San Mateo 13:44 - Bible in Tzeltal de Oxchuc y Tenejapa

⁴⁴ “Te bit'il ay ta ajwalinel te Dios te ay ta ch'ulchane, jich c'oem te bit'il bayal oro te nac'al ta lum ta bay jsejp ch'in q'uinal. Ay jtul winic te la stae, soc la xcha'nac' xan jilel tey a. Scaj te bayal sbujts' yo'tan yu'une, jich ba xchon spisil te bila ay yu'une, ja' ba sman a te ch'in q'uinal ta bay nac'al te oroe.

Nuevo Testamento Tzeltal de Amatenango

⁴⁴ “Te tutꞌil ya xkꞌot ta ajwalinel te Diose, jich kꞌoem te tutꞌil bayal oro te mukul ta jlom chꞌin luware. Ay jtul winik te la stae sok la xchaꞌmuk xan jilel teꞌa. Ben jun yoꞌtan a sujt bael yuꞌun. Jicha ba xchon spisil te tut ay yuꞌune y ba sman a te luwar te ba ay mukul te oroe.

Bible in Tzeltal Bachajón

⁴⁴ Te cuentahinel yu'un te ch'ulchan hich c'ohem te bin ut'il c'uhlejalil mucul ta lum, te ay mach'a la sta soc la scha'muc xan hilel; tse'el yo'tan a baht schon spisil bintic ay yu'un, ha baht sman te q'uinale.

San Mateo 13:44 Referans Kwoze

Colosenses 2:3

Stuquel ay ta swenta spisil p'ijil-o'tanil soc spisil te bila ya sc'an ya jna'tic stojol te q'uejbil yu'un ta spisile.

San Lucas 14:33

Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.

San Mateo 6:21

Melel ta banti ay te ac'ulejalique, tey ay a te awo'tanique.

San Mateo 19:29

Spisil mach'a ay bi ya yijq'uitay jilel ta jwenta, chican teme sna, sbanquiltac, xwixitac, yijts'inab, sme'-stat, yinam, snich'nab, o ja' te sq'uinale, jo'winic buelta ya x'esmaj sjelol te ya x'ac'bote, soc ya me x'ac'ot cuxinuc sbajt'el q'uinal.

Proverbios 16:16

Ja' lec ta leel te p'ijil-o'tanil, ma'yuc sc'oplal te oro; ja' lec ta leel te p'ijil-jolole, ma ja'uc ay sc'oplal te plata.

Proverbios 23:23

Mana me soc ma me xachon te bila smelelile soc te p'ijil c'ope, te p'ijubtesel soc te sp'ijil ajole.

Apocalipsis 3:18

Jich yu'un ya calbat te ya amanbon te oro cu'un te lecubtesbil ta c'ajq'ue, swenta yu'un ay me ac'ulejal ta mero melel. Soc ya calbat te ya amanbon uuc te saquil c'u'ul ya alape, swenta yu'un ma ba ya xq'uexawat te bit'il t'analate. Soc ya me amanbon uuc spoxil asit swenta yu'un jich me ya apoxtay asit a. Yu'un jich ya xju' awu'un te ya awil q'uinale.

San Mateo 19:27

La yal te Pedroe: —Cajwal, te jo'otique jilemix cu'untic spisil te bitic ay cu'untique, melel jts'aclinejticatix. ¿Bila ya quich'tic yu'un? —xi'.

San Mateo 19:21

Te Jesús jich la yalbey: —Teme ya ac'an te jc'axel lec ya xc'oate, baan, chona spisil te bila ay awu'une. Q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi' te Jesuse.

Isaías 55:1

Te Cajwaltic ya yal: —Ja'ex te taquin awo'tanique, la'ic, la' uch'aic ja'; ja'ex te ma'yuc ataq'uinique, la'ic, leaic trigo ta majt'anil, soc we'anic; leaic vino soc leche, ni ma'yuc ta tojel.

Romanos 15:4

Spisil te bila la yal te Sjun Diose, ja' la yich' ts'ibuyel yu'un te ya sp'ijubtesotique. Swenta yu'un ya xchicnaj ta ilel te ayix smuc'ul q'uinal ya caiytic ta swenta, jich jun co'tantic ya jmaliytic.

San Mateo 13:24

Jesús la yal yan seña-c'op. Jich la yal: —Te bit'il ay ta ajwalinel te Dios te ay ta ch'ulchane, jich c'oem te bit'il la sts'un lequil awalil ta sq'uinal te jtul winique.

Hebreos 10:34

Soc bayal xc'uxul la awaiy ta awo'tanic te mach'atic la yich'ic chuquele. Soc bayal sbujts' awo'tanic yu'un te bajt' ta pojel te bila ay awu'unique, yu'un ja' la ana'ic te bila ay awu'unic ta ch'ulchan te c'axem to xan ay yutsilal soc te sbajt'el q'uinal ay stuquele.

San Juan 6:35

Jesús jich la yalbey: —Jo'on wajon yu'un te cuxlejale. Te mach'a ya xtal ta jtojole xujt' ma xwi'naj yo'tan; soc te mach'a ya xch'uunone, xujt' ma xtaquej yo'tan.

Proverbios 17:16

¿Bi yu'un ya yich' tel taq'uin ta sc'ab te mach'a ma sna' q'uinal te ya sman p'ijilil ta sc'op a, te bit'il ma xju' yu'un snopele?

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

Proverbios 18:1

Te mach'a t'ut'e, stuquel ya sle te bila ya sc'an yo'tane, ma xyich' ta muc' spisil te lequil tojtesele.

Job 28:13

Te winic ma sna' te jich yipal stojol stuquel te p'ijil-o'tanil, soc ma ba ya sta ta balumilal.

San Mateo 13:46

Te c'alal la sta te jun perla te c'ax toyol stojole, ba xchon spisil te bila ay yu'une. Jich ba sman a te perlae.

San Mateo 13:47

“Soc te bit'il ay ta ajwalinel te Dios te ay ta ch'ulchane, ja' pajal c'oem soc te muc'ul stsacjibal-chay te ya stsob tel spisil ta jchajp te chayetique.