Biblia Todo Logo
Bib sou entènèt

- Piblisite -




San Mateo 13:23 - Bible in Tzeltal de Oxchuc y Tenejapa

23 Yan te awalil te c'ot ta lequil lume, ja' sc'oplal te mach'a ya yaiy stojol te Sc'op Diose, ya yac' ta yo'tan. Jich me ya sitin ta lec c'oem. Ay jo'winic (100) ya yac' sitic c'oem te juju-jtule. Ay ya yac' oxwinic (60), soc ay ya yac' lajuneb xcha'winic (30) —xi' te Jesuse.

Gade chapit la Kopi

Nuevo Testamento Tzeltal de Amatenango

23 Pero ay machꞌatik ya yaꞌiybe sluwaril sok te ya xkꞌot ta yoꞌtanike, jich kꞌoemik te tutꞌil tsꞌunubil te kꞌot ta lekil lume. Jich me lek ya yakꞌ sit stukel. Ay machꞌa jich a kꞌot tutꞌil mitsꞌojel te pꞌej nax tsꞌunubil ya yakꞌ sien ta pꞌej te site, sok ay ya yakꞌ ta sesenta, sok ay ya yakꞌ ta treinta —xchi te Jesuse.

Gade chapit la Kopi

Bible in Tzeltal Bachajón

23 Yan te ts'unubil te c'oht ta lequil lum, ha sc'oblal te mach'a ya ya'iy soc ya xc'oht ta yo'tan te c'ope; ya yac' sit ta ho'winic (100), ta oxwinic (60) o ta lajuneb scha'winic (30), xchi te Jesús.

Gade chapit la Kopi




San Mateo 13:23
43 Referans Kwoze  

Ta swenta me te Jesucristoe, te nojel sit te awat'elique. Jich me ya x'albot wocol ta awentaic te Diose, soc jich me lec sc'oplal ya xc'ot awu'unic ta bayuc te Diose.


Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.


“Teme lec te te'e, lec te sit ya yaq'ue. Yan teme amen te te'e, amen sit ya yac' stuquel. Melel te te'e ya jna'beytic sba ta swenta te site.


Ja'uc me to, ay c'ot ta lequil lum. Sitin ta lec te awalile. Ay la yac' jo'winic (100) sit te juju-jpejt'e, ay oxwinic (60), ay lajuneb xcha'winic (30).


Ja' nix in c'op to te julemix ta atojolique, ta ora to pujq'uemix ta bayuc ta spamal te balumilale. Yaquix ta sit ta bayuc, jich te bit'il jajch' sitinuc ta awolilic uuc ja'ex te c'alal la awaiyic stojol te bit'il ay yutsil yo'tan cu'untic ta mero melel te Diose.


Ac'a me chicnajuc ta ilel sit te awat'elic te bit'il sujt'emix awo'tanic ta mero melel yu'un te amulique.


Jich wan ya yac' sit. Teme ma la yac' site, ya me xju' ta bojel loq'uel”, xi' me —xi' te Jesuse.


Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.


Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.


Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.


Soc la yal te Cajwaltique: “Jich ay te trato ya jpas soc te lum Israel te c'alal ya sta yoraile: Ya me cac'bey sna'ic ta yo'tanic te mandalil cu'une, ya me jts'ibubey ta yo'tanic c'oem. Jo'on Dioson yu'unic ya xc'oon, soc ja' lum cu'un ya xc'otic.


Melel jpisiltic la yich'ix alel ta jtojoltic uuc te lec yach'il c'ope, jich nix te bit'il la yich' alel ta stojolique. Ja'uc me to, tojol c'ot te la yaiyic stojole, melel ma la yac' xch'uunjel yo'tanic te bit'il la yaiyic stojole.


Ya me stuuntes spisil ta jchajp muliletic te ya slo'lay a te mach'atic ya xbajt'ic ta ch'ayel, ta scaj te ma la sc'an xch'uun te smelelil c'op te ay colel yu'une.


Jich yu'un quermanotac, ya calbeyex wocol soc ya jtac'uyex ta swenta te Cajwaltic Jesuse. Jich bit'il la cac'beyex anopic te toj ya awac' abaic ta q'uinale, swenta yu'un jich me lec yo'tan awu'unic te Diose, jich c'axem to xan toj me xawac' abaic spisil ora.


Ma yu'unuc ja' nax ay sc'oplal ta co'tan te ya jta jmajt'ane. Ja' bayal sc'oplal ta co'tan te yacuc x'esmajuc sit ta atojolique.


Dios ya yac'bey yawal te mach'a ya yaiy awale, soc ya yac'bey waj swe'. Ja' nanix jich ya me yac'beyex spisil te bila ya sc'an awel awu'unique, soc ya me yesmantesbeyex te sit awawal-ats'unubique, swenta yu'un jich me ya xju' awu'unic te bayal ya awaiy coltaywanej ta stojol te yantique.


Te judioetic te ayic ta bay lum Berea, ay razon ta yo'tanic stuquelic. Ma jichuc yo'tanic te bit'il yo'tanic te mach'atic ayic ta bay te lum Tesalonicae. Toyol yo'tanic la yaiyic stojol te bila albot yaiyic yu'un te Pabloe. Jujun c'aal la sle yilic ta Sjun Dios teme melel te bila yacalic ta yaiyel stojole.


Ja'uc me to, ay jtul ants te tey ay a, Lidia te sbiile, te talem ta lum Tiatira. Ja' yat'elinej xchonel te t'ujbil tsaj'aman pac' te bayal stojole. In ants to, ja' yich'oj ta muc' te Diose, jich jambot yo'tan yu'un te Cajwaltique. La yaiy stojol te bila la yal te Pabloe.


Te mach'atic yu'un te Diose, ya yaiybeyic stojol te sc'ope. Yan te bit'il ma yu'unuquex te Diose, jich ma x'ac'an awaiybeyic stojol te bila ya yale —xi' te Jesuse.


Yan te awalil te c'ot ta bay lequil lume, ja' sc'oplal te mach'atic jun nax yo'tanic ta yaiyel stojol te Sc'op Diose, soc te jc'axel ya yac' yo'tanic ta xch'uunel soc ma xchebaj yo'tanic. Ya me sitin ta yo'tanic ta lec c'oem te sc'op Diose.


Jamal ya calbeyex, te mach'a ma xch'uun yajwalinel te Diose, jich bit'il te alale, ma xju' ya yajwalin te Diose —xi' te Jesuse.


Te awalil te c'ot ta lequil lume, ja'ic te mach'atic ya yaiyic te sc'op Diose soc te ya yac' ta yo'tanique. Ay ya sitin lajuneb xcha'winic (30), oxwinic (60) soc jo'winic (100) —xi' te Jesuse.


Pajal c'oemex soc te'etic te chapalix yechejul ta ts'etel c'alal ta yisim. Melel spisil ta pejt' te' te ma xyac' site, ya me yich' ts'etel soc ya me yich' ch'ojel ochel ta c'ajc'.


Ya me cac'beyex yach'il awo'tanic, ya me cac'beyex yach'il acuxlejalic. Ya me jloq'uesbeyex te awo'tanic te pajal soc tulanil ton, ya me cac'beyex awo'taninic c'unil-o'tanil.


Ijq'uitayaic jilel ta jc'axel ta spisil te bitic amen ya apasic ta jtojole. Pasa ta yach'il awo'tanic, pasa ta yach'il acuxlejalic. ¿Bi yu'un ya xlajat, lum Israel?


Ja' pajal c'oemic soc te lumq'uinal te ya yuch' bael ja'al ta jujun buelta te ya xtale. Teme ya xch'i te awal-ts'unubile soc teme ya xtuun yu'un te mach'a at'ejemique, jich ya yich' bendición yu'un te Diose.


Ja'uc me to, ay c'ot ta bay lequil lum te awalile. Te c'alal ch'ie, sitin ta lec. Ay la yac' jo'winic (100) ta jp'ij sit te juju-jpejt' awalile —xi' te Jesuse. Te bit'il jich yac ta yalel te Jesuse, la stoyes xan sc'op: —Te mach'a ay xchiquine, ac'a me yaiy stojol ta lec —xi'.


Swiv nou:

Piblisite


Piblisite