San Mateo 13:46 - Bible in Tzeltal de Oxchuc y Tenejapa

⁴⁶ Te c'alal la sta te jun perla te c'ax toyol stojole, ba xchon spisil te bila ay yu'une. Jich ba sman a te perlae.

Nuevo Testamento Tzeltal de Amatenango

⁴⁶ Te kꞌalal ya sta junuk perla te ben toyole, ba xchon spisil te tut ay yuꞌune. Jicha ba sman a te perlae.

Bible in Tzeltal Bachajón

⁴⁶ c'alal la sta jun perla te mero t'ujbil, baht schon spisil bintic ay yu'un, ha la sman.

San Mateo 13:46 Referans Kwoze

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Colosenses 2:3

Stuquel ay ta swenta spisil p'ijil-o'tanil soc spisil te bila ya sc'an ya jna'tic stojol te q'uejbil yu'un ta spisile.

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

San Mateo 13:44

“Te bit'il ay ta ajwalinel te Dios te ay ta ch'ulchane, jich c'oem te bit'il bayal oro te nac'al ta lum ta bay jsejp ch'in q'uinal. Ay jtul winic te la stae, soc la xcha'nac' xan jilel tey a. Scaj te bayal sbujts' yo'tan yu'une, jich ba xchon spisil te bila ay yu'une, ja' ba sman a te ch'in q'uinal ta bay nac'al te oroe.

Isaías 33:6

Ta sbajt'el q'uinal ya yac' te jun nax yo'tanic ya x'ainic. Te p'ijil-o'tanil soc te p'ijil-jolol, ja' c'ulejalil te ya xcoltaywane; te yich'el ta muc' te Cajwaltic, ja' c'ulejalil abi.

Proverbios 2:4

jc'axel xawac' aba ta sleel, jichuc me ta awo'tan te bit'il yacat ta sleel plata soc te yacat ta sleel nac'bil c'ulejalil.

Apocalipsis 21:21

Ta slajchayjujt'ul te sti' sts'ajq'ue, lajchayeb perlaetic pasbil a. Te jujun sti' jun perla pasbil a. Te smuc'ul calleil te lume pasbil ta oro te xujt' ma'yuc scape te pajal soc espejo te ya xc'ax jsitic ta yilel q'uinal a.

Gálatas 6:14

Yan te jo'one, ma'yuc bi yan te toyol q'uinal ya caiy yu'une, ja' nax toyol q'uinal ya caiy yu'un stuquel te scruz te Cajwaltic Jesucristoe. Ja' ta swenta stuquel, te lajemix sc'oplal cu'un te balumilale, soc jich lajemonix ta stojol uuc te balumilale.

San Mateo 13:45

“Soc te bit'il ay ta ajwalinel te Dios te ay ta ch'ulchane, jich c'oem te bit'il ay jtul chonbajel te yac ta sleel t'ujbil perlaetic.

San Mateo 13:47

“Soc te bit'il ay ta ajwalinel te Dios te ay ta ch'ulchane, ja' pajal c'oem soc te muc'ul stsacjibal-chay te ya stsob tel spisil ta jchajp te chayetique.

Apocalipsis 18:12

Ja' sp'olmalic te oro, plata, t'ujbil lequil tonetic, perlaetic, lequil lino-pac', seda-pac', tsaj'aman pac', te tsajal pac', soc spisil ta jchajp te'etic te ay sbujts' yiq'ue, soc te bila pasbil ta sbaquel ye te elefantee, t'ujbil te'etic, bronce, hierro, marmol-ton,