San Mateo 13:3 - Bible in Tzeltal de Oxchuc y Tenejapa

³ Te Jesús bayal bila caj yalbey yaiyic ta swenta seña-c'op. Jich la yal: —Ay jtul j'awal loc' ta swajel te yawale.

Nuevo Testamento Tzeltal de Amatenango

³ Te Jesuse bayal tuti lijk yaltalanbe ta seña-kꞌop. Jich a yal: —Ay jtul winik lokꞌ bael ta tsꞌunbajel.

Bible in Tzeltal Bachajón

³ Bayel bin la yalbe ya'iyic ta sloc'ombahil c'op, hich la yal: Ay jtuhl jts'umbajel loc' ta slihlinel sts'unub.

San Mateo 13:3 Referans Kwoze

San Marcos 4:13

Jich la yal: —¿Yu'un bal ma c'ot ta awo'tanic te seña-c'op la cale? ¿Bit'il ya xc'ot ta awo'tanic te yantic seña-c'op jiche?

San Marcos 4:33

Te Jesús la yal seña-c'op, jich te bit'il la yalix tele, ja' to chican bay c'alal te ju' yu'unic yaiyel stojole.

San Mateo 13:53

Te c'alal laj yo'tan ta yalel Jesús spisil in seña-c'opetic to, loc' bael tey a.

Salmos 78:2

Ya xc'opojon ta tsabil c'opetic; ya me cal te bila muquen ay, te namey ma'yuc ta alele.

San Marcos 12:12

Jich c'an stsaquic, yu'un c'ot ta yo'tanic te ja' sc'oplalic te seña-c'op la yale. Ja'uc me to, la xi'ic te ants-winiquetique. Jich la yijq'uitayic jilel, bajt'ic.

Salmos 49:4

ja' me ya jna' te tsabil c'opetic ay ta alele, ta c'ayoj soc arpa ya xloc' ta que te bila jnopoj ta co'tane.

San Juan 16:25

“Spisil in to la calbeyex tel ta puro seña-c'op, ja'uc me to, ya me sta yorail te ma'yuc bi ya calbeyex xan ta seña-c'op. Jamal me ya calbeyex bit'il ay sc'oplal te Jtate.

San Lucas 12:41

Te Pedro la sjojc'obey te Jesuse: —Cajwal, ¿jo'otic nax bal ya awalbotic in seña-c'op to? ¿O ja' bal ya awalbey ta spisil uuc te yantique? —xi'.

San Lucas 8:10

Te Jesús la yalbey yaiyic: —Te ja'exe Dios ya yac'beyex ana'ic stojol te bila wocol ta na'el te bit'il ay ta ajwalinel te Diose. Yan te yantique ya jc'opon ta seña-c'op, swenta yu'un manchuc teme ya yilic ta sitique, ma sna'beyic swentail, soc jayebuc buelta te ya x'albot yaiyique, ma xc'ot ta yo'tanic.

San Marcos 12:1

Jesús jajch' yalbey yaiyic seña-c'opetic. Jich la yal: —Ay jtul winic te la sts'un ts'usubiltic, soc la sjoy ta ts'ajc'. La sjoc'bey xch'enal spits'jibal sit te sts'usube, soc la sts'ajc'uy moel iljibal-q'uinal na swenta yu'un ya yich' canantayel tey a te ts'usubiltique. “La yac' jilel ta wentainel yu'un j'at'eletic te ts'usubiltic yu'une, soc bajt' ta c'ubul q'uinal.

San Marcos 3:23

Jich yu'un te Jesuse la yic' tel ta spisilic. La yalbey seña-c'op yaiyic: —¿Ya bal stac' te ya scontroin sba stuquel te Satanase?

San Mateo 24:32

“Te bila la calbeyexe, nopaic ta swenta bit'il ay te higo-te'e: Melel teme yaquix ta ach'ubel te sc'abc'abe, soc teme yaquix ta yaxubel te yabenale, jich me ya ana'ic stojol te nopolix tel te veranoe.

Habacuc 2:6

Ja'uc me to, spisil te nacionetic ya xcaj slabanic te j'u'uninwanejetic yu'unique, jich ya sc'ajintaybey sc'oplalic: “¡Ya me awil awocol ja'at te ya apas aba ta jc'ulej a te bila ma ja'ucat awu'une! ¿Jayeb xan buelta ya atsob te c'ulejalil ya alo'laye?” xi' me sc'oplal.

Miqueas 2:4

Jich me yorail te ya yich' c'ajintayel ta atojolic c'ayojetic swenta mel-o'tan. Jich me ya yalic: “Jc'axel la quich'tic jinel ta jyalel; te lum cu'untic, te ja' yu'un te Cajwaltic, la yich' jelel yajwal, ma'yuc mach'a ju' yu'un scomel; te jq'uinaltic la spucbeyix sbaic te jtsalwanejetic cu'untique”, xiic me —xi' te Cajwaltique.

Ezequiel 20:49

La calbey: —¡Ay, Cajwal, ay mach'atic yacalic yalel te jo'on ta jtuquel te yacon ta yalel c'op te ma'yuc mach'a ya xc'ot ta yo'tane! —xoon.

Ezequiel 17:2

—Ja'at winic, albeya te lum Israel in seña-c'op to.

San Mateo 22:1

Te Jesús caj xan ta c'op ta stojolic ta swenta seña-c'op. Jich la yalbey yaiyic:

San Mateo 13:4

C'alal yac ta swajel te yawale, ay tujq'uej jilel ta be. Tal te ja'mal mutetique. La sbiq'uic te awalile.