San Mateo 14:19 - Bible in Tzeltal de Oxchuc y Tenejapa

¹⁹ Soc la yalbey mandal te ants-winiquetic te ya snajc'an sbaic ta aquiltique. La stsac te jo'pejch' waje soc te cha'cojt' chaye. La stoy moel sit ta ch'ulchan, la yalbey wocol Dios yu'un, soc la xet'. La yac'bey ta sc'ab te jnopojeletic yu'une, ja'ic la spucbeyic ta stojolic te ants-winiquetique.

Nuevo Testamento Tzeltal de Amatenango

¹⁹ Y la yaltalanbe te genteetike te ya snajkꞌan sbaik ta stenlejaltike. La stsak ta skꞌab te joꞌpejch waje sok te chaꞌkojt chaye, la skꞌelu moel te chꞌulchane, la yalbe kola yal Dios yuꞌun y la xeꞌtalan te waje. La yaꞌbe ta skꞌab te jnopojeletik yuꞌune y ba spuktalanbe te genteetike.

Bible in Tzeltal Bachajón

¹⁹ Hich la spas ta mandar te ants-winiquetic te yacuc shuhcan sbahic ta aquiltic; la stsac te ho'pehch pan soc te cha'coht chay, la yil mohel ta ch'ulchan soc la sc'opon Dios yu'un, la xet'ticlan, la yac'ticlambe te jnopojeletic yu'un, hich te jnopojeletic la spucticlambe te mach'atic tey ayic a.

San Mateo 14:19 Referans Kwoze

San Lucas 24:30

Te c'alal nacalic ta mesa soc, la stsac ta sc'ab te waje. La yalbey wocol Dios yu'un, soc la xet', soc la spucbey.

1 Samuel 9:13

Te c'alal ya xc'oex tey a, leaic me ta ora, melel ya me xbajt' ta toyol ch'uunjibal te banti ya x'ain we'ele. Ma'yuc mach'a ya xwe' ja' to teme c'ot stuquele, melel ja' to ya xc'ot sc'anbey bendición stuquel te milbil smajt'an Dios. Patil ya me xwe'iquix te jayeb mach'a ic'bilic tele. Ja' yu'un baanic me jiche, tey to ya xc'o ataic a ta ora in to —xi' sc'oplalic.

Hechos 27:35

Lajel to yo'tan ta c'op a te Pabloe, la stsac te waje. La yalbey wocol Dios yu'un ta comonsitil. La xet', och swe'.

San Marcos 6:41

Te Jesús la stsac te jo'pejch' waj soc te cha'cojt' chaye. La stoy moel sit ta ch'ulchan. La yalbey wocol Dios yu'un, soc la xet' te waje. La yac'bey ta sc'ab te jnopojeletique te ya xba spucbeyic te ants-winiquetique, soc la yac' ta puquel uuc te cha'cojt' chaye.

1 Corintios 11:24

La yalbey wocol Dios yu'un. La xet' soc jich la yal: “Ila, we'aic. Ja' jbaq'uetal in to, te ya cac' ta lajel ta awentaique. Jich me xapasic bael spisil ora, yu'un tey me ya ana'onic a”, xi'.

Romanos 14:6

Te mach'a ay jun c'aal stsaoje, ja' ya yich' ta muc' a te Cajwaltique. Ja' nix jich te mach'a ma stsa te c'aale, jich ya spas yu'un te ya yich' ta muc' a te Cajwaltique. Ja' nanix jich te mach'a spisil ya stuuntes te we'elile. Ja' ta swenta Cajwaltic te ya swe'eline, melel tey ya yalbey wocol a te Diose. Te mach'a ma spisiluc ya stuuntese, ja' nix jich ta swenta Cajwaltic te ma spisiluc ya swe'eline, soc ja' nix jich ya yalbey wocol Dios yu'un uuc.

Colosenses 3:17

Spisil te bila ya apasique soc te bila ya awalique, pasaic spisil ta swenta sbiil te Cajwaltic Jesuse. Soc albeyaic wocol te Jtatic Dios yu'un spisil te bila yac'ojbeyexe.

1 Corintios 10:16

Te ch'ul vaso te ya calbeytic wocol Dios yu'une, ja' ya yac' ta na'el te bit'il jun nax c'oemotic ta swenta xch'ich'el te Cristoe. Soc te waj ya jxet'ique, ja' ya yac' ta na'el te bit'il jun nax c'oemotic ta swenta sbaq'uetal te Cristoe.

San Lucas 9:14

Melel ay niwan jo'mil (5,000) ta jtul winiquetic te stsoboj sbaique. Te Jesús la yalbey te jnopojeletic yu'une: —Albeyaic te ac'a snajc'an sbaic ta tsojboltsojp. Lajlajuneb me yoxwinic (50) ya awaq'uic te juju-jtsojbe —xi'.

San Marcos 7:34

Stoyoj moel sit ta ch'ulchan a te Jesús te la sjic' yo'tane. Jich la yal: —¡Efata! —xi'. Ja' bi, “¡Jamuc!”, xi' c'oem.

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

San Juan 6:23

Jich ora tal yantic barcoetic te talic ta lum Tiberias. Julic ta loq'uel ta bay nopol la swe'ic waj te la yalbey wocol Dios yu'un te Cajwaltique.

San Marcos 6:39

Jich te Jesús la spas ta mandal te ants-winiquetique te ac'a snajc'an sbaic ta tsojboltsojp ta bay te yax aquiltique.

San Juan 11:41

Jich la sloq'uesic te tone. Te Jesús la stoy moel sit ta ch'ulchan. Jich la yal: —Jtat, wocol awal te la awaiybonix stojol te jc'ope.

San Lucas 22:19

Soc la stsac ta sc'ab te waje. La yalbey wocol Dios yu'un. La xet' soc la yac'bey te jnopojeletique. Jich la yal: —Ja' jbaq'uetal in to, [te ya cac' ta lajel ta awentaic. Jich me xapasulayic swenta jna'jibal awu'unic —xi'.

San Lucas 9:16

soc la xet' te waje. La yac'bey ta sc'ab te jnopojeletique, ja'ic la spucbeyic te ants-winiquetic.

San Mateo 14:18

La yal te Jesuse: —Ich'bonic tel jiche —la yut.

San Lucas 22:17

Soc la stsac ta sc'ab te vasoe, la yalbey wocol Dios yu'un. Soc la yalbey te jnopojeletique: —Ila, melaic ta uch'el ta apisilic.