San Mateo 13:27 - Bible in Tzeltal de Oxchuc y Tenejapa

²⁷ Te abatetique, tal sc'oponic te yajwal q'uinale, jich la yalic: “Cajwal, ¿ma bal lequil awaliluc te la awac' ta ts'unel ta aq'uinale? ¿Bit'il ay a te capal ta ch'iel soc te cizaña-aque?”, xiic.

Nuevo Testamento Tzeltal de Amatenango

²⁷ Te jꞌaꞌteletike ba yalbeyik te yajwale: “Kajwal, ¿me lekil tsꞌunubil te ba awakꞌ ta awel ta alume? ¿Tutꞌil a chiknaj te ak te ma tsaꞌamuke?” xchiik.

Bible in Tzeltal Bachajón

²⁷ Talic te a'batetic yu'un te yajwal, hich la yalbeyic: Cajwal, ¿ma bal lequil ts'unubiluc te la ats'un ta aq'uinal? ¿Banti tal te aque? xchihic c'ohel.

San Mateo 13:27 Referans Kwoze

Romanos 16:17

Quermanotac, ya calbeyex xan wocol: Ila me abaic yu'un te mach'atic ya yaq'uic xatomba soc te ya sc'an ya xyaleswanic soc te ya scontroinic te bila ach'uunejic te ac'botex anopic ta apisilique. Ma me xajoin abaic soc.

2 Corintios 6:1

Jich yu'un te bit'il joy jbatic ta at'el soc te Diose, ya me jtac'uyex te ma me tojoluc ya xc'ot awu'unic te la yaq'uix ta ilel yutsil yo'tan ta atojolic te Diose.

2 Corintios 6:4

Jich yu'un ja' ya sc'an ya cac'beytic yilic spisil ants-winiquetic te bit'il abatotic yu'un te Diose, chican te bila ya xtal ta jtojoltique. Ya sc'an sts'ijc' cu'untic te uts'inele, te me'bale, soc te jwocoltique.

1 Corintios 16:10

Teme ya xc'ot ta bay ayex te Timoteoe, binuc nax me awo'tanic te ya awic' ta atojolique, melel yat'elinej spasel yat'el te Cajwaltique, jich te bit'il te jo'one.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

San Mateo 13:25

Ja'uc me to, te c'alal wayaliquix a te ants-winique, tal yajcontroe ts'iin. Och scap ta ts'unel cizaña-ac ta banti ts'umbil te trigoe, bajt' ts'iin.

San Mateo 13:26

Ch'i te awalile, chicnaj te site. Tey chicnaj uuc te cizaña-aque.

San Mateo 13:28

Te yajwalique la yal: “Ja' la yac'bon te cajcontroe”, xi'. La yal te abatetique: “¿Ya bal ac'an te ya xba jbultic loq'uele?”, xiic.

San Mateo 20:1

La yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te jtul winic te sab to a te loc' sle yaj'at'ele, swenta yu'un ya spas trato ta tsobel te sts'usube.