San Mateo 13:30 - Bible in Tzeltal de Oxchuc y Tenejapa

³⁰ Tey ac'a jiluc ta ch'iel soc a, ja' to teme la sta yorail te ya yich' tsobele. Te c'alal ya sta yoraile, ya me calbey te j'at'eletique te ja' neel ac'a stsobic loq'uel tel te cizaña-aque. Ac'a xchuquic ta tomoltom, swenta yu'un ya yich' chiq'uel ta c'ajc'. Yan te trigoe ya me stsobic ochel ta bay snail cu'un”, ya me yut —xi' te Jesuse.

Nuevo Testamento Tzeltal de Amatenango

³⁰ Teꞌ yijubuk a jaꞌ to teme la sta yorail te ya xtuy lokꞌele. Te kꞌalal ya sta skꞌaalele, ya me kalbe te jꞌaꞌteletike te jaꞌ nail ya stsob lokꞌel te ak te ma tsaꞌamuke, aꞌ xchukik ta jujuyom, aꞌ ba xchikꞌik ta kꞌakꞌ. Yan te triwue, ya me stsobikon ochel ta yawil kuꞌun”, xchi me —xchi te Jesuse.

Bible in Tzeltal Bachajón

³⁰ Pajal ac'a coluc soc ha to ta yorahil ya yich' bojel; ta yorahil te ya yich' bojel hich ya calbe te jboj-trigohetic: Ha nahil xatsobic te aque, tomticlanahic ta chuquel yu'un ya yich' chiq'uel; yan te trigo tsobahic ochel ta snahul cu'un stuquel, ya me cut, xchi te Jesús.

San Mateo 13:30 Referans Kwoze

San Mateo 3:12

Te mach'a ya xtale, jich c'oem te bit'il mach'a stsacojix ta sc'ab te sajp'ujibal sulil te strigoe. Patil ya me stsob ochel ta bay sq'uejibal te sbaq'ue. Yan te sulile ya me xchic' ta c'ajc' te ma xtup' sbajt'el q'uinal —xi' te Juane.

1 Timoteo 5:24

Soc ya calbat xan, ay mach'atic ya xchicnaj smulic ta comonsitil te c'alal ma to ayuc ta chajbanel a. Soc ay yantic te ma chicanuc ta comonsitil ta ora te smulique. Patil to ya xchicnaj.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

San Juan 15:6

Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

Malaquías 3:18

Jich yu'un te ja'ex ya me ana'ic stojol ta yan buelta, te yan yilel te mach'a leque soc te mach'a amene, soc yan yilel te mach'a ya squejan sba ta xch'uunel Dios soc te mach'a ma squejan sba ta stojole —xi' te Cajwaltique.

San Mateo 25:32

Spisil ta jchajp nacionetic ya me yich'ic tsobel tel ta stojol. Cha'q'uejp ya sloq'ues a jich bit'il te jcanan-chije te jq'uejp ya yac' te chijetique soc jq'uejp ya yac' te tentsunetique.

San Lucas 3:17

Te mach'a ya xtale, stsacojix ta sc'ab te yic'ojibal sulil trigo. Patil ya stsob ochel ta sq'uejibal te sbaq'ue. Yan te sulile ya me xchic' ta c'ajc' te banti ma xtup' sbajt'el q'uinal —xi' te Juane.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

1 Samuel 25:29

Teme ay mach'a ya snutsat, yu'un ya sc'an ya smilate, ja' me swentainejbat acuxlejal te Cajwaltic Dios awu'une. Jich nix te acontro, ja' ni me te Cajwaltic te ya xch'oj bael ta jc'axele, jich te bit'il ya yich' ch'ojel bael ton ta jimoch'ile.

2 Samuel 23:7

Ja' to ya xju' ta tsaquel a teme ya jtsactic ta taq'uin, o ta lanza; jich ya yich'ic aq'uel ta c'ajc' swenta yu'un jc'axel me ya xlaj ta c'ajq'uel”, xi' te David.

Isaías 17:5

Jich me ya xc'ot te bit'il ay mach'a ya set' trigo, ya stsac ta sc'ab juju-jchex; o ja' te c'alal ya stam xan ta sc'ab ta spamlej yu'un Refaim,

San Mateo 13:25

Ja'uc me to, te c'alal wayaliquix a te ants-winique, tal yajcontroe ts'iin. Och scap ta ts'unel cizaña-ac ta banti ts'umbil te trigoe, bajt' ts'iin.

San Mateo 13:29

La yal: “Ma xju'. Melel teme ya abul loq'uel tel te cizaña-aque, ya me xbul loq'uel tel uuc te trigoe.

Job 39:12

¿Ya bal acuy te ya yac' sba ta abatinel awu'un ta scuchel te sit awawal-ats'unube, soc te ya atsob soc te bi ay ta swuyjibal atrigo?