San Mateo 13:43 - Bible in Tzeltal de Oxchuc y Tenejapa

⁴³ Te mach'atic toj yo'tanic ta stojol te Diose, ya me xojobajic jich bit'il te c'aal ta ba ay ta ajwalinel te Jtatique. Te mach'a ay xchiquine, ac'a me yaiy stojol ta lec.

Nuevo Testamento Tzeltal de Amatenango

⁴³ Te machꞌatik lek yoꞌtanik ta stojol te Diose ya me xchiknaj stsaꞌamulik te ba ay ta ajwalil te jTatike, jich me tutꞌil ya xtil xojobil te kꞌajkꞌale. Te machꞌatik ay xchikine, a me yaꞌibe sluwaril ta lek.

Bible in Tzeltal Bachajón

⁴³ Te mach'atic toj yo'tanic hich me ya xtihlic te bin ut'il te c'ahc'al tey ta banti ay te cuentahinel yu'un te Statique. Te mach'a ay schiquin, ac'a me ya'iy.

San Mateo 13:43 Referans Kwoze

Daniel 12:3

Te mach'atic ay sp'ijilique, te la yiq'uic ta beel tsobol ta jtul ta tojil bee, jich me xojobil ya xc'otic te bit'il xojobil te ch'ulchane. Xlemet me xojobil sbajt'el q'uinal, jich te bit'il xlemet xojobil te eq'uetique.

San Lucas 12:32

“Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.

San Mateo 11:15

Te mach'a ay xchiquine, ac'a me yaiy stojol ta lec.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.

1 Corintios 15:58

Jich yu'un, quermanotac te c'uxex ta co'tane, ac'a me junajuc awo'tanic ta lec spisil ora. Yan yanuc me ta muc'ubel awu'unic te yat'el te Cajwaltique, melel ya ana'ic te ma tojoluc te ya awac' abaic ta abatinel yu'un te Cajwaltique.

San Lucas 22:29

Jich yu'un te jo'one ya me cac'beyex awat'elic ta ajwalil jich nix te bit'il yac'ojbon cat'el ta ajwalil te Jtate.

San Mateo 26:29

Ja'uc me to, ya calbeyex awaiyic te ma ba ya cuch'ix te ya'lel ts'usube ja' to te c'alal ya sta yorail ya joinex ta yuch'el ta banti ay ta ajwalinel te Jtate —xi' te Jesuse.

San Mateo 25:36

Soc te ma'yuc lec jc'u'-jpac' la awile, la awac'bon jc'u'-jpac'. Soc te bit'il ayon ta chamel la awile, tal awilon. Soc te bit'il ayon ta chucjibale, tal ac'oponon tey a”, ya me yut.

San Marcos 4:23

Te mach'a ay xchiquine, ac'a me yaiy stojol ta lec —xi' te Jesuse.

Éxodo 34:35

Te bit'il ya yilic israeletic te xojobajem yelaw te Moisese, jich ya xcha'mac xan ta pac' te yelawe, ja' to c'alal ya xcha'och xan ta c'op soc te Cajwaltique.