San Mateo 13:25 - Bible in Tzeltal de Oxchuc y Tenejapa

²⁵ Ja'uc me to, te c'alal wayaliquix a te ants-winique, tal yajcontroe ts'iin. Och scap ta ts'unel cizaña-ac ta banti ts'umbil te trigoe, bajt' ts'iin.

Nuevo Testamento Tzeltal de Amatenango

²⁵ Pero te kꞌalal wayajtikix ae, tal te skontrae. Och stsꞌun te ak te ma tsaꞌamuke te ta yolil triwue. Yo bajt.

Bible in Tzeltal Bachajón

²⁵ pero wayal spisilic a tal te scontra, la slihlin ac ta yohlil te trigo, loc' bahel.

San Mateo 13:25 Referans Kwoze

1 Pedro 5:8

Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.

2 Pedro 2:1

Ja'uc me to, namey q'uinal ay lotil j'alwanejetic ta yolil te lum Israele. Ja' nanix jich ya me xchicnaj lotil maestroetic ta awolilic uuc. Muquen me ya yaq'uic ta nopel yan c'op te ya xjinawane. Ma ja'uc ya yaq'uic ta ich'el ta muc' te Cajwaltic te la stojbey scolelique. Jich me ora ya yich'ic jinel stuquelic.

San Mateo 13:39

Te cajcontro te la sts'un te cizaña-aque ja' te pucuje. Te yorail te ya yich' tsobele, ja' te slajibal c'aale. Te j'at'eletique, ja' te ch'ul abatetique.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

San Mateo 25:5

“Ja'uc me to, te bit'il jalaj te winic ya xnujbine, tal swayel ta spisilic. Jich wayic.

Gálatas 2:4

Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

Apocalipsis 2:20

Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

Apocalipsis 13:14

Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

San Mateo 13:24

Jesús la yal yan seña-c'op. Jich la yal: —Te bit'il ay ta ajwalinel te Dios te ay ta ch'ulchane, jich c'oem te bit'il la sts'un lequil awalil ta sq'uinal te jtul winique.

San Mateo 13:26

Ch'i te awalile, chicnaj te site. Tey chicnaj uuc te cizaña-aque.

San Mateo 13:27

Te abatetique, tal sc'oponic te yajwal q'uinale, jich la yalic: “Cajwal, ¿ma bal lequil awaliluc te la awac' ta ts'unel ta aq'uinale? ¿Bit'il ay a te capal ta ch'iel soc te cizaña-aque?”, xiic.

San Mateo 13:29

La yal: “Ma xju'. Melel teme ya abul loq'uel tel te cizaña-aque, ya me xbul loq'uel tel uuc te trigoe.

San Mateo 13:30

Tey ac'a jiluc ta ch'iel soc a, ja' to teme la sta yorail te ya yich' tsobele. Te c'alal ya sta yoraile, ya me calbey te j'at'eletique te ja' neel ac'a stsobic loq'uel tel te cizaña-aque. Ac'a xchuquic ta tomoltom, swenta yu'un ya yich' chiq'uel ta c'ajc'. Yan te trigoe ya me stsobic ochel ta bay snail cu'un”, ya me yut —xi' te Jesuse.

1 Reyes 3:20

Jajch' ta olil ajc'ubal te c'alal ochem jwayel ta lec a, la yic'bon jajch'el ta jxujc' te cale, ja' way soc. Ja' la yic' tel swaytesbon ta jxujc' te yal te lajeme.