San Mateo 13:39 - Bible in Tzeltal de Oxchuc y Tenejapa

³⁹ Te cajcontro te la sts'un te cizaña-aque ja' te pucuje. Te yorail te ya yich' tsobele, ja' te slajibal c'aale. Te j'at'eletique, ja' te ch'ul abatetique.

Nuevo Testamento Tzeltal de Amatenango

³⁹ Te jkontra te la stsꞌun te ak te maꞌ tsaꞌamuke, jaꞌ te pukuje. Te yorail kꞌajoje jaꞌ te slajibal kꞌaale. Te jkꞌajojetike jaꞌ te chꞌul angeletik yuꞌun te Diose.

Bible in Tzeltal Bachajón

³⁹ Te jcontra te la sts'un te ac, ha te pucuje; te yorahil tsob-trigo, ha te slajibal c'ahc'al, soc te jtsob-trigohetic, ha te ch'ul a'batetique.

San Mateo 13:39 Referans Kwoze

San Mateo 13:49

Jich me ya xc'ot ta pasel ta slajibal c'aal. Ya me xtal te ch'ul abatetique. Ya me stsaic loq'uel te mach'atic ma lecuc ta bay yolil te mach'atic toj yo'tanic ta stojol te Diose.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

Joel 3:13

Melel mero jc'axel amen yo'tanic. Set'aic jichuc yijuben trigo, la staix yorail te c'ajoje. Tenaic jichuc ts'usubetic, melel chapalix yu'un ya yich' pasel te vino c'oeme.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

Apocalipsis 13:14

Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

San Mateo 24:3

Te c'alal ayiquix ta Wits Olivailtique, te Jesús la snajc'an sba tey a. Te jnopojeletic yu'une, stuquel nax tal sc'oponic. Jich la yalic: —Albotic caiytic te bi ora ya xc'ot ta pasel te bila la awalbotique, soc te bi señail ya xchicnaj ta ilel a te c'alal ya xtalatixe soc te ja'ix a te slajibal c'aale —xiic.

San Mateo 13:25

Ja'uc me to, te c'alal wayaliquix a te ants-winique, tal yajcontroe ts'iin. Och scap ta ts'unel cizaña-ac ta banti ts'umbil te trigoe, bajt' ts'iin.

Judas 1:14

Jich nix la yalbey sc'oplal uuc te Enoc te ja' sjuccumul sts'umbal te Adane. Jich la yal: “La quil te Cajwaltique, sjoinej tel bayal ta jmil te ch'ul abatetic yu'une.

1 Pedro 5:8

Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.

Hebreos 9:26

Te jichuque bayal buelta la yac'ulayix sba ta lajel ta xjajch'ibal to tel balumilal te jichuque. Ja'uc me to, te bit'il slajibalix c'aale, jun nax buelta xtaluc te la yac' sba ta lajel ta xch'ayel jmultic te Cristoe.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

2 Corintios 11:3

Ja'uc me to, ya xiw co'tan teme ay mach'a ya slo'layex, jich te bit'il laj ta lo'layel yu'un sp'ijil sc'op chan te Evae. Ya jxi' teme ay bit'il ya xyanaj awo'tanic, soc te jich ma junuquix awo'tanic ta stojol te Cristoe.

2 Corintios 2:17

Ja'uc me to, te jo'otique ma jichuc ayotic te bit'il yantic te ya scuyic ta sp'olmalic te sc'op Diose. Te jo'otique ja' ya caltic ta jamal spisil te sc'op Diose. Yu'un ja' ticunbilotic yu'un te Diose, soc ayotic ta abatinel yu'un te Cristoe.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Mateo 13:28

Te yajwalique la yal: “Ja' la yac'bon te cajcontroe”, xi'. La yal te abatetique: “¿Ya bal ac'an te ya xba jbultic loq'uele?”, xiic.

Daniel 7:10

jun muc'ul c'ajc' yac ta loq'uel tel jichuc ja' tey a. Bayal ta jmil te mach'atic ya yac' sbaic ta abatinel yu'une; bayal ta millón tec'ajtic ta stojol. Te jtsojp jchajbanwanejetic, jajch'ic ta at'el, la yich' jamel te libroetique.

San Mateo 12:32

Teme ay mach'a ya scontroc'optay te Nich'anile, ya xju' ya spasbot perdón yu'un. Yan te mach'a ya scontroc'optay te Ch'ul Espiritue, ma xju' ya spasbot perdón yu'un stuquel te jayeb c'aal cuxul ta q'uinal ni ja'uc ta patilal bael ta sbajt'el q'uinal.

San Mateo 13:22

In te awalil te c'ot ta ch'ixtiquil, ja' sc'oplal te mach'a ya yaiy stojol te Sc'op Diose, ja'uc me to, ya xlo'layot yu'un te c'ulejalile soc biq'uit nax yo'tan yu'un te bila swenta te balumilale. Jich jc'axel tenbil ya xc'ot ta yo'tan te Sc'op Diose. Jich ma ba ya sitin ta yo'tan.

San Mateo 13:40

Te cizaña-ac te ya yich' tsobele soc te ya yich' chiq'uel ta c'ajq'ue, jich me ya xc'ot ta pasel ta slajibal c'aal.

1 Corintios 10:11

Spisil in to, jich c'ot ta pasel ta stojolic, swenta yu'un ja' ejemplo ta jtojoltic, te ts'ibubil jilel ta swenta jcomeltic jo'otic te slajibal c'aal ayotiquixe.

Hebreos 1:2

Yan ta ora to te slajibal c'aal ayotique, la sc'oponotiquix ta swenta te Snich'ane. Dios la spas ch'ulchan balumilal ta swenta te Snich'ane, soc ja' yac'ojbey yu'unin spisil te bitic aye.