herodese soc te Poncio Pilatoe. La stsob sbaic li'to ta lum soc te jyanlum winiquetique soc uuc te jlumaltique. La scontroinic te Ach'ul-nich'ane te ja' te Cristo awu'une.

Hechos 12:1

Jich ora te muc' ajwalil Herodes jajch' yuts'in cha'oxtul te jch'uunjeletique.