San Mateo 13:47 - Bible in Tzeltal de Oxchuc y Tenejapa

⁴⁷ “Soc te bit'il ay ta ajwalinel te Dios te ay ta ch'ulchane, ja' pajal c'oem soc te muc'ul stsacjibal-chay te ya stsob tel spisil ta jchajp te chayetique.

Nuevo Testamento Tzeltal de Amatenango

⁴⁷ “Te tutꞌil ya xkꞌot ta ajwalinel te Diose, jaꞌ pajal kꞌoem sok te stsajkil-chay te ya xchꞌojot ochel ta mare yuꞌun ya stsak lokꞌel spisil ta kaj te chaye.

Bible in Tzeltal Bachajón

⁴⁷ Soc te cuentahinel yu'un te ch'ulchan hich c'ohem te bin ut'il tsaco-chay te ya x'otsesot cohel ta ha', ya stsob spisil ta chahp chayetic.

San Mateo 13:47 Referans Kwoze

San Juan 15:6

Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

San Marcos 1:17

Te Jesús la yalbey yaiyic: —La', ts'aclinawonic. Ta ora to ja' awat'eliquix ya xc'ot te ya atsob tel ants-winiquetic ta jtojole —xi' te Jesuse.

Gálatas 2:4

Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

2 Corintios 11:26

Bayal buelta beenonix. C'axix bayal jwocol yu'un te bila xi'bantic sbae, jich bit'il: muc' ja'etic, j'eleq'uetic yu'un te jlumale soc uuc te jyanlumetic, ta lumlumtic, ta jochol q'uinaletic, ta maretic, soc ta bay jlotil-quermanotactique.

Hechos 20:30

Soc ta awolilic ay me ya xjajch' te mach'atic ya yaq'uic ta nopel lotil c'op te jich ya slo'layic a te jnopojeletic te q'uejel ya xbajt'ic soque.

San Lucas 5:10

Ja' nanix jich te Jacobo soc Juan te snich'nab Zebedeo te sjoy sbaic ta at'el soc te Simone. Ja'uc me to, te Jesús la yalbey te Simone: —Ma me xiwat. Ta ora to ja' awat'elix ya xc'ot te ya atsob tel ants-winiquetic ta jtojol —xi'.

San Mateo 4:19

Te Jesús la yalbey yaiyic: —La', ts'aclinawonic. Ta ora to ja' awat'elix ya xc'ot te ya atsobic tel ants-winiquetic ta jtojol —xi'.

1 Corintios 11:19

Chican ta jamal te puersa ma junuc awo'tan abaique, swenta yu'un tey ya xchicnaj ta jamal a te mach'a lec yo'tan Dios yu'une.

San Juan 15:2

Spisil te sc'abc'ab te bay ma xyac' site, ya me sloq'ues. Spisil te banti ya yac' site, ya yutstes xan stuquel swenta yu'un ya yac' xan bayal sit ta lec a.

Ezequiel 47:10

Ta En-gadi c'alal ta En-eglaim ay me jtsac-chayetic, tey me ya yaq'uic ta taquejel a te stsacjibal-xchayique. Ya me x'esmaj bayal ta jchajp chayetic, ja' me pajal ya xc'ot soc te Mar Mediterráneo.

San Mateo 13:44

“Te bit'il ay ta ajwalinel te Dios te ay ta ch'ulchane, jich c'oem te bit'il bayal oro te nac'al ta lum ta bay jsejp ch'in q'uinal. Ay jtul winic te la stae, soc la xcha'nac' xan jilel tey a. Scaj te bayal sbujts' yo'tan yu'une, jich ba xchon spisil te bila ay yu'une, ja' ba sman a te ch'in q'uinal ta bay nac'al te oroe.

San Mateo 13:46

Te c'alal la sta te jun perla te c'ax toyol stojole, ba xchon spisil te bila ay yu'une. Jich ba sman a te perlae.

San Mateo 13:48

Teme noj ta chay te stsacjibale, te jtsac-chayetique ya stasic loq'uel tel ta ti'mar. Tey ya snajc'an sbaic ta tsael a te chayetique. Te lequil chaye ya sq'uejic ta moch. Yan te bay ma lecuque ya xch'ojic bael.